Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 28

Mɛni Obaanyɛ Ona yɛ Wɔ-Wɛb Saiti lɛ Nɔ?

Mɛni Obaanyɛ Ona yɛ Wɔ-Wɛb Saiti lɛ Nɔ?

France

Poland

Russia

Yesu Kristo kɛɛ esɛɛnyiɛlɔi lɛ akɛ: “Nyɛhaa nyɛla atsoa yɛ gbɔmɛi ahiɛ, koni amɛna nyɛnifeemɔnii kpakpai lɛ, ni amɛwo nyɛtsɛ ni yɔɔ ŋwɛi lɛ hiɛ nyam.” (Mateo 5:16) Enɛ hewɔ lɛ, wɔkɛ ŋmɛnɛŋmɛnɛ beaŋ nilee ni aná yɛ ilɛtrɔnik nibii ahe ni Intanɛt lɛ fata he lɛ miitsu nii waa. Wɔ-wɛbsaiti ni wɔkɛtsuɔ nii ni ji jw.org lɛ ji he ni abaanyɛ ana Yehowa Odasefoi ahemɔkɛyelii kɛ amɛnitsumɔi lɛ ahe saji yɛ. Mɛɛ nibii yɔɔ jɛmɛ?

Saji ni mɛi fɔɔ bimɔ lɛ ahetoo ni jɛ Biblia lɛ mli. Obaanyɛ ona saji ni he hiaa waa ni mɛi ebi lɛ ekomɛi ahetoo yɛ jɛmɛ. Akɛ nɔkwɛmɔnɔ lɛ, tratii ni ji Ani Amanehulu Sɛɛ Baafo Be Ko?Ani Gbohii lɛ Baanyɛ Ahi Shi Ekoŋŋ Lɛɛlɛŋ? lɛ yɛ Intanɛt lɛ nɔ yɛ wiemɔi ni fa fe 600 mli. Agbɛnɛ hu, obaanyɛ ona New World Translation lɛ yɛ wiemɔi ni fa fe 130 mli, kɛ Biblia kasemɔ he woji babaoo ni Mɛni Biblia lɛ Tsɔɔ Diɛŋtsɛ? wolo lɛ fata he, kɛ Buu-Mɔɔ Awake! woji tɛtrɛbii ni ba nyɛsɛɛ nɛɛ nɔŋŋ lɛ. Obaanyɛ okane loo obo amɛmli wiemɔi lɛ atoi yɛ wɛbsaiti lɛ nɔ loo ojie kɛjɛ nɔ yɛ henɔi tamɔ MP3, PDF, loo EPUB mli. Obaanyɛ oprinti eko po oha mɔ ko ni yɔɔ wiemɔ lɛ he miishɛɛ lɛ yɛ lɛ diɛŋtsɛ ewiemɔ mli! Obaanyɛ ona vidioi ni afee yɛ mumui awiemɔi srɔtoi amli yɛ nɔ. Obaanyɛ ojie Biblia kanemɔ ni tamɔ drama, Biblia mli drama, kɛ lalai ni ŋɔɔ kɛjɛ wɛbsaiti lɛ nɔ.

Anɔkwa saji ni kɔɔ Yehowa Odasefoi ahe. Nɔ kroko ni yɔɔ wɛbsaiti lɛ nɔ ji saji ni yaa nɔ bianɛ kɛ vidioi ni kɔɔ wɔjeŋ muu fɛɛ nitsumɔ lɛ he, shihilɛi ni Yehowa Odasefoi kɛmiikpe, kɛ yelikɛbuamɔ ni wɔkɛmiiha mɛi ni eyaje oshara mli lɛ ahe saji. Obaana kpeei wuji ni abaafee lɛ ahe saji kɛ wɔnitsumɔhe niji lɛ adrɛs srɔtoi lɛ hu yɛ nɔ.

Kɛtsɔ enɛ nɔ lɛ, wɔmiiha anɔkwale la lɛ miitso kɛmiiya shikpɔŋ lɛ nɔ hei fɛɛ. Mɛi ni jɛ je lɛŋ hei srɔtoi fɛɛ, ni mɛi ni yɔɔ Antarctica lɛ po fata he lɛ, miiná enɛ he sɛɛ. Wɔshwelɛ ji akɛ, “Nuŋtsɔ [Yehowa] wiemɔ lɛ ahiɛ foi [loo egbɛ eshwã oyayaayai]” kɛya shikpɔŋ lɛ nɔ hei fɛɛ kɛwo Nyɔŋmɔ hiɛ nyam.—2 Tesalonikabii 3:1.

  • Mɛɛ gbɛ nɔ jw.org wɛbsaiti lɛ yeɔ ebuaa mɛi babaoo ni amɛkaseɔ Biblia mli anɔkwale lɛ?

  • Mɛɛ nibii obaasumɔ ni oyakwɛ yɛ wɔ-wɛbsaiti lɛ nɔ?