Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 10

Mɛni Ji Weku Jamɔ?

Mɛni Ji Weku Jamɔ?

South Korea

Brazil

Australia

Guinea

Kɛjɛ blema tɔ̃ɔ lɛ, Yehowa miisumɔ ni weku fɛɛ weku ato be ko, ni amɛkpe kutuu kɛwaje wekukpaa ni yɔɔ amɛ kɛ Yehowa kɛ agbɛnɛ hu weku lɛ mli bii lɛ ateŋ lɛ. (5 Mose 6:6, 7) No hewɔ ni Yehowa Odasefoi toɔ gbi ko yɛ otsi lɛ mli, ni weku muu lɛ fɛɛ kpeɔ kutuu ni amɛsusuɔ Biblia mli saji ni kɔɔ amɛhiamɔ nibii pɔtɛi ahe lɛ he yɛ gbɛ ni yɔɔ miishɛɛ nɔ lɛ. Kɛ́ okome oyɔɔ po lɛ, obaanyɛ okɛ be ni tamɔ nɛkɛ lɛ akase nibii komɛi kɛjɛ Biblia lɛ mli ni okɛtsi obɛŋkɛ Nyɔŋmɔ.

Eji be ni akɛbɛŋkɛɔ Yehowa. “Nyɛtsia nyɛbɛŋkɛa Nyɔŋmɔ, ni eeetsi eeebɛŋkɛ nyɛ.” (Yakobo 4:8) Kɛ́ wɔkase nibii ni kɔɔ Yehowa sui lɛ kɛ enifeemɔi lɛ ahe yɛ e-Wiemɔ ni ji Biblia lɛ mli lɛ, ehaa wɔleɔ lɛ jogbaŋŋ. Gbɛ ni yɔɔ mlɛo ni nyɛbaanyɛ nyɛtsɔ nɔ nyɛje nyɛweku jamɔ shishi ji, ni nyɛkɛ be lɛ eko akane Biblia lɛ kutuu, ekolɛ kɛtsɔ daa otsi Biblia kanemɔ ni ato he gbɛjianɔ yɛ Wɔshiɛmɔ kɛ Wɔshihilɛ Kpee lɛ mli lɛ sɛɛ ni nyɛaanyiɛ lɛ nɔ. Abaanyɛ ajara nikanemɔ lɛ aha weku lɛ mli bii lɛ fɛɛ, no sɛɛ lɛ, mɔ fɛɛ mɔ baanyɛ awie nɔ ni ekase kɛjɛ Ŋmalɛi lɛ amli lɛ he.

Eji be ni weku lɛ mli bii lɛ kɛbɛŋkɛɔ amɛhe. Kɛ́ wu kɛ ŋa, loo fɔlɔi kɛ amɛbii kase Biblia lɛ akɛ weku lɛ, ewajeɔ wekukpaa ni kã amɛteŋ lɛ waa. Esa akɛ efee miishɛɛ kɛ toiŋjɔlɛ be, be ni weku lɛ mli bii lɛ fɛɛ kpaa gbɛ yɛ otsi lɛ mli. Fɔlɔi baanyɛ ahala saji ni kɔɔ gbekɛbii lɛ ahe yɛ afii abɔ ni amɛye lɛ naa ni asusu he, ekolɛ amɛbaanyɛ amɛhala saji nɛɛ kɛjɛ Buu-Mɔɔ Awake! lɛ mli loo kɛjɛ wɔ-wɛbsaiti ni ji jw.org lɛ nɔ. Nyɛbaanyɛ nyɛwie naagba ko ni nyɛbii lɛ kɛkpe yɛ skul kɛ bɔ ni amɛbaatsu he nii amɛha lɛ he. Nyɛbaanyɛ nyɛfee ekome kɛkwɛ nifeemɔ ko ni aajie yɛ JW Broadcasting (tv.jw.org) lɛ nɔ, koni no sɛɛ lɛ nyɛsusu he. Nyɛbaanyɛ nyɛkase lalai ni abaalá yɛ asafoŋ kpeei ni abaafee lɛ mli, ni nyɛjie nyɛdaaŋ fioo yɛ weku jamɔ lɛ sɛɛ.

Be krɛdɛɛ nɛɛ ni nyɛkɛjaa Yehowa kutuu daa otsi lɛ baaye abua weku lɛ mli bii lɛ fɛɛ ni amɛná Nyɔŋmɔ Wiemɔ lɛ he miishɛɛ, ni Nyɔŋmɔ baajɔɔ nyɛmɔdɛŋbɔɔ lɛ nɔ waa. —Lala 1:1-3.

  • Mɛni hewɔ wɔtoɔ be kɛfeɔ weku jamɔ?

  • Te fɔlɔi aaafee tɛŋŋ amɛha be nɛɛ afee miishɛɛ kɛha weku lɛ mli bii lɛ fɛɛ?

Ekrokromɛi Hu Nɛ

Bɔ ni Ooofee Oha Miishɛɛ Ahi Oweku Shihilɛ Mli

Suɔmɔ ni Yesu jie lɛ kpo lɛ ji nɔkwɛmɔnɔ ni esa akɛ wumɛi, ŋamɛi, fɔlɔi, kɛ gbekɛbii fɛɛ akase. Mɛni wɔkaseɔ yɛ nɔ ni efee lɛ mli?