Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 4

Mɛni Hewɔ Wɔfee New World Translation lɛ?

Mɛni Hewɔ Wɔfee New World Translation lɛ?

Congo (Kinshasa)

Rwanda

Symmachus wolokpo lɛ fã ko ni Nyɔŋmɔ gbɛ́i lɛ jeɔ kpo yɛ mli yɛ Lala 69:32 lɛ, yɛ afi 200 loo afi 300 Ŋ.B. afii lɛ amli

Yehowa Odasefoi kɛ afii nyɔŋmai abɔ ekala Biblia shishitsɔɔmɔi srɔtoi, amɛkɛtsu nii, ni amɛjara amɛha mɛi. Shi yɛ enɛ fɛɛ sɛɛ lɛ, wɔyɔse akɛ ehe miihia ni aná Biblia shishitsɔɔmɔ ni baaye abua mɛi jogbaŋŋ ni “amɛshɛ anɔkwale lɛ,” ni ji Nyɔŋmɔ suɔmɔnaa nii kɛha adesai fɛɛ lɛ “lee mli.” (1 Timoteo 2:3, 4) No hewɔ lɛ, yɛ afi 1950 lɛ, wɔbɔi Biblia ni ji New World Translation lɛ fãi komɛi akpojiemɔ yɛ Blɔfo ni awieɔ ŋmɛnɛŋmɛnɛ lɛ mli. Atsɔɔ Biblia nɛɛ shishi pɛpɛɛpɛ kɛtee wiemɔi ni fa fe 130 mli.

Ehe bahia ni aná Biblia ni shishinumɔ waaa. Wiemɔi tsakeɔ yɛ be kɛ beaŋ, ni wiemɔi ni akɛtsu nii yɛ Biblia shishitsɔɔmɔi lɛ ateŋ babaoo mli lɛ abe eho ni amɛshishinumɔ wala. Agbɛnɛ hu, ana blema wolokpoi ni akɛ niji ŋmala ni ja lɛ ateŋ babaoo, ni srɔtofeemɔ tsɔ ko bɛ nomɛi kɛ nɔ ni aŋmala klɛŋklɛŋ kwraa lɛ teŋ, ni enɛ eha anu Hebri, Aramaik, kɛ Hela wiemɔi ni akɛŋmala Biblia lɛ ashishi jogbaŋŋ.

Ehe bahia ni aná Biblia shishitsɔɔmɔ ni tsakeko Nyɔŋmɔ wiemɔ lɛ hiɛ. Esaaa akɛ Biblia shishitsɔɔlɔi lɛ jieɔ nɔ ko yɛ Nyɔŋmɔ wiemɔ ni ajɛ mumɔŋ aŋma lɛ mli, ni asaŋ esaaa akɛ amɛkɛ nɔ ko fataa he, moŋ lɛ esa akɛ amɛtsɔɔ wiemɔi lɛ ashishi pɛpɛɛpɛ. Kɛlɛ, akɛ Nyɔŋmɔ gbɛ́i, ni ji Yehowa lɛ tsuuu nii yɛ Biblia shishitsɔɔmɔi pii amli.

Ehe bahia ni aná Biblia shishitsɔɔmɔ ni baawo e-Ŋmalɔ lɛ hiɛ nyam. (2 Samuel 23:2) Taakɛ wɔnaa yɛ mfoniri ni yɔɔ shishigbɛ nɛɛ mli lɛ, Yehowa gbɛ́i lɛ je kpo shii 7,000 yɛ New World Translation lɛ mli, taakɛ ejeɔ kpo yɛ blema Biblia wolokpoi lɛ amli lɛ. (Lala 83:19) Hiɛdɔɔ ni akɛtao nii amli afii babaoo nɛɛ eha aná Biblia ni kanemɔ waaa ni haa anaa Nyɔŋmɔ susumɔi faŋŋ. Kɛ́ New World Translation lɛ eko yɛ owiemɔ mli jio, eko bɛ owiemɔ mli jio lɛ, wɔmiiwo bo hewalɛ ni okɛfee oti ni ma ohiɛ akɛ obaakane Yehowa Wiemɔ lɛ daa gbi.—Yoshua 1:8; Lala 1:2, 3.

  • Mɛni ha wɔna akɛ ehe miihia ni aná Biblia shishitsɔɔmɔ kroko lɛ?

  • Mɛni esa akɛ mɔ ko ni miitao akase Nyɔŋmɔ suɔmɔnaa nii lɛ afee daa?

Ekrokromɛi Hu Nɛ

Biblia Lɛ—Wolo ni Jɛ Nyɔŋmɔ Ŋɔɔ

Mɛɛ gbɛ nɔ Biblia lɛ baanyɛ aye abua bo kɛkpee onaagbai anaa? Ani obaanyɛ okɛ ohe afɔ̃ emli gbalɛi lɛ anɔ?