Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 25

Maŋtsɛyeli Asai—Nɔ Hewɔ ni Amamɔɔ kɛ Gbɛ nɔ ni Atsɔɔ Amamɔɔ

Maŋtsɛyeli Asai—Nɔ Hewɔ ni Amamɔɔ kɛ Gbɛ nɔ ni Atsɔɔ Amamɔɔ

Bolivia

Nigeria, nɛkɛ eyɔɔ dani ama lɛ ehee

Tahiti

Atsɛɔ wɔjamɔhe lɛ Maŋtsɛyeli Asa, ejaakɛ Biblia mli tsɔɔmɔ ni yaa nɔ yɛ jɛmɛ lɛ gbalaa jwɛŋmɔ kɛyaa Nyɔŋmɔ Maŋtsɛyeli lɛ, ni ji Yesu shiɛmɔ lɛ saneyitso lɛ nɔ titri.—Luka 8:1.

Jɛmɛ ji akutso lɛ mli he ni ajaa Nyɔŋmɔ yɛ diɛŋtsɛ. Jɛmɛ ji akutso lɛ mli he ni ajɛɔ atoɔ Maŋtsɛyeli lɛ he sanekpakpa lɛ shiɛmɔ lɛ he gbɛjianɔ. (Mateo 24:14) Esoro Maŋtsɛyeli Asai lɛ eko fɛɛ eko dalɛ kɛ bɔ ni ama lɛ aha, shi amɛbɛ haŋtsii, ni yɛ hei pii lɛ, asafoi ni fa fe ekome kpeɔ yɛ jɛmɛ. Yɛ nyɛsɛɛ afii nɛɛ amli lɛ, wɔmamɔ Maŋtsɛyeli Asai akpei nyɔŋmai abɔ (kɛ aja mli lɛ wɔmamɔɔ enumɔ daa gbi) bɔni afee ni asafoi babaoo ni atoɔ shishi lɛ aná he ko akpe yɛ. Te wɔfeɔ tɛŋŋ wɔfeɔ enɛ lɛ?—Mateo 19:26.

Akɛ onia ni atsuɔ lɛ eko mamɔɔ. Akɛ shika ni anáa yɛ adeka nɛɛ mli lɛ majeɔ nitsumɔhe nine lɛ ni amɛ hu amɛkɛhaa asafoi ni Maŋtsɛyeli Asa he miihia amɛ lɛ ni amɛkɛma eko loo ni amɛkɛtsake bɔ ni ama eko aha lɛ.

Mɛi ni jɛ shihilɛi srɔtoi amli ni kɛ amɛhe eha ni awooo amɛ nyɔmɔ mamɔɔ. Ato Maŋtsɛyeli Asai Amaamɔ Kui ahe gbɛjianɔ yɛ maji babaoo anɔ. Tsumalɔi ni ajara amɛ awo kui amli kɛ mɛi ni kɛ amɛhe eha shĩɔ asafo kome mli kɛyaa ekroko mli yɛ maŋ kome too lɛ nɔŋŋ mli, ni akrowai po fata he, koni amɛyaye abua asafoi lɛ kɛmamɔ amɛ-Maŋtsɛyeli Asai. Yɛ maji krokomɛi anɔ lɛ, ahala Odasefoi ni amɛhe esa koni amɛkwɛ ni amamɔ Maŋtsɛyeli Asai ni asaa ekomɛi hu yɛ kpokpai ni akɛha amɛ lɛ anɔ. Eyɛ mli akɛ mɛi babaoo ni le ŋaa nitsumɔ lɛ hu kɛ amɛhe haa moŋ, shi he fɛɛ he ni amaa tsu lɛ eko yɛ lɛ, asafo ni yɔɔ jɛmɛ lɛ mli bii titri ji mɛi ni kɛ amɛhe haa. Nɔ ni haa anyɛɔ atsuɔ enɛ ji Yehowa mumɔ lɛ kɛ ewebii ni jɛɔ amɛsuɔmɔ mli amɛkɛ amɛhe haa lɛ.—Lala 127:1; Kolosebii 3:23.

  • Mɛni hewɔ atsɛɔ wɔjamɔhe lɛ Maŋtsɛyeli Asa lɛ?

  • Te feɔ tɛŋŋ ni anyɛɔ amamɔɔ Maŋtsɛyeli Asai yɛ jeŋ fɛɛ lɛ?