Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 12

Te Ato Wɔ-Maŋtsɛyeli Shiɛmɔ Nitsumɔ lɛ he Gbɛjianɔ Aha Tɛŋŋ?

Te Ato Wɔ-Maŋtsɛyeli Shiɛmɔ Nitsumɔ lɛ he Gbɛjianɔ Aha Tɛŋŋ?

Spain

Belarus

Hong Kong

Peru

Beni eshwɛ fioo ni Yesu baagbo lɛ, ewie akɛ: “Aaashiɛ maŋtsɛyeli lɛ he sanekpakpa nɛɛ atsɔɔ je nɛŋ fɛɛ, ní akɛye jeŋmaji lɛ fɛɛ odase; ni no dani naagbee lɛ aaaba.” (Mateo 24:14) Shi te aaafee tɛŋŋ ashiɛ kɛkpele jeŋ muu lɛ fɛɛ lɛ? Kɛtsɔ nɔkwɛmɔnɔ ni Yesu fee beni eyɔɔ shikpɔŋ lɛ nɔ lɛ sɛɛ ni aaanyiɛ lɛ nɔ.—Luka 8:1.

Wɔbɔɔ mɔdɛŋ ni wɔya mɛi aŋɔɔ yɛ amɛshĩai amli. Yesu tsɔɔ ekaselɔi lɛ ni amɛshiɛ sanekpakpa lɛ yɛ shĩa fɛɛ shĩa. (Mateo 10:11-13; Bɔfoi lɛ Asaji 5:42; 20:20) Atsɔɔ nakai klɛŋklɛŋ afii 100 lɛ mli shiɛlɔi lɛ hei pɔtɛi ni amɛyashiɛ yɛ. (Mateo 10:5, 6; 2 Korintobii 10:13) Nakai nɔŋŋ ŋmɛnɛ lɛ, ato wɔshiɛmɔ nitsumɔ lɛ he gbɛjianɔ jogbaŋŋ, ni asafo fɛɛ asafo yɛ he ko pɔtɛɛ ni akɛha lɛ ni eshiɛ yɛ. Enɛ yeɔ ebuaa wɔ ni wɔtsuɔ famɔ ni Yesu kɛha akɛ “wɔshiɛ wɔtsɔɔ maŋ lɛ ni wɔye odase” lɛ he nii.—Bɔfoi lɛ Asaji 10:42.

Wɔbɔɔ mɔdɛŋ ni wɔshiɛ wɔha mɛi yɛ he fɛɛ he ni wɔbaana amɛ yɛ. Yesu shiɛ hu yɛ hei ni enaa mɛi yɛ, tamɔ ŋshɔnaa kɛ maŋ nubui ahe, ni ekɛfee nɔkwɛmɔnɔ eha wɔ. (Marko 4:1; Yohane 4:5-15) Wɔ hu wɔkɛ mɛi gbaa Biblia mli saji yɛ he fɛɛ he ni wɔbaana amɛ yɛ—tamɔ gbɛjegbɛi ahe, nitsumɔhei, shisharamɔhei, loo yɛ tɛlifoŋ nɔ. Agbɛnɛ hu, kɛ́ wɔná hegbɛ ni sa lɛ, wɔyeɔ wɔkutsoŋbii, mɛi ni wɔkɛtsuɔ nii, wɔklasbii, kɛ wɔwekumɛi odase. Enɛɛmɛi fɛɛ ni wɔfeɔ lɛ yeɔ ebuaa mɛi akpekpei abɔ ni yɔɔ je lɛŋ fɛɛ lɛ ni amɛnuɔ ‘yiwalaheremɔ lɛ he sanekpakpa lɛ’ he sane.—Lala 96:2.

Ani ole mɔ ko ni obaanyɛ oshiɛ Nyɔŋmɔ Maŋtsɛyeli lɛ he sanekpakpa lɛ otsɔɔ lɛ, ni otsɔɔ lɛ nɔ ni ebaafee eha lɛ wɔsɛɛ? Kaaŋɔ hiɛnɔkamɔ sane nɛɛ oha bo pɛ ohe. Okɛ mɛi krokomɛi agba he sane amrɔ nɔŋŋ!

  • Mɛɛ “sanekpakpa” esa akɛ ashiɛ lɛ?

  • Mɛɛ gbɛ nɔ Yehowa Odasefoi kaseɔ gbɛ ni Yesu tsɔ nɔ eshiɛ lɛ?

Ekrokromɛi Hu Nɛ

Yehowa Odasefoi—Ato Amɛhe Gbɛjianɔ ni Amɛshiɛ Sane Kpakpa Lɛ

Ale Yehowa Odasefoi jogbaŋŋ yɛ je lɛŋ fɛɛ akɛ amɛtsɔɔ mɛi anii kɛjɛɔ Biblia lɛ mli. Te ato amɛnitsumɔ lɛ he gbɛjianɔ ahã tɛŋŋ, namɛi kwɛɔ nitsumɔ lɛ nɔ, ni nɛgbɛ amɛnáa shika yɛ kɛtsuɔ?