Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 19

Namɔ Ji Tsulɔ Anɔkwafo kɛ Nilelɔ Lɛ?

Namɔ Ji Tsulɔ Anɔkwafo kɛ Nilelɔ Lɛ?

Wɔ fɛɛ wɔnáa Nyɔŋmɔ he nii ni atsɔɔ wɔ lɛ he sɛɛ

Beni eshwɛ fioo ni Yesu baagbo lɛ, ekɛ ekaselɔi lɛ ateŋ mɛi ejwɛ—Petro, Yakobo, Yohane, kɛ Andrea gba sane ko. Beni Yesu gbaa nibii ni baaha amɛna akɛ eba yɛ naagbee gbii lɛ amli lɛ, ebi sane ko ni he hiaa waa akɛ: ‘Namɔ ji nyɔŋ anɔkwafo kɛ hiɛshikalɔ mɔ ni enuŋtsɔ ŋɔ lɛ eto ewebii lɛ anɔ, koni eha amɛ amɛŋmaa yɛ be ni sa nɔ lɛ?’ (Mateo 24:3, 45; Marko 13:3, 4) No mli lɛ, Yesu miiwo ekaselɔi lɛ ashi akɛ, lɛ ni ji ‘amɛnuŋtsɔ’ lɛ, ebaahala mɛi eto esɛɛnyiɛlɔi lɛ anɔ koni amɛya nɔ amɛtsɔɔ esɛɛnyiɛlɔi lɛ Nyɔŋmɔ he nii fiofio yɛ naagbee gbii lɛ amli. Namɛi baafee nyɔŋ nɛɛ mli bii lɛ?

Eji Yesu sɛɛnyiɛlɔi ni afɔ amɛ mu lɛ ateŋ mɛi fioo ni tsuɔ nii akɛ kuu. ‘Nyɔŋ’ lɛ ji Yehowa Odasefoi a-Gbɛtsɔɔmɔ Kuu lɛ. Ekɛ mumɔŋ niyenii ni yɔɔ be naa haa mɛi ni fata ehe kɛjaa Yehowa lɛ. Wɔkwɛɔ nyɔŋ anɔkwafo nɛɛ gbɛ koni eya nɔ eha wɔ ‘wɔniyenii yɛ be ní sa mli.’—Luka 12:42.

Ekwɛɔ Nyɔŋmɔ we lɛ nɔ. (1 Timoteo 3:15) Yesu kɛ nitsumɔ ko ni tsii wo nyɔŋ lɛ dɛŋ akɛ ekwɛ Yehowa gbɛjianɔtoo lɛ fã ni yɔɔ shikpɔŋ lɛ nɔ lɛ nɔ, ni tsɔɔ akɛ ekwɛ enii fɛɛ nɔ, enyiɛ shiɛmɔ nitsumɔ lɛ hiɛ, ni etsɔ asafoi lɛ anɔ etsɔɔ wɔ nii. No hewɔ lɛ, ‘nyɔŋ anɔkwafo kɛ hiɛshikalɔ’ lɛ tsɔɔ woji ni wɔkɛtsuɔ nii yɛ shiɛmɔ nitsumɔ lɛ mli, asafoŋ kpeei ashishi nifeemɔi kɛ kpeei krokomɛi anɔ etsɔɔ wɔ Nyɔŋmɔ he nii, koni wɔná nibii ni he hiaa wɔ lɛ yɛ be ni sa mli.

Nyɔŋ lɛ ji anɔkwafo ejaakɛ eshiɛ Biblia mli anɔkwalei lɛ ni afã lɛ akɛ eshiɛ lɛ, ni eji hiɛshikalɔ hu ejaakɛ ekɛ hiɛshikamɔ kwɛɔ Kristo nibii ni yɔɔ shikpɔŋ lɛ nɔ lɛ anɔ. (Bɔfoi lɛ Asaji 10:42) Yehowa miijɔɔ nyɔŋ lɛ nitsumɔ lɛ nɔ ni eeshwere, ni eeye eebua lɛ ni etsɔɔ wɔ Nyɔŋmɔ he nii babaoo.—Yesaia 60:22; 65:13.

  • Namɔ Yesu hala ni etsɔɔ ekaselɔi lɛ Nyɔŋmɔ he nii?

  • Mɛɛ gbɛi anɔ nyɔŋ lɛ etsɔɔ akɛ eji anɔkwafo kɛ hiɛshikalɔ?

Ekrokromɛi Hu Nɛ

‘Namɔ Tuuntu Ji Nyɔŋ Anɔkwafo kɛ Hiɛshikalɔ Lɛ?’

Nikasemɔ nɛɛ tsakeɔ bɔ ni wɔnuɔ nyɔŋ anɔkwafo kɛ hiɛshikalɔ lɛ shishi wɔhaa lɛ. Obaana bɔ ni atsɔɔ nyɔŋ nɛɛ nɔ awajeɔ wɔ yɛ mumɔŋ.