Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 6

Mɛɛ Sɛɛ Wɔnáa kɛ́ Wɔkɛ Nanemɛi Kristofoi Bɔ?

Mɛɛ Sɛɛ Wɔnáa kɛ́ Wɔkɛ Nanemɛi Kristofoi Bɔ?

Madagascar

Norway

Lebanon

Italy

Wɔyaa Kristofoi akpeei daa ekɔɔɔ he eko kɛ́ hulu miitso jio, nugbɔ miinɛ jio, loo kɛ́ esa akɛ wɔnyiɛ kɛtsɔ koo hayii mli po. Mɛni hewɔ Yehowa Odasefoi bɔɔ mɔdɛŋ ni amɛkɛ amɛnyɛmimɛi Kristofoi lɛ akpe yɛ naagbai ni amɛkɛkpeɔ yɛ shihilɛ mli kɛ bɔ ni etɔɔ amɛ beni amɛkpa nitsumɔ lɛ fɛɛ sɛɛ lɛ?

Kɛha wɔhilɛkɛhamɔ. Beni Paulo wieɔ mɛi ni wɔkɛshãraa yɛ Kristofoi akpeei ashishi lɛ ahe lɛ, eŋma akɛ: “Wɔyɔseyɔsea wɔhe.” (Hebribii 10:24) Wiemɔ nɛɛ tsɔɔ “nii ahe ni asusuɔ jogbaŋŋ,” ni ji ni wɔle wɔhe. No hewɔ lɛ, bɔfo lɛ wiemɔi lɛ woɔ wɔ hewalɛ ni wɔsusu mɛi krokomɛi ahe. Kɛ́ wɔbɛŋkɛ Kristofoi awekui krokomɛi ni wɔbale amɛ jogbaŋŋ lɛ, wɔbaayɔse akɛ amɛteaŋ mɛi komɛi etsɔmɔ shihilɛi ni mli wawai ni tamɔ wɔnɔ lɛ nɔŋŋ mli ni amɛye omanye, ni no hewɔ lɛ, amɛbaanyɛ amɛye amɛbua wɔ ni wɔ hu wɔye omanye.

Ehaa wekukpaa kpakpa hiɔ wɔkɛ wɔnanemɛi Kristofoi lɛ ateŋ. Mɛi ni wɔkɛkpeɔ yɛ wɔ-Kristofoi akpeei ashishi lɛ ji wɔnanemɛi ni wɔle jogbaŋŋ, shi jeee mɛi ni wɔle hiɛaŋhiɛaŋ kɛkɛ. Bei komɛi lɛ, wɔkɛ wɔhe woɔ hiɛtserɛjiemɔi ni sa mli kutuu. Mɛɛ sɛɛ wɔnáa yɛ naanyobɔɔ ni tamɔ nɛkɛ lɛ mli? Ehaa wɔnáa bulɛ ni mli kwɔ kɛhaa wɔhe, ni no haa suɔmɔ ni wɔyɔɔ kɛha wɔhe lɛ mli waa. Agbɛnɛ hu, kɛ́ wɔnanemɛi lɛ kɛ naagbai miikpe lɛ, wɔjɛɔ wɔsuɔmɔ mli wɔyeɔ wɔbuaa amɛ ejaakɛ wekukpaa ni mli wa kã wɔ kɛ amɛ teŋ. (Abɛi 17:17) Kɛ́ wɔkɛ wɔsafoŋbii lɛ fɛɛ shãra lɛ, wɔkɛtsɔɔ akɛ wɔsusuɔ wɔ fɛɛ wɔhe pɛpɛɛpɛ.—1 Korintobii 12:25, 26.

Wɔmiiwo bo hewalɛ ni okɛ mɛi ni feɔ Nyɔŋmɔ suɔmɔnaa nii lɛ abɔ naanyo. Obaaná nanemɛi ni tamɔ nakai yɛ Yehowa Odasefoi lɛ ateŋ. Ofainɛ kaaha nɔ ko nɔ ko tsi onáa yɛ naanyo ni okɛ wɔ aaabɔ lɛ he.

  • Mɛɛ sɛɛ wɔnáa kɛ́ wɔkpe kutuu ni wɔkɛ wɔnyɛmimɛi Kristofoi lɛ gba sane yɛ asafoŋ kpeei ashishi?

  • Mɛɛ be obaasumɔ ni obasara wɔ ni ole wɔsafoŋbii lɛ jogbaŋŋ?

Ekrokomɛi Hu Nɛ

ASAFOŊ KPEEI

Mɛni Yaa nɔ yɛ Yehowa Odasefoi Akpeei Ashishi?

Kanemɔ koni ona bɔ ni amɛfeɔ amɛkpeei lɛ amɛhaa.