Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 5

Mɛni Obaana yɛ Wɔ-Kristofoi Akpeei Ashishi?

Mɛni Obaana yɛ Wɔ-Kristofoi Akpeei Ashishi?

Argentina

Sierra Leone

Belgium

Malaysia

Mɛi babaoo ekpa sɔlemɔyaa, ejaakɛ amɛnáaa saji ni he hiaa yɛ shihilɛ mli lɛ ahetoo loo ehaaa amɛtsui anyɔ amɛmli. Kɛ́ nakai lɛ, mɛni hewɔ esa akɛ oya Kristofoi akpeei ni Yehowa Odasefoi feɔ lɛ mɔ? Mɛni obaana yɛ jɛmɛ?

Mɛi ni yɔɔ suɔmɔ ni susuɔ mɛi ahe ni obaana yɛ jɛmɛ lɛ baaha oná miishɛɛ. Yɛ klɛŋklɛŋ afii 100 lɛ mli lɛ, ato Kristofoi lɛ ahe gbɛjianɔ awo asafoi amli, ni amɛkpeɔ kɛjaa Nyɔŋmɔ, kɛkaseɔ Ŋmalɛi lɛ, ni amɛwowoɔ amɛhe hewalɛ. (Hebribii 10:24, 25) Akɛni amɛkpeɔ kɛ miishɛɛ hewɔ lɛ, amɛnuɔ he akɛ amɛyɛ nanemɛi kpakpai ateŋ—ni ji amɛnyɛmimɛi Kristofoi lɛ. (2 Tesalonikabii 1:3; 3 Yohane 14, 15) Wɔnyiɛɔ klɛŋklɛŋ afii 100 lɛ mli Kristofoi lɛ anɔkwɛmɔnɔ lɛ sɛɛ ŋmɛnɛ, ni wɔnáa miishɛɛ tamɔ amɛná lɛ.

Obaale bɔ ni akɛ Biblia mli shishitoo mlai tsuɔ nii ahaa. Ŋmɛnɛ lɛ, hii kɛ yei kɛ gbekɛbii fɛɛ kpeɔ kutuu, tamɔ bɔ ni atsɔɔ yɛ Biblia lɛ mli lɛ. Tsɔɔlɔi ni sa tsɔɔ Biblia lɛ nɔ amɛyeɔ amɛbuaa wɔ ni wɔna bɔ ni wɔɔfee wɔkɛ Biblia mli shishitoo mlai atsu nii yɛ wɔshihilɛ mli daa. (5 Mose 31:12; Nehemia 8:8) Mɔ fɛɛ mɔ baanyɛ ekɛ ehe awo sane ni tsɔɔlɔi lɛ kɛ toibolɔi lɛ gbaa lɛ kɛ lalai ni aláa lɛ amli, ní ekɛjie hiɛnɔkamɔ ni eyɔɔ akɛ Kristofonyo lɛ kpo.—Hebribii 10:23.

Hemɔkɛyeli ni oyɔɔ yɛ Nyɔŋmɔ mli lɛ mli baawa. Bɔfo Paulo kɛɛ asafo ko ni yɔɔ ebeaŋ lɛ akɛ: “Miishwe akɛ mana nyɛ, koni . . . ashɛje mi kɛ nyɛ fɛɛ mii yɛ nyɛteŋ, yɛ hemɔkɛyeli ni yɔɔ mi kɛ nyɛ fɛɛ mli lɛŋ.” (Romabii 1:11, 12) Bɔ ni wɔkɛ wɔnyɛmimɛi Kristofoi lɛ kpeɔ yɛ asafoŋ kpeei ashishi daa lɛ wajeɔ wɔhemɔkɛyeli, ni ehaa wɔtswaa wɔfai shi waa akɛ wɔkɛ gbɛtsɔɔmɔi ni yɔɔ Biblia lɛ mli lɛ baatsu nii.

Wɔmiifɔ̃ bo nine ni oba wɔsafoŋ kpee ni nyiɛ sɛɛ ni wɔbaafee lɛ shishi ni bo diɛŋtsɛ obana nɔ ni atsɔɔ nɛɛ? Wɔkɛ miishɛɛ baahere bo atuu. Aheee nɔ ko yɛ mɔ ko dɛŋ yɛ wɔkpeei lɛ eko fɛɛ eko shishi.

  • Mɛɛ nɔkwɛmɔnɔ sɛɛ wɔnyiɛɔ kɛfeɔ wɔsafoŋ kpeei?

  • Kɛ́ wɔtee Kristofoi akpeei lɛ, mɛɛ sɛɛ wɔnáa?

Ekrokromɛi Hu Nɛ

Mɛni Yaa Nɔ yɛ Maŋtsɛyeli Asa lɛ Nɔ?

Bo diɛŋtsɛ kwɛmɔ Asa lɛ mli koni ona nɔ ni yaa nɔ yɛ jɛmɛ.

Asafoŋ Kpeei Srɔtoi ni Yehowa Odasefoi Feɔ

Taomɔ he ni Yehowa Odasefoi kpeɔ yɛ kɛ bɔ ni amɛjáa.