Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 20

Te Gbɛtsɔɔmɔ Kuu lɛ Tsuɔ Nii Ŋmɛnɛ Ehaa Tɛŋŋ?

Te Gbɛtsɔɔmɔ Kuu lɛ Tsuɔ Nii Ŋmɛnɛ Ehaa Tɛŋŋ?

Klɛŋklɛŋ afii 100 lɛŋ gbɛtsɔɔmɔ kuu

Aakane wolo ko ni jɛ gbɛtsɔɔmɔ kuu lɛ dɛŋ

Yɛ klɛŋklɛŋ afii 100 lɛ mli lɛ, kuu fioo ko ni ji “bɔfoi lɛ kɛ onukpai lɛ ni yɔɔ Yerusalem lɛ” ji mɛi ni sɔmɔ akɛ gbɛtsɔɔmɔ kuu koni amɛdamɔ Kristofoi asafo ni afɔ amɛ mu lɛ fɛɛ najiaŋ amɛkpɛ yiŋ yɛ saji ni he hiaa lɛ ahe. (Bɔfoi lɛ Asaji 15:2) Ŋmalɛi lɛ ni amɛsusu he lɛ kɛ Nyɔŋmɔ mumɔ lɛ gbɛtsɔɔmɔ sɛɛ ni amɛnyiɛ lɛ ji nɔ ni ye ebua amɛ ni amɛba gbeekpamɔ yɛ saji ahe. (Bɔfoi lɛ Asaji 15:25) Ŋmɛnɛ lɛ, aanyiɛ nakai nɔkwɛmɔnɔ lɛ nɔŋŋ sɛɛ.

Nyɔŋmɔ kɛtsuɔ esuɔmɔnaa nii ahe nii. Nyɛmimɛi hii ni afɔ amɛ mu ni sɔmɔɔ akɛ Gbɛtsɔɔmɔ Kuu lɛ yɛ Nyɔŋmɔ Wiemɔ lɛ he miishɛɛ waa ni amɛle bɔ ni atoɔ wɔnitsumɔ lɛ he gbɛjianɔ kɛ bɔ ni atsɔɔ Ŋmalɛ lɛ nɔ atsuɔ saji ahe nii. Amɛkpeɔ daa otsi ni amɛsusuɔ nyɛmimɛi ni yɔɔ jeŋ fɛɛ lɛ ahiamɔ nii ahe. Taakɛ eji yɛ klɛŋklɛŋ afii 100 lɛ mli lɛ, amɛkɛ gbɛtsɔɔmɔi ni jɛ Biblia lɛ mli lɛ haa kɛtsɔ woji ni amɛŋmalaa loo nɔkwɛlɔi gbɛfalɔi kɛ mɛi krokomɛi anɔ. Enɛ haa Nyɔŋmɔ webii lɛ asusumɔi kɛ amɛnifeemɔi fɛɛ feɔ ekome. (Bɔfoi lɛ Asaji 16:4, 5) Gbɛtsɔɔmɔ Kuu lɛ kwɛɔ gbɛjianɔ ni atoɔ kɛtsɔɔ wɔ Nyɔŋmɔ he nii lɛ nɔ, amɛwoɔ wɔ fɛɛ hewalɛ ni wɔkɛ Maŋtsɛyeli shiɛmɔ nitsumɔ lɛ afee nɔ titri yɛ wɔshihilɛ mli, ni amɛkwɛɔ koni ahala nyɛmimɛi hii kɛha sɔɔmɔ hegbɛi.

Ehaa Nyɔŋmɔ mumɔ lɛ tsɔɔ lɛ gbɛ. Gbɛtsɔɔmɔ Kuu lɛ taoɔ gbɛtsɔɔmɔ kɛjɛɔ Yehowa, ni ji Jeŋ Muu Fɛɛ Nɔyelɔ lɛ, kɛ Yesu, ni ji asafo lɛ Yitso lɛ dɛŋ. (1 Korintobii 11:3; Efesobii 5:23) Gbɛtsɔɔmɔ Kuu lɛ mli bii lɛ ebuuu amɛhe akɛ amɛji Nyɔŋmɔ webii lɛ ahiɛnyiɛlɔi. Amɛ kɛ Kristofoi krokomɛi ni afɔ amɛ mu lɛ fɛɛ nyiɛɔ “toobi lɛ Yesu sɛɛ kɛyaa he fɛɛ he ni eyaa.” (Kpojiemɔ 14:4) Gbɛtsɔɔmɔ Kuu lɛ mli bii lɛ nyaa he waa kɛji wɔsɔle wɔha amɛ.

  • Namɛi sɔmɔ akɛ gbɛtsɔɔmɔ kuu lɛ yɛ klɛŋklɛŋ afii 100 lɛ mli?

  • Ŋmɛnɛ lɛ, mɛɛ gbɛ nɔ Gbɛtsɔɔmɔ Kuu lɛ taoɔ gbɛtsɔɔmɔ kɛjɛɔ Nyɔŋmɔ ŋɔɔ?

Ekrokromɛi Hu Nɛ

Namɔ To Yehowa Odasefoi Ajamɔ lɛ Shishi?

Kanemɔ koni ole nɔ hewɔ ni Charles Taze Russell jeee jamɔ hee ko shishitolɔ lɛ.