Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 23

Te Afeɔ Tɛŋŋ Aŋmalaa Wɔwoji lɛ ni Atsɔɔ Shishi Lɛ?

Te Afeɔ Tɛŋŋ Aŋmalaa Wɔwoji lɛ ni Atsɔɔ Shishi Lɛ?

Niŋmaa Nitsumɔhe, U.S.A.

South Korea

Armenia

Burundi

Sri Lanka

Bɔni afee ni wɔjaje “sanekpakpa” lɛ wɔtsɔɔ “jeŋmaŋ fɛɛ jeŋmaŋ kɛ akutso fɛɛ akutso kɛ majianɔ wiemɔi fɛɛ kɛ maŋ fɛɛ maŋ” kɛmɔ shi lɛ, wɔkalaa woji yɛ wiemɔi ni fa fe 750 mli. (Kpojiemɔ 14:6) Te wɔfeɔ tɛŋŋ wɔtsuɔ nitsumɔ ni wa nɛɛ? Wɔyɛ niŋmalɔi akuu yɛ jeŋ fɛɛ kɛ wiemɔi ashishitsɔɔlɔi ni etuu amɛhe amɛhã ni yeɔ amɛbuaa wɔ kɛtsuɔ enɛ—Yehowa Odasefoi ji amɛ fɛɛ.

Aŋmaa yɛ Blɔfo mli klɛŋklɛŋ. Gbɛtsɔɔmɔ Kuu lɛ kwɛɔ nitsumɔ ni Niŋmaa Nitsumɔhe ni yɔɔ wɔjeŋ muu fɛɛ nitsumɔhe yitso lɛ tsuɔ lɛ nɔ. Niŋmaa Nitsumɔhe lɛ toɔ niŋmalɔi fɛɛ ni yɔɔ nitsumɔhe yitso lɛ kɛ mɛi ni yɔɔ nitsumɔhe niji krokomɛi amli lɛ anitsumɔ lɛ he gbɛjianɔ. Akɛni wɔniŋmalɔi akuu lɛ mli bii lɛ yɛ maji srɔtoi amli hewɔ lɛ, ehaa wɔŋmalaa saji ni kɔɔ mɛi srɔtoi ashihilɛ he, ni no haa anyaa wɔwoji lɛ ahe yɛ jeŋ fɛɛ.

Akɛ nɔ ni aŋma lɛ majeɔ wiemɔi ashishitsɔɔlɔi lɛ. Kɛ́ akwɛ nɔ ni aŋma lɛ mli ni akpɛlɛ nɔ lɛ, akɛmajeɔ kɛtsɔɔ Intanɛt lɛ nɔ kɛyahaa wiemɔi ashishitsɔɔlɔi akui ni yɔɔ je lɛŋ hei srɔtoi lɛ ni amɛ hu amɛtsɔɔ shishi, amɛkaneɔ mli, ni amɛkwɛɔ akɛ nɔ fɛɛ nɔ ja lo. Amɛbɔɔ mɔdɛŋ akɛ amɛhala ‘anɔkwale wiemɔi ni ja’ ni baaha shishinumɔ ni yɔɔ Blɔfo nɔ lɛ mli lɛ kɛ amɛnɔ lɛ akpã gbee.—Jajelɔ 12:10.

Kɔmpiuta yeɔ ebuaa ni ehaa atsuɔ he nii oya. Anyɛŋ akɛ kɔmpiuta aye niŋmalɔi kɛ wiemɔi ashishitsɔɔlɔi ni ji adesai lɛ anajiaŋ. Kɛlɛ, kɔmpiuta yeɔ ebuaa ni ehaa anyɛɔ atsuɔ nitsumɔ lɛ oyayaayai. Yehowa Odasefoi efee nɔ ko ni akɛwoɔ kɔmpiuta nɔ ni atsɛɔ lɛ yɛ Blɔfo mli akɛ Multilanguage Electronic Publishing System (MEPS) ní haa atswaa wiemɔi okadii lɛ yɛ wiemɔi ohai abɔ mli, ni anyɛɔ akɛ mfoniri hɔlɔɔ mli, ni akalaa.

Mɛni hewɔ wɔbɔɔ mɔdɛŋ waa wɔtsɔɔ wiemɔi ashishi kɛyaa wiemɔi ni mɛi akpei fioo pɛ po wieɔ lɛ amli lɛ? Ejaakɛ Yehowa suɔmɔnaa nii ji, “ehere gbɔmɛi fɛɛ yiwala, koni amɛshɛ anɔkwale lɛ lee mli.”—1 Timoteo 2:3, 4.

  • Mɛɛ gbɛ nɔ atsɔɔ aŋmalaa wɔwoji lɛ?

  • Mɛni hewɔ wɔtsɔɔ wɔwoji lɛ ashishi kɛyaa wiemɔi babaoo amli lɛ?