Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 14

Mɛɛ Skul Srɔtoi Ato he Gbɛjianɔ Ahã Gbɛgbalɔi?

Mɛɛ Skul Srɔtoi Ato he Gbɛjianɔ Ahã Gbɛgbalɔi?

United States

Gilead Skul ni yɔɔ Patterson, New York lɛ

Panama

Teokrase tsɔsemɔi ebafee Yehowa Odasefoi akadimɔ nii titri kɛjɛ blema tɔŋŋ. Ato skul krɛdɛi komɛi ahe gbɛjianɔ ahã mɛi ni kɛ amɛbe fɛɛ shiɛɔ Maŋtsɛyeli lɛ he sane lɛ, koni amɛnyɛ ‘amɛgbe amɛsɔɔmɔ lɛ naa kwraa.’—2 Timoteo 4:5.

Gbɛgbamɔ Sɔɔmɔ Skul. Kɛ́ mɔ ko tsɔ daa gbɛgbalɔ ni ená afi lɛ, ebaaya skul ni ato he gbɛjianɔ ahã gbɛgbalɔi ní akɛ gbii ekpaa feɔ lɛ. Bei pii lɛ, afeɔ skul lɛ yɛ Maŋtsɛyeli Asa ko ni bɛŋkɛ mli. Yiŋtoo hewɔ ni afeɔ skul nɛɛ ji, ni akɛye abua gbɛgbalɔ lɛ ni etsi ebɛŋkɛ Yehowa kpaakpa, koni ehe asa yɛ gbɛi srɔtoi ni atsɔɔ nɔ ashiɛɔ lɛ fɛɛ nɔ, ni eya nɔ ekɛ anɔkwayeli asɔmɔ.

Skul Kɛhã Maŋtsɛyeli Sane Kpakpa Jajelɔi. Ato skul ni heɔ nyɔji enyɔ nɛɛ he gbɛjianɔ ni akɛye abua gbɛgbalɔi ni he esa ni miisumɔ ni amɛshi amɛshĩai ni amɛyasɔmɔ yɛ hei ni amɛhe baahia yɛ lɛ. Amɛkɛ nakai feemɔ kɛɔ akɛ, “Naa mi, tsũ mi!” ni amɛkɛkaseɔ Yesu Kristo ni ji Sane Kpakpa jajelɔ ni fe fɛɛ ni sɔmɔ yɛ shikpɔŋ lɛ nɔ lɛ. (Yesaia 6:8; Yohane 7:29) Kɛ́ sane kpakpa jajelɔ ko shi eshĩa ni eyahi he ko shɔŋŋ lɛ, ebaabi ni etsake ehe ewo shihilɛ ni yɔɔ he ni etee lɛ mli. Ekolɛ, esoro kusum, kɔɔyɔŋ tsakemɔ kɛ niyenii ni yɔɔ he ni etee lɛ kwraa yɛ emaŋ nɔ lɛ he. Ekolɛ ehe baahia po ni ekase jɛmɛ wiemɔ. Skul nɛɛ yeɔ ebuaa nyɛmimɛi oshijafoi, gbalashihilɛ mli hefatalɔi ni eye afii 23 kɛmiimɔ 65 lɛ ni amɛná mumɔŋ sui ni baaye abua amɛ yɛ amɛsɔɔmɔ lɛ mli, ni ebaaye ebua amɛ hu bɔ ni afee ni Yehowa kɛ egbɛjianɔtoo lɛ kɛ amɛ atsu nii kɛmɔ shi.

Buu-Mɔɔ Gilead Skul. Yɛ Hebri mli lɛ, shishinumɔ ni “Gilead” hiɛ lɛ kɔɔ “Odaseyeli” he. Kɛjɛ be ni ato Gilead skul lɛ shishi yɛ afi 1943 lɛ nɔ kɛbaa nɛɛ lɛ, atsu maŋsɛɛ sɔɔlɔi ni fa fe 8,000 ni Gilead etsɔse lɛ kɛtee “shikpɔŋ lɛ naagbeehei” lɛ, ni amɛyaye mɛi babaoo odase. (Bɔfoi lɛ Asaji 13:47) Be ni maŋsɛɛ sɔɔlɔi nɛɛ yashɛ Peru klɛŋklɛŋ kwraa lɛ, no mli lɛ asafo kome po bɛ jɛmɛ. Amrɔ nɛɛ wɔyɛ asafoi ni fa fe 1,000 yɛ jɛmɛ. Be ni wɔmaŋsɛɛ sɔɔlɔi lɛ bɔi sɔɔmɔ yɛ Japan lɛ, no mli lɛ, Odasefoi ni yɔɔ jɛmɛ lɛ shɛɛɛ nyɔŋma. Amrɔ nɛɛ lɛ, wɔyɛ asafoi ni fa fe 200,000 yɛ jɛmɛ. Gilead skul ni heɔ nyɔji enumɔ lɛ yeɔ ebuaa skulbii lɛ ni amɛkaseɔ Nyɔŋmɔ Wiemɔ lɛ jogbaŋŋ. Afɔ̃ɔ gbɛgbalɔi krɛdɛi, maŋsɛɛ sɔɔlɔi, Betelbii, loo kpokpaa nɔkwɛlɔi anine koni amɛba skul nɛɛ, ni ajeɔ gbɛ atsɔseɔ amɛ koni amɛye amɛbua ni shiɛmɔ nitsumɔ lɛ amɔ shi yɛ jeŋ fɛɛ.

  • Mɛɛ yiŋtoo hewɔ afeɔ Gbɛgbamɔ Sɔɔmɔ Skul lɛ?

  • Namɛi baanyɛ aya Skul Kɛhã Maŋtsɛyeli Sane Kpakpa Jajelɔi lɛ eko?

Ekrokromɛi Hu Nɛ

Yehowa Odasefoi—Ato Amɛhe Gbɛjianɔ ni Amɛshiɛ Sane Kpakpa Lɛ

Ale Yehowa Odasefoi jogbaŋŋ yɛ je lɛŋ fɛɛ akɛ amɛtsɔɔ mɛi anii kɛjɛɔ Biblia lɛ mli. Te ato amɛnitsumɔ lɛ he gbɛjianɔ ahã tɛŋŋ, namɛi kwɛɔ nitsumɔ lɛ nɔ, ni nɛgbɛ amɛnáa shika yɛ kɛtsuɔ?

Maŋtsɛyeli Shiɛlɔi lɛ Atsɔsemɔ

Mɛɛ gbɛ nɔ teokrase skul srɔtoi lɛ eye ebua Maŋtsɛyeli shiɛlɔi lɛ koni amɛnyɛ amɛtsu amɛsɔi lɛ ahe nii jogbaŋŋ?