Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 21

Mɛni Ji Betel?

Mɛni Ji Betel?

Nitɛŋmɔ Nitsumɔhe, U.S.A.

Germany

Kenya

Colombia

Hebri wiemɔ Betel lɛ shishi ji “Nyɔŋmɔ We.” (1 Mose 28:17, 19) Eji gbɛ́i ko ni sa waa kɛha tsũi ni Yehowa Odasefoi emamɔ yɛ je lɛŋ fɛɛ, ni ajɛɔ jɛmɛ akɛ shiɛmɔ nitsumɔ lɛ he gbɛtsɔɔmɔ haa ni atsuɔ nii kɛyeɔ abuaa shiɛmɔ nitsumɔ lɛ. Gbɛtsɔɔmɔ Kuu lɛ sɔmɔɔ yɛ jeŋ fɛɛ nitsumɔhe yitso ni yɔɔ New York State, yɛ U.S.A. lɛ, ni amɛjɛɔ jɛmɛ amɛkwɛɔ nitsumɔi ni yaa nɔ yɛ nitsumɔhe niji ni yɔɔ maji srɔtoi anɔ lɛ nɔ. Akɛ kuu lɛ, atsɛɔ mɛi ni sɔmɔɔ yɛ nitsumɔhei nɛɛ akɛ Betel weku. Amɛfeɔ amɛnii tamɔ weku, amɛyɛ he kome ni amɛfeɔ ekome kɛtsuɔ nii, amɛfeɔ ekome kɛyeɔ nii, ni amɛfeɔ ekome kɛkaseɔ Biblia lɛ.—Lala 133:1.

He ko ni yɔɔ srɔto kwraa ni weku lɛ mli bii lɛ kɛ amɛhe shãa afɔle. Yɛ Betel shĩai srɔtoi lɛ fɛɛ amli lɛ, ayɛ Kristofoi hii kɛ yei ni kɛ amɛhe eha kwraa kɛmiifee Nyɔŋmɔ suɔmɔnaa nii ni amɛkɛ amɛbe fɛɛ tsuɔ nii koni Maŋtsɛyeli lɛ he nibii lɛ aya hiɛ. (Mateo 6:33) Awooo amɛteŋ mɔ ko mɔ ko nyɔmɔ, shi ahaa amɛ wɔɔhe kɛ niyenii kɛ shika ni amɛbaanyɛ amɛkɛhe nibii komɛi ni he baahia amɛ. Mɔ fɛɛ mɔ ni yɔɔ Betel lɛ yɛ enitsumɔ, mɛi komɛi tsuɔ nii yɛ ɔfis, mɛi komɛi hoɔ nii, loo amɛsaa hei ni ayeɔ nii yɛ lɛ. Mɛi komɛi kalaa woji, mɛi komɛi saa tsũi amli, mɛi komɛi fɔɔ nii ahe, mɛi komɛi kuraa shĩa lɛ, ni mɛi komɛi hu tsuɔ nibii krokomɛi.

He ko ni atsuɔ nii waa yɛ kɛyeɔ abuaa Maŋtsɛyeli shiɛmɔ lɛ. Oti titri ni ma Betel fɛɛ Betel hiɛ ji ni eha mɛi babaoo anine ashɛ Biblia mli anɔkwalei lɛ anɔ bɔ ni eeenyɛ. Wolo nɛɛ ni afee lɛ ji enɛ he nɔkwɛmɔnɔ. Gbɛtsɔɔmɔ Kuu lɛ ji mɔ ni kwɛ ni aŋma, ni akɛmaje wiemɔi ashishitsɔɔmɔi akui ohai abɔ ni yɔɔ je lɛ mli lɛ kɛtsɔ Intanɛt lɛ nɔ, ni akɛ tsɔnei ni kalaa woji oyayaayai kala yɛ Betel nitsumɔhei ni akalaa woji yɛ lɛ, ni akɛmaje asafoi ni fa fe 110,000 kɛtsɔ meele nɔ. Nitsumɔ ni Betel weku lɛ mli bii lɛ fɛɛ tsuɔ lɛ yeɔ ebuaa koni atsu nitsumɔ ni he hiaa fe fɛɛ ŋmɛnɛ lɛ—sanekpakpa lɛ shiɛmɔ.—Marko 13:10.

  • Namɛi sɔmɔɔ yɛ Betel, ni mɛɛ gbɛ nɔ atsɔɔ akwɛɔ amɛ?

  • Nitsumɔi srɔtoi ni atsuɔ yɛ Betel lɛ yeɔ ebuaa mɛɛ nitsumɔ ni he hiaa waa?

Ekrokromɛi Hu Nɛ

Vidio ko Fã:Yehowa Odasefoi Ajeŋ Muu Fɛɛ Shiɛmɔ Nitsumɔ Lɛ

Kanemɔ koni ole nɔ hewɔ ni akɛ ŋmɛlɛtswai akpekpe toi akpei abɔ shɛɔ yɛ wiemɔi ohai komɛi amli lɛ.