Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 11

Mɛni Hewɔ Wɔyaa Kpeei Wuji?

Mɛni Hewɔ Wɔyaa Kpeei Wuji?

Mexico

Germany

Botswana

Nicaragua

Italy

Mɛni hewɔ gbɔmɛi nɛɛ ená miishɛɛ nɛkɛ? Amɛtee wɔkpeei lɛ ateŋ ekome shishi. Taakɛ afã Nyɔŋmɔ tsuji ni hi shi yɛ blema lɛ akɛ amɛkpe shii etɛ yɛ afi mli lɛ, wɔ hu wɔshwelɛ ji akɛ wɔkpe kutuu yɛ kpeei wuji ashishi. (5 Mose 16:16) Daa afi lɛ, wɔfeɔ kpeei srɔtoi etɛ: gbi kome kpokpaa nɔ kpeei enyɔ kɛ kpokpaa wulu nɔ kpee ni wɔkɛ gbii etɛ feɔ. Te wɔnáa kpeei nɛɛ ahe sɛɛ wɔhaa tɛŋŋ?

Ewajeɔ wekukpaa ni kã wɔ kɛ wɔnyɛmimɛi Kristofoi ateŋ lɛ. Taakɛ Israelbii lɛ ná miishɛɛ beni amɛjie Yehowa yi “yɛ gwabɔi amli [loo kpeei ashishi]” lɛ, wɔ hu wɔnáa miishɛɛ kɛ́ wɔkpe kutuu yɛ henaabuamɔi krɛdɛi nɛɛ ashishi kɛja Nyɔŋmɔ. (Lala 26:12; 111:1) Henaabuamɔi nɛɛ haa wɔnáa hegbɛ ni wɔkɛ Odasefoi ni jɛ asafoi krokomɛi amli loo maŋsɛɛ lɛ po kpeɔ ni wɔkɛ amɛ bɔɔ. Kɛ́ eshɛ shwane lɛ, wɔyeɔ nii yɛ kpee lɛ shishi, ni enɛ haa wɔnaanyobɔɔ lɛ sɔɔ waa yɛ henaabuamɔi nɛɛ ashishi. (Bɔfoi lɛ Asaji 2:42) Yɛ kpeei nɛɛ ashishi lɛ, wɔnaa bɔ ni suɔmɔ efee wɔ kɛ ‘wɔnyɛmimɛi’ ni yɔɔ je lɛŋ fɛɛ lɛ ekome.—1 Petro 2:17.

Ehaa wɔyaa hiɛ yɛ Nyɔŋmɔjamɔ mli. Israelbii lɛ ná Ŋmalɛ lɛ ni agbála mli atsɔɔ amɛ lɛ hu he sɛɛ waa ejaakɛ ‘amɛnu wiemɔi lɛ ashishi.’ (Nehemia 8:8, 12) Wɔ hu wɔnyaa Biblia mli gbɛtsɔɔmɔi ni wɔnine shɛɔ nɔ yɛ wɔkpeei ashishi lɛ ahe waa. Kpee lɛ eko fɛɛ eko yɛ Ŋmalɛ naa saneyitso. Ayeɔ abuaa wɔ ni wɔna gbɛ nɔ ni wɔɔtsɔ wɔfee Nyɔŋmɔ suɔmɔnaa nii yɛ wɔshihilɛ mli kɛtsɔ wiemɔi ni ahaa, kɛ nɔkwɛmɔnii anɔ. Kɛ́ wɔnu mɛi ni miimia amɛhiɛ kɛmiikpee shihilɛi ni mli wawai anaa akɛ Kristofoi lɛ aniiashikpamɔi lɛ, ewoɔ wɔ hewalɛ waa. Yɛ kpokpaa wuji anɔ kpeei ashishi lɛ, afeɔ drama, ni mɛi ni feɔ lɛ saa amɛhe tamɔ mɛi ni hi shi yɛ blema lɛ, ni enɛ haa wɔnuɔ Biblia mli saji lɛ ashishi jogbaŋŋ, ni wɔnaa bɔ ni ekɔɔ wɔhe ŋmɛnɛ. Atoɔ baptisimɔ he gbɛjianɔ yɛ kpee lɛ eko fɛɛ eko shishi ahaa mɛi ni miitao amɛkɛ nu mli baptisimɔ afee amɛhenɔjɔɔmɔ kɛha Nyɔŋmɔ lɛ he okadi lɛ.

  • Mɛni hewɔ wɔnáa miishɛɛ yɛ kpeei wuji ashishi lɛ?

  • Kɛ́ otee kpeei wuji ashishi lɛ, mɛɛ sɛɛ obaaná?

Ekrokromɛi Hu Nɛ

Vidio Kuku: Daa Afi Yehowa Odasefoi Akpokpaa Wulu nɔ Kpeei

Kwɛmɔ nɔ hewɔ ni mɛi akpekpei abɔ yɛ jeŋ fɛɛ yaa nifeemɔ krɛdɛɛ nɛɛ.