Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 24

Nɛgbɛ Anáa Shika yɛ ni Akɛfiɔ Wɔjeŋ Muu Fɛɛ Nitsumɔ lɛ Sɛɛ?

Nɛgbɛ Anáa Shika yɛ ni Akɛfiɔ Wɔjeŋ Muu Fɛɛ Nitsumɔ lɛ Sɛɛ?

Nepal

Togo

Britain

Daa afi lɛ, wɔgbɛjianɔtoo lɛ kalaa ni ejaraa Bibliai kɛ woji krokomɛi akpekpei ohai abɔ ni aheee nɔ ko. Wɔmamɔɔ Maŋtsɛyeli Asai kɛ nitsumɔhe niji ni wɔkuraa amɛ. Wɔkwɛɔ Betelbii kɛ maŋsɛɛ sɔɔlɔi akpei abɔ, ni wɔyeɔ wɔbuaa kɛ́ adebɔɔ naa oshara ba. No hewɔ lɛ, ekolɛ obaabi akɛ, ‘Nɛgbɛ anáa shika yɛ kɛfeɔ enɛ fɛɛ?’

Wɔheee too, wɔheee mlijaa nyɔŋma, ni wɔkɛ plɛte tsɔɔɔ mɛi ahiɛ kɛheee shika. Eyɛ mli akɛ shika ni wɔkɛfiɔ wɔshiɛmɔ nitsumɔ lɛ sɛɛ lɛ fa waa moŋ, shi wɔbalaaa shika. Aaafee nɔ ni fa fe afii 100 ni eho nɛɛ, Buu-Mɔɔ wolo tɛtrɛɛ ni ji enyɔ nɔ, ní afee lɛ tsɔɔ mli akɛ, wɔheɔ wɔyeɔ akɛ Yehowa fiɔ wɔsɛɛ, no hewɔ lɛ, “wɔkpaŋ mɛi afai ni asaŋ wɔbiŋ mɛi koni amɛye amɛbua wɔ”—ni wɔfeko nakai hu!—Mateo 10:8.

Atsuɔ onia kɛyeɔ abuaa wɔnitsumɔ lɛ. Mɛi babaoo nyaa wɔ-Biblia tsɔsemɔ nitsumɔ lɛ he ni amɛtsuɔ onia kɛfiɔ sɛɛ. Odasefoi lɛ diɛŋtsɛ jɛɔ miishɛɛ mli amɛkɛ amɛbe, amɛhewalɛ, amɛshika, kɛ amɛnibii krokomɛi fiɔ Nyɔŋmɔ suɔmɔnaa nii ni afeɔ yɛ jeŋ fɛɛ lɛ sɛɛ. (1 Kronika 29:9) Ayɛ oniatsumɔ adekai yɛ Maŋtsɛyeli Asai kɛ Kpee Asai lɛ anɔ koni mɛi ni miisumɔ ni amɛtsu onia lɛ kɛ amɛshika lɛ ayawo mli. Aloo abaanyɛ atsu onia kɛtsɔ wɔ-wɛbsaiti lɛ, ni ji jw.org lɛ nɔ. Bei pii lɛ, mɛi ni tsuɔ onia nɛɛ ji mɛi ni bɛ nɔ ko, amɛtamɔ yoo okulafo ohiafo lɛ ni kɛ leptoi enyɔ wo sɔlemɔwe lɛ onia adeka lɛ mli ni Yesu wie ehe ekpakpa lɛ. (Luka 21:1-4) No hewɔ lɛ, mɔ fɛɛ mɔ baanyɛ “atĩa nɔ ko ato” koni enyɛ eha “bɔ ni ekpɛ mli momo yɛ etsui mli” lɛ.—1 Korintobii 16:2; 2 Korintobii 9:7.

Wɔyɛ nɔmimaa akɛ, Yehowa baaya nɔ atsirɛ mɛi ni miitao ‘amɛkɛ amɛnibaanii fɛɛ mli klɛŋklɛŋ nii lɛ awo ehiɛ nyam’ lɛ ni amɛya nɔ amɛfi Maŋtsɛyeli nitsumɔ lɛ sɛɛ koni anyɛ afee esuɔmɔnaa nii kwraa.—Abɛi 3:9.

  • Mɛni haa esoroɔ wɔgbɛjianɔtoo lɛ yɛ jamɔi krokomɛi ahe?

  • Mɛni akɛ onia ni atsuɔ lɛ feɔ?

Ekrokromɛi Hu Nɛ

Vidio ko Fã: Bɔ ni Yehowa Odasefoi Feɔ Amɛnáa Shika Kɛfĩɔ Amɛnitsumɔ lɛ Sɛɛ

Kwɛmɔ bɔ ni afeɔ ayeɔ abuaa jeŋ muu fɛɛ nitsumɔ lɛ, kɛ bɔ ni atsuɔ onia yɛ je lɛŋ fɛɛ.

Wɔmagazin lɛ

Ŋɔɔ Buu-Mɔɔ lɛ kɛ Awake! magazin lɛ eko.