Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 13

Namɔ Ji Gbɛgbalɔ?

Namɔ Ji Gbɛgbalɔ?

Canada

Shĩa fɛɛ shĩa

Biblia mli nikasemɔ

Aŋkro nikasemɔ

Bei pii lɛ, wiemɔ “gbɛgbalɔ” lɛ tsɔɔ mɔ ko ni jeɔ nɔ ko shishi yɛ he ko ni no gbeleɔ gbɛ kɛhaa mɛi krokomɛi koni amɛnyiɛ nɔ ni efee lɛ sɛɛ. Abaanyɛ akɛɛ akɛ Yesu ji gbɛgbalɔ yɛ gbɛ ko nɔ, ejaakɛ atsu lɛ kɛba shikpɔŋ lɛ nɔ ni ebatsu yiwalaheremɔ sɔɔmɔ ko he nii, ni ekɛgbele gbɛ kɛha adesai koni ahere amɛyiwala. (Mateo 20:28) Ŋmɛnɛ lɛ, esɛɛnyiɛlɔi lɛ hu miikase lɛ kɛtsɔ be babaoo ni ‘amɛkɛfeɔ mɛi kaselɔi’ lɛ nɔ. (Mateo 28:19, 20) Mɛi komɛi enyɛ amɛkɛ amɛhe ewo nɔ ni wɔtsɛɔ lɛ gbɛgbamɔ nitsumɔ lɛ mli.

Gbɛgbalɔ ji mɔ ko ni kɛ be babaoo shiɛɔ. Yehowa Odasefoi fɛɛ shiɛɔ sanekpakpa lɛ. Kɛlɛ, amɛteŋ mɛi komɛi eto gbɛjianɔ koni amɛsɔmɔ akɛ daa gbɛgbalɔi, ni amɛkɛ ŋmɛlɛtswai 70 shiɛɔ daa nyɔɔŋ. Bɔni afee ni amɛnyɛ amɛfee enɛ lɛ, amɛteŋ mɛi babaoo kɛ be fã tsuɔ heloonaa nitsumɔ. Ahaa amɛteŋ mɛi komɛi yasɔmɔɔ akɛ gbɛgbalɔi krɛdɛi yɛ hei ni Maŋtsɛyeli shiɛlɔi ahe hiaa waa yɛ, ni amɛkɛ ŋmɛlɛtswai 130 loo nɔ ni fe nakai shiɛɔ daa nyɔɔŋ. Gbɛgbalɔi lɛ amii shɛɔ nii fioo ni amɛyɔɔ lɛ he, ni amɛyɛ hekɛnɔfɔɔ akɛ Yehowa kɛ nibii ni he hiaa yɛ shihilɛ mli lɛ baaha amɛ. (Mateo 6:31-33; 1 Timoteo 6:6-8) Mɛi ni nyɛɛɛ amɛkɛ amɛbe fɛɛ asɔmɔ akɛ gbɛgbalɔi lɛ baanyɛ asɔmɔ akɛ gbɛgbalɔi awalɔi ni amɛkɛ ŋmɛlɛtswai 30 loo 50 ashiɛ nyɔɔŋ kome loo nɔ, koni amɛkɛha amɛshiɛmɔ nitsumɔ lɛ aya hiɛ.

Suɔmɔ kɛha Nyɔŋmɔ kɛ gbɔmɔ ji nɔ ni tsirɛɔ gbɛgbalɔ lɛ. Taakɛ eji yɛ Yesu gbɛfaŋ lɛ, ŋmɛnɛ lɛ, wɔ hu wɔnaa bɔ ni mɛi babaoo shweɔ waa ni amɛle Nyɔŋmɔ kɛ eyiŋtoi lɛ ahe sane. (Marko 6:34) Shi wɔyɛ nilee ni baanyɛ aye abua amɛ bianɛ ni baaha amɛná hiɛnɔkamɔ ni mli wa kɛha wɔsɛɛ. Suɔmɔ ni gbɛgbalɔ lɛ yɔɔ kɛha gbɔmɛi lɛ haa ekɛ ebe kɛ enyɛmɔ yeɔ ebuaa amɛ faa koni amɛnu sanekpakpa lɛ. (Mateo 22:39; 1 Tesalonikabii 2:8) Enɛ wajeɔ ehemɔkɛyeli, ehaa ebɛŋkɛɔ Nyɔŋmɔ, ni ehaa enáa miishɛɛ waa.—Bɔfoi lɛ Asaji 20:35.

  • Namɔ ji gbɛgbalɔ?

  • Mɛni tsirɛɔ mɛi ni amɛkɛ amɛbe fɛɛ sɔmɔɔ akɛ gbɛgbalɔi?

Ekrokromɛi Hu Nɛ

Gbɛgbamɔ Nitsumɔ lɛ Wajeɔ Wekukpaa ni Kã Wɔ kɛ Nyɔŋmɔ Teŋ Lɛ

Kwɛmɔ gbɛi kpaanyɔ ni gbɛgbamɔ nitsumɔ lɛ baanyɛ awaje naanyobɔɔ ni yɔɔ wɔ kɛ Yehowa teŋ lɛ. Mɛni baaye abua bo koni oya nɔ ohiɛ sɔɔmɔ krɛdɛɛ nɛɛ mli?