Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Yesu—Gbɛ lɛ, Anɔkwale lɛ, Wala Lɛ

 YITSO 5

He ni Afɔ Yesu yɛ kɛ Be ni Afɔ Lɛ

He ni Afɔ Yesu yɛ kɛ Be ni Afɔ Lɛ

LUKA 2:1-20

  • AFƆ YESU YƐ BETLEHEM

  • TOOKWƐLƆI YASARA ABIFAO YESU

Roma Nɔyelɔ Kaisare Augusto wo akpɔ ko akɛ aŋma mɔ fɛɛ mɔ gbɛ́i. No hewɔ lɛ, esa akɛ Yosef kɛ Maria afã gbɛ kɛya Yosef maŋ, ni ji Betlehem ni yɔɔ Yerusalem wuoyi lɛ.

Mɛi babaoo eba Betlehem koni aŋma amɛgbɛ́i. He pɛ ni Yosef kɛ Maria baanyɛ aná awɔ ji kooloi atsu ko mli, he ni tejii kɛ kooloi krokomɛi wɔɔ lɛ. Jɛmɛ afɔ Yesu yɛ. Maria ŋɔ mamai ebala abifao lɛ he ni eŋɔ lɛ eŋmɛ kooloi aniyenii anɔ mli.

Ekã shi faŋŋ akɛ, Nyɔŋmɔ ji mɔ ni hã Kaisare Augusto wo akpɔ koni mɛi ayaŋma amɛgbɛ́i lɛ. Mɛni hewɔ? Ejaakɛ enɛ hã anyɛ afɔ Yesu yɛ Betlehem, ni ji maŋ ni eblematsɛ Maŋtsɛ David jɛ mli lɛ. Ŋmalɛi lɛ egba jeeŋmɔ akɛ, maŋ nɛɛ nɔ abaafɔ Nɔyelɔ ni awo ehe shi lɛ yɛ.Mika 5:1.

Nakai gbɛkɛ lɛ ji gbɛkɛ krɛdɛɛ ko! La ko kpɛ kɛbɔle tookwɛlɔi komɛi yɛ ŋa nɔ. Yehowa anunyam ni! Nyɔŋmɔ bɔfo ko kɛɛ tookwɛlɔi lɛ akɛ: “Nyɛkashea gbeyei, ejaakɛ naa! miijaje sane kpakpa ni baahã mɛi fɛɛ aná miishɛɛ babaoo miitsɔɔ nyɛ. Ejaakɛ ŋmɛnɛ lɛ afɔ yiwalaherelɔ ko, ni ji Kristo, Nuŋtsɔ lɛ, yɛ David maŋ lɛ mli ahã nyɛ. Ni enɛ afee okadi ahã nyɛ: Nyɛbaana abifao ni aŋɔ mamai abala ehe ni ekã kooloi aniyenii anɔ mli.” Trukaa lɛ, ŋwɛibɔfoi krokomɛi babaoo bafata ehe ni amɛkɛɛ: “Anunyam ahã Nyɔŋmɔ yɛ ŋwɛi flooflo, ni toiŋjɔlɛ ahi mɛi ni yɔɔ ehiɛ duromɔ lɛ ateŋ yɛ shikpɔŋ lɛ nɔ.”Luka 2:10-14.

Be ni ŋwɛibɔfoi lɛ shi amɛtee lɛ, tookwɛlɔi lɛ kɛɛkɛɛ amɛhe akɛ: “Bɔ fɛɛ bɔ ni fee lɛ, nyɛhãa wɔyaa Betlehem ni wɔyakwɛa nɔ ni etee nɔ ní Yehowa ehã wɔle nɛɛ.” (Luka 2:15) Amɛhe fee oya kɛtee ni amɛyana abifao Yesu yɛ he tuuntu ni ŋwɛibɔfo lɛ kɛɛ amɛbaayana lɛ yɛ lɛ. Be ni tookwɛlɔi lɛ gba nɔ ni ŋwɛibɔfo lɛ kɛɛ amɛ lɛ, mɛi fɛɛ ni nu lɛ anaa kpɛ amɛhe. Maria kɛ wiemɔi nɛɛ fɛɛ to, ni ejwɛŋɔ nɔ kɛmuɔ saji anaa yɛ etsui mli.

Ŋmɛnɛ lɛ, mɛi babaoo heɔ yeɔ akɛ afɔ Yesu yɛ December 25 lɛ nɔ. Shi yɛ Betlehem niiaŋ lɛ, nugbɔ nɛɔ ni fɛ̃i hu yeɔ yɛ December mli. Bei komɛi po lɛ, snoo nɛɔ. Kɛ́ shɛ nɛkɛ beiaŋ yɛ afi lɛ mli lɛ, ewa akɛ tookwɛlɔi kɛ amɛtoi baayaye jenamɔ yɛ ŋa nɔ. Kɛfata he lɛ, ebaawa akɛ Roma nɔyelɔ lɛ baabi ni mɛi ni miitao atse ehiɛ atua momo lɛ afã gbɛ gbii babaoo yɛ fɛ̃i ni naa wa nɛɛ mli kɛya amɛmaŋ, ní amɛyaŋma amɛgbɛ́i. Odaseyeli tsɔɔ akɛ, afɔ Yesu yɛ October mli.

Ekrokromɛi Hu Nɛ

‘Maria susu He yɛ Etsui Mli’

Niiashikpamɔ ni Maria ná yɛ Betlehem lɛ waje Yehowa shiwoi amli hemɔkɛyeli ni eyɔɔ lɛ.