Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 22

Mɛni Atsuɔ yɛ Nitsumɔhe Nine Lɛ?

Mɛni Atsuɔ yɛ Nitsumɔhe Nine Lɛ?

Solomon Islands

Canada

South Africa

Betel weku lɛ mli bii lɛ tsuɔ nitsumɔi srɔtoi kɛyeɔ amɛbuaa ni ashiɛɔ yɛ maŋ kome loo maji babaoo anɔ. Amɛteŋ mɛi komɛi tsɔɔ wiemɔi ashishi, mɛi komɛi kalaa woji, mɛi komɛi toɔ woji, mɛi komɛi feɔ vidioi kɛ rikɔdiŋ srɔtoi, ni mɛi komɛi hu tsuɔ nibii krokomɛi.

Nitsumɔhe Nine Ajinafoi Akuu kwɛɔ nitsumɔ lɛ nɔ. Gbɛtsɔɔmɔ Kuu lɛ halaa onukpai etɛ loo nɔ ni fe nakai ni sa jogbaŋŋ ni amɛsɔmɔ akɛ Nitsumɔhe Niji Ajinafoi Akuu ni amɛkwɛ nitsumɔi ni atsuɔ yɛ nitsumɔhe niji lɛ anɔ. Kuu nɛɛ haa Gbɛtsɔɔmɔ Kuu lɛ leɔ hiɛyaa kɛ naagbai ni yaa nɔ yɛ maji ni yɔɔ amɛkwɛmɔ shishi lɛ nɔ. Amaniɛbɔi nɛɛ yeɔ ebuaa Gbɛtsɔɔmɔ Kuu lɛ ni amɛnaa saji ni esa akɛ amɛwie he yɛ woji amli, asafoŋ kpeei ashishi, kɛ kpeei wuji ashishi wɔsɛɛ. Gbɛtsɔɔmɔ Kuu lɛ tsuɔ nɔkwɛlɔi ni saraa nitsumɔhe niji akɛ enajiaŋdamɔlɔi ni amɛkɛ gbɛtsɔɔmɔ yahaa Nitsumɔhe Niji Ajinafoi Akuu lɛ koni amɛnyɛ amɛtsu amɛnitsumɔi lɛ. (Abɛi 11:14) Atoɔ gbɛjianɔ krɛdɛɛ ko, ni nɔkwɛlɔ ni saraa nitsumɔhe niji lɛ haa wiemɔ ko yɛ nakai nifeemɔ lɛ shishi kɛwoɔ nyɛmimɛi ni yɔɔ nitsumɔhe nine lɛ shikpɔŋkuku lɛ mli lɛ hewalɛ.

Ayeɔ abuaa asafoi lɛ. Nyɛmimɛi hii komɛi yɛ nitsumɔhe niji lɛ ni kwɛɔ koni ato asafoi hei. Nyɛmimɛi hii komɛi hu kwɛɔ gbɛgbalɔi, maŋsɛɛ sɔɔlɔi, kɛ kpokpaa nɔkwɛlɔi ni sɔmɔɔ yɛ amɛshikpɔŋkuku lɛ mli lɛ anitsumɔi anɔ. Amɛtoɔ kpeei wuji ahe gbɛjianɔ, amɛkwɛɔ ni amamɔɔ Maŋtsɛyeli Asai, amɛkwɛɔ hu ni akɛ woji majeɔ asafoi lɛ. Nɔ fɛɛ nɔ ni atsuɔ yɛ nitsumɔhe nine lɛ yeɔ ebuaa ni ehaa shiɛmɔ nitsumɔ lɛ yaa nɔ jogbaŋŋ.—1 Korintobii 14:33, 40.

  • Mɛɛ gbɛ nɔ Nitsumɔhe Nine Ajinafoi Akuu lɛ yeɔ ebuaa Gbɛtsɔɔmɔ Kuu lɛ?

  • Mɛni atsuɔ yɛ nitsumɔhe nine lɛ?