Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 26

Mɛni Wɔbaanyɛ Wɔfee Kɛkura Wɔ-Maŋtsɛyeli Asa Lɛ?

Mɛni Wɔbaanyɛ Wɔfee Kɛkura Wɔ-Maŋtsɛyeli Asa Lɛ?

Estonia

Zimbabwe

Mongolia

Puerto Rico

Nyɔŋmɔ gbɛ́i krɔŋkrɔŋ lɛ kã Yehowa Odasefoi a-Maŋtsɛyeli Asa lɛ eko fɛɛ eko nɔ. No hewɔ lɛ, Maŋtsɛyeli Asa lɛ nɔ ni wɔɔsaa, ni wɔha efee nɔ ni yɔɔ hiŋmɛi nɔ, ni wɔkura hu lɛ ji hegbɛ kpele ni wɔná, ni eji wɔjamɔ krɔŋŋ lɛ fã ko ni he hiaa waa. Mɔ fɛɛ mɔ baanyɛ ekɛ ehe awo mli.

Ye obua ni asaa jɛmɛ kɛ́ akpa asafoŋ kpeei. Daa kɛ́ akpa asafoŋ kpeei lɛ, nyɛmimɛi hii kɛ yei kɛ be kukuoo ko saa Maŋtsɛyeli Asa lɛ nɔ kɛ miishɛɛ. Yɛ hei komɛi lɛ, asaa jɛmɛ jogbaŋŋ daa otsi, ni yɛ hei komɛi hu lɛ daa nyɔɔŋ. Asafoŋ onukpa loo asafoŋ sɔɔlɔ ko kwɛɔ nitsumɔ lɛ nɔ, ni enyiɛɔ gbɛtsɔɔmɔ ni akɛha kɛha jɛmɛ saamɔ lɛ sɛɛ ni ekɛfeɔ enɛ. Yɛ bɔ ni jɛmɛ yɔɔ lɛ naa lɛ, abɛɔ ni ashaa shikpɔŋ lɛ, akpalaa mulu ni yɔɔ jɛmɛ lɛ, atsumɔɔ sɛi lɛ ahe ni atoɔ amɛ jogbaŋŋ, asaa nushwiemɔhe lɛ, atsumɔɔ samfɛji ahe kɛ ashwishwɛi lɛ ahiɛ, atsiɔ jwɛi lɛ ashwieɔ, ni asaa loo ahuɔ ehewɔŋ. Kɛ́ hooo kwraa lɛ, shi kome yɛ afi mli lɛ atoɔ be ko ni akɛyasaa jɛmɛ fe bɔ ni afeɔ lɛ daa lɛ. Kɛ́ wɔha wɔbii lɛ fata wɔhe kɛsaa jɛmɛ lɛ, ehaa amɛnáa bulɛ kɛhaa wɔjamɔhe lɛ.—Jajelɔ 4:17.

Ye obua kɛsaa nibii ni efite yɛ jɛmɛ lɛ. Daa afi lɛ akwɛɔ bɔ ni Maŋtsɛyeli Asa lɛ mli kɛ ehewɔŋ shikamɔ yɔɔ ha. Enɛ yeɔ ebuaa ni asaa nibii ni efite yɛ asa lɛ nɔ lɛ be fɛɛ be, ni ehaaa afite shika bɔ ni esaaa. (2 Kronika 24:13; 34:10) Maŋtsɛyeli Asa ni he tse ni akuraa lɛ jogbaŋŋ lɛ sa kɛha wɔ-Nyɔŋmɔ lɛ jamɔ. Wɔhe ni wɔkɛwoɔ nitsumɔ nɛɛ mli lɛ tsɔɔ bɔ ni Yehowa kɛ he ni wɔjaa lɛ yɛ lɛ kã wɔtsui nɔ ha. (Lala 122:1) Enɛ hu haa mɛi ni yɔɔ wɔkutso lɛ mli lɛ náa wɔhe jwɛŋmɔ kpakpa.—2 Korintobii 6:3.

  • Mɛni hewɔ esaaa akɛ wɔkuɔ wɔhiɛ wɔshwieɔ wɔjamɔhe lɛ nɔ lɛ?

  • Mɛɛ gbɛjianɔ ato kɛha Maŋtsɛyeli Asa lɛ nɔ saamɔ?

Ekrokromɛi Hu Nɛ

ASAFOŊ KPEEI

Mɛni Yaa nɔ yɛ Yehowa Odasefoi Akpeei Ashishi?

Kanemɔ koni ona bɔ ni amɛfeɔ amɛkpeei lɛ amɛhaa.