Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

 LALA 107

Nyɔŋmɔ Tsɔɔ Wɔ Akɛ Wɔsumɔ Mɛi

Halamɔ Nibii Ni Atswaa Aboɔ Toi Lɛ Eko
Nyɔŋmɔ Tsɔɔ Wɔ Akɛ Wɔsumɔ Mɛi
EPUEMƆ

(1 Yohane 4:19)

  1. 1. Nyɔŋmɔ biɔ wɔ fɛɛ ni wɔsumɔ wɔhe

    Kɛkase esuɔmɔ.

    Enitsumɔi fɛɛ, kɛ enifeemɔi fɛɛ

    Tsɔɔ wɔ akɛ suɔmɔ ji lɛ.

    Esumɔɔ Kristo, shi eŋɔ lɛ ehã

    Koni gbɔmɛi fɛɛ aná hiɛnɔkamɔ.

    Enɛ tsɔɔ suɔmɔ​—suɔmɔ ni da diɛŋtsɛ!

    Kasemɔ lɛ, Jiemɔ suɔmɔ kpo.

  2. 2. Kɛ́ wɔkase lɛ, wɔbaasumɔ wɔhe,

    Wɔsuɔmɔ sɛɛ efoŋ.

    Ni wɔbaasusu wɔnyɛmimɛi ahe,

    Onukpai fɛɛ, gbekɛbii fɛɛ.

    Anɔkwa suɔmɔ kɛhã Nyɔŋmɔ Ofe

    Kɛ naanyo gbɔmɔ​—nomɛi ahe hiaa waa.

    Kɛ́ nyɛmimɛi tɔ̃ ni wɔkɛke amɛ,

    No tsɔɔ akɛ Wɔyɛ suɔmɔ krɔŋŋ.

  3. 3. Suɔmɔ tamɔ kpãa, efeɔ wɔ ekome,

    Wɔbafeɔ wekumɛi.

    Ekomefeemɔ hãa wɔmii shɛɔ wɔhe;

    Enɛ yɛ fɛo; enɔ bɛ kwraa!

    Suɔmɔ kɛ miishɛɛ, no mɛi fɛɛ kɛleɔ wɔ.

    Yehowa mumɔ, Biblia, kɛ esafo,

    Ekɛ fɛɛ dro wɔ; nomɛi fɛɛ hãa wɔnaa

    Akɛ Nyɔŋmɔ Ji suɔmɔ Nyɔŋmɔ.