Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 7

Te Wɔfeɔ Wɔsafoŋ Kpeei lɛ Wɔhaa Tɛŋŋ?

Te Wɔfeɔ Wɔsafoŋ Kpeei lɛ Wɔhaa Tɛŋŋ?

New Zealand

Japan

Uganda

Lithuania

Kɛ́ mra be mli Kristofoi lɛ tee asafoŋ kpeei lɛ, amɛlaa, amɛsɔleɔ, amɛkaneɔ Ŋmalɛ lɛ ni amɛsusuɔ he, ni amɛkɛ kusum nifeemɔ ko ni kɛ Ŋmalɛ lɛ kpãaa gbee fataaa he. (1 Korintobii 14:26) Nakai nɔŋŋ wɔfeɔ yɛ wɔsafoŋ kpeei lɛ ashishi.

Nibii ni atsɔɔ lɛ jɛ Biblia lɛ mli, ni abaanyɛ akɛtsu nii. Yɛ otsi lɛ naagbee lɛ, asafo fɛɛ asafo kpeɔ ni amɛkɛ minitii 30 boɔ Maŋshiɛmɔ ni tsɔɔ bɔ ni wɔɔfee wɔkɛ Ŋmalɛ lɛ atsu nii yɛ wɔshihilɛ mli kɛ bɔ ni ekɔɔ wɔbei nɛɛ ahe ehaa lɛ toi. Awoɔ wɔ fɛɛ hewalɛ koni kɛ́ atsɛ ŋmalɛ ko lɛ, wɔgbele wɔ-Biblia lɛ ni wɔnyiɛ nikanemɔ lɛ sɛɛ. Kɛ́ agbe maŋshiɛmɔ lɛ naa lɛ, wɔkɛ ŋmɛlɛtswaa kome feɔ “Buu-Mɔɔ” Nikasemɔ, ni asafoŋbii lɛ fɛɛ baanyɛ amɛkɛ amɛhe awo sane ni asusuɔ he kɛjɛɔ Buu-Mɔɔ ni ji nikasemɔ nɔ̃ lɛ mli lɛ mli. Nikasemɔ nɛɛ yeɔ ebuaa wɔ ni wɔkɛ Biblia mli gbɛtsɔɔmɔ tsuɔ nii yɛ wɔshihilɛ mli. Akaseɔ nakai sane kome too lɛ nɔŋŋ yɛ asafoi ni fa fe 110,000 ni yɔɔ jeŋ fɛɛ lɛ mli.

Atsɔɔ wɔ bɔ ni wɔɔfee wɔtsɔɔ nii jogbaŋŋ. Wɔkpeɔ gbɛkɛ hu yɛ otsi lɛ teŋ gbii lɛ ekome nɔ kɛtsuɔ nifeemɔi srɔtoi etɛ ahe nii. Atsɛɔ kpee nɛɛ akɛ Wɔshiɛmɔ kɛ Wɔshihilɛ akɛ Kristofoi, ni edamɔ saji ni yɔɔ Wɔshiɛmɔ kɛ Wɔshihilɛ Kpee Nifeemɔ Wolo ni baa daa nyɔɔŋ nɔ lɛ nɔ. Kpee nɛɛ klɛŋklɛŋ fã ní atsɛɔ lɛ Nyɔŋmɔ Wiemɔ lɛ Mli Jwetrii lɛ yeɔ ebuaa wɔ ni wɔleɔ otii ni yɔɔ Biblia lɛ fã ko ni asafoŋbii lɛ etsɔ hiɛ amɛkane lɛ mli. Fã ni nyiɛ enɛ sɛɛ ji, Kasemɔ Bɔ ni Ashiɛɔ Jogbaŋŋ, ni afeɔ nɔkwɛmɔnii yɛ mli ni tsɔɔ bɔ ni wɔɔfee wɔkɛ mɛi asusu Biblia lɛ he. Ŋaawolɔ ko kwɛɔ bɔ ni wɔkaneɔ nii kɛ bɔ ni wɔwieɔ wɔhaa, ni ewoɔ wɔ ŋaa ni sa ni baaha wɔya hiɛ. (1 Timoteo 4:13) Naagbee fã ni ji, Hii Shi akɛ Kristofonyo lɛ tsɔɔ wɔ bɔ ni wɔɔfee wɔkɛ Biblia mli shishitoo mlai atsu nii yɛ wɔshihilɛ mli daa gbi. Ni sanebimɔ kɛ hetoohamɔ ni hãa wɔnuɔ Biblia lɛ shishi jogbaŋŋ fata fã nɛɛ he.

Kɛ́ oba wɔsafoŋ kpeei lɛ eko lɛ, ŋwanejee ko bɛ he akɛ obaanya bɔ ni atsɔɔ Biblia lɛ mli ahaa lɛ he waa.—Yesaia 54:13.

  • Kɛ́ oba Yehowa Odasefoi asafoŋ kpeei lɛ eko lɛ, mɛni obaana?

  • Te kpeei ni wɔfeɔ daa otsi lɛ ateŋ nɔ ni obaasumɔ ni oba lɛ?

Ekrokromɛi Hu Nɛ

Mɛni Yaa Nɔ yɛ Maŋtsɛyeli Asa lɛ Nɔ?

Bo diɛŋtsɛ kwɛmɔ Asa lɛ mli koni ona nɔ ni yaa nɔ yɛ jɛmɛ.

Te Ato Yehowa Odasefoi Asafoi Lɛ Ahe Gbɛjianɔ Ahã Tɛŋŋ?

Kanemɔ koni ole bɔ ni astsɔɔ gbɛjianɔtoo nɛɛ akɛtsɔ gbɛtsɔɔmɔi hãa wɔ.