Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 1

Namɛi Ji Yehowa Odasefoi?

Namɛi Ji Yehowa Odasefoi?

Denmark

Taiwan

Venezuela

India

Yehowa Odasefoi enyiɛ ole? Ekolɛ wɔteŋ mɛi komɛi kɛ bo yɔɔ akutso mli, wɔkɛ bo tsuɔ nii, loo wɔkɛ bo yaa skul. Aloo ekolɛ wɔkɛ bo egba Biblia mli sane pɛŋ. Namɛi diɛŋtsɛ ji wɔ, ni mɛni hewɔ wɔkɛ mɛi gbaa wɔhemɔkɛyeli lɛ he sane yɛ faŋŋ?

Jeee gbɔmɛi srɔto ko ji wɔ. Wɔjɛ hei srɔtoi kɛ shihilɛi srɔtoi amli. Tsutsu ko lɛ, wɔteŋ mɛi komɛi yɛ jamɔi krokomɛi amli, ni wɔteŋ mɛi komɛi hu heee Nyɔŋmɔ nɔ wɔyeee. Shi, dani wɔbatsɔmɔ Odasefoi lɛ, wɔ fɛɛ wɔhe be kɛpɛi Biblia mli tsɔɔmɔi lɛ amli jogbaŋŋ. (Bɔfoi lɛ Asaji 17:11) Wɔkpɛlɛ nɔ ni wɔkase lɛ nɔ, ni wɔkpɛ wɔyiŋ akɛ wɔbaaja Yehowa Nyɔŋmɔ.

Biblia lɛ ni wɔkaseɔ lɛ yeɔ ebuaa wɔ. Taakɛ eji yɛ mɔ fɛɛ mɔ gbɛfaŋ lɛ, wɔ hu wɔyɛ naagbai kɛ gbɔjɔmɔi ni esa akɛ wɔdamɔ naa. Shi Biblia mli shishitoo mlai ni wɔbɔɔ mɔdɛŋ wɔkɛtsuɔ nii yɛ wɔshihilɛ mli daa lɛ, eha wɔshihilɛ ehi fe tsutsu lɛ. (Lala 128:1, 2) Enɛ ji yiŋtoo kome hewɔ ni wɔkɛ mɛi gbaa nibii kpakpai ni wɔkaseɔ kɛjɛɔ Biblia lɛ mli lɛ he sane lɛ.

Wɔhiɔ shi yɛ Nyɔŋmɔ shishitoo mlai lɛ anaa. Shishitoo mlai nɛɛ ni yɔɔ Biblia lɛ mli lɛ haa wɔhiɔ shi jogbaŋŋ, ni amɛhaa wɔjieɔ bulɛ kpo wɔtsɔɔ mɛi, ni amɛhaa wɔjieɔ sui tamɔ anɔkwayeli kɛ mlihilɛ hu kpo. Amɛhaa mɛi feɔ akutsoŋbii kpakpai, ni amɛhaa wekui feɔ ekome, ni agbɛnɛ hu, amɛhaa abaa jeŋ jogbaŋŋ. Akɛni wɔle akɛ “Nyɔŋmɔ jeee mɛi ahiɛaŋkwɛlɔ” hewɔ lɛ, wɔkɛ wɔnyɛmimɛi Kristofoi ni yɔɔ je lɛŋ fɛɛ ni wɔkɛ amɛ hiɛ hemɔkɛyeli kome lɛ hiɔ shi yɛ ekomefeemɔ mli, ni wɔhaaa hewolonɔ su loo maŋkwramɔŋ saji agbála wɔmli. Eyɛ mli akɛ gbɔmɛi ji wɔ tamɔ mɛi krokomɛi nɔŋŋ moŋ, shi akɛ kuu lɛ esoro wɔ kwraa.—Bɔfoi lɛ Asaji 4:13; 10:34, 35.

  • Yɛ mɛɛ gbɛi anɔ Yehowa Odasefoi tamɔ mɛi krokomɛi nɔŋŋ?

  • Mɛɛ sui kpakpai Biblia lɛ kasemɔ eha Odasefoi lɛ ená?

Ekrokromɛi Hu Nɛ

Ní Aaahi Shi yɛ Gbɛ ni Saa Nyɔŋmɔ Hiɛ lɛ Nɔ

Abaanyɛ ahi shi bɔ ni saa Yehowa hiɛ. Yɛ anɔkwale mli lɛ, obaanyɛ otsɔ enaanyo.

Jamɔ ni Nyɔŋmɔ kpɛlɛɔ nɔ

Kanemɔ koni ole nibii ekpaa ni akɛkadiɔ anɔkwa jalɔi.