Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Yesu—Gbɛ lɛ, Anɔkwale lɛ, Wala Lɛ

 YITSO 52

Ekɛ Aboloo Fioo kɛ Loo Lɛ́ Mɛi Akpei Abɔ

Ekɛ Aboloo Fioo kɛ Loo Lɛ́ Mɛi Akpei Abɔ

Bɔfoi 12 lɛ yashiɛ kɛkpa Galilea, ni amɛbagba Yesu “nibii ni amɛyafee kɛ nibii ni amɛyatsɔɔ lɛ fɛɛ.” Ŋwanejee ko bɛ he akɛ, etɔ amɛ waa. Kɛ̃lɛ, amɛnáaa be amɛkɛye nii tete, ejaakɛ mɛi lɛ miiba amɛmiiya. No hewɔ lɛ, Yesu kɛɛ akɛ: “Nyɛ sɔŋŋ nyɛbaa ni wɔyaa he ko banee ni nyɛyajɔa nyɛhe fioo.”Marko 6:30, 31.

Amɛyata lɛlɛ mli yɛ he ko ni bɛŋkɛ Kapernaum, koni amɛya he ko ni etse ehe banee yɛ Yordan Faa lɛ boka yɛ Betsaida sɛɛ. Shi be ni amɛyaa lɛ, mɛi babaoo na amɛ, ni mɛi krokomɛi hu ná amɛle. Amɛ fɛɛ amɛwo foi kɛtsɔ ŋshɔ lɛ naa ni amɛyashɛ jɛmɛ dani lɛlɛ lɛ bakpeleke.

Be ni Yesu yi shi yɛ lɛlɛ lɛ mli lɛ, ena asafoku lɛ, ni emusuŋ tsɔ lɛ yɛ amɛ hewɔ, ejaakɛ amɛtamɔ gwantɛŋi ni bɛ kwɛlɔ. No hewɔ lɛ, ebɔi “amɛ nibii pii tsɔɔmɔ” yɛ Maŋtsɛyeli lɛ he. (Marko 6:34) Etsa “amɛteŋ mɛi ni tsamɔ he ehia amɛ lɛ.” (Luka 9:11) Fee sɛɛ lɛ, kaselɔi lɛ kɛɛ lɛ akɛ: “Biɛ etse ehe banee, ni je ena momo; wó asafoku lɛ gbɛ koni amɛya akrowai lɛ amli amɛyahé niyenii.”Mateo 14:15.

Yesu kɛɛ amɛ akɛ: “Ehiaaa ni amɛshi; nyɛ nyɛhãa amɛ nɔ ko amɛyea.” (Mateo 14:16) Eyɛ mli akɛ Yesu le nɔ ni ebaafee moŋ, shi eka Filipo kɛ sanebimɔ nɛɛ akɛ: “Nɛgbɛ wɔbaayahé aboloi yɛ wɔhã mɛnɛɛmɛi ni amɛye?” Esa jogbaŋŋ akɛ ebi Filipo, ejaakɛ lɛ ji mɔ ni jɛ Betsaida ni bɛŋkɛ he ni amɛyɔɔ lɛ. Shi aboloi ni abaayahé lɛ tsuŋ naagba lɛ he nii. Ejaakɛ hii lɛ sɔŋŋ po aaafee 5,000. Ni kɛ́ abu yei kɛ gbekɛbii afata he lɛ, amɛyi baanyɛ ashɛ yibɔ nɛɛ toi enyɔ! Filipo hã lɛ hetoo akɛ: “Aboloo denarioi ohai enyɔ [denario ji gbi kome nitsumɔ he nyɔmɔwoo] faaa bɔ ni amɛteŋ mɔ fɛɛ mɔ baaná fioo ko po.”Yohane 6:5-7.

Andrea kɛɛ akɛ: “Naa gbekɛ nuu fioo ko ni hiɛ akoko aboloi enumɔ kɛ nu mli loi enyɔ. Shi mɛi pii nɛɛ, amɛnɛgbɛ enɛ baashɛ?” Ekolɛ ewie enɛ ni ekɛtsɔɔ akɛ amɛnyɛŋ amɛlɛ́ mɛi lɛ fɛɛ.Yohane 6:9.

Enɛ ba yɛ March naagbee gbɛ, be ni eshwɛ fioo ni abaaye afi 32 Ŋ.B. Hehoo lɛ, no hewɔ lɛ, jwɛi fɔ yɛ ŋmeŋmei lɛ anɔ. Yesu hã ekaselɔi lɛ kɛɛ mɛi lɛ ni amɛtara shi yɛ kuikui 50 kɛ 100 naa yɛ jwɛi fɔ lɛ nɔ. Ekɔlɔ aboloi enumɔ kɛ loi enyɔ lɛ ni eda Nyɔŋmɔ shi. Kɛkɛ ni ekumɔ aboloi lɛ amli ni ejara loi lɛ amli. Ni ekɛ enɛɛmɛi hã ekaselɔi lɛ koni amɛja amɛhã mɛi lɛ. Naakpɛɛ sane ji akɛ, mɛi lɛ fɛɛ ye ni amɛtɔrɔ!

Sɛɛ mli lɛ, Yesu kɛɛ ekaselɔi lɛ akɛ: “Nyɛbuaa fufuji ni eshwɛ lɛ anaa, koni nɔ ko nɔ ko akafite.” (Yohane 6:12) Amɛbua fufuji ni shwɛ lɛ anaa, ni eyimɔ kɛntɛŋi 12 obɔbɔ!

Ekrokromɛi Hu Nɛ

Atsɔ Mɛi Fioo Nɔ Alɛ Mɛi Babaoo

Mɛɛ gbɛ nɔ Yesu tsɔ ekɛ mumɔŋ niyenii ha klɛŋklɛŋ afii 100 lɛ mli asafoi lɛ? Ani ebaatsɔ gbɛjianɔtoo ko nɔ efee nakai ŋmɛnɛ?