Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 17

Mɛɛ Gbɛ nɔ Kpokpaa Nɔkwɛlɔi Yeɔ Amɛbuaa Wɔ?

Mɛɛ Gbɛ nɔ Kpokpaa Nɔkwɛlɔi Yeɔ Amɛbuaa Wɔ?

Malawi

Shiɛmɔyaa kuu

Shiɛmɔ nitsumɔ

Asafoŋ onukpai akpee

Kristofoi a-Hela Ŋmalɛi lɛ tsĩɔ Barnaba kɛ bɔfo Paulo tã waa. Nɛkɛ hii nɛɛ sɔmɔ akɛ nɔkwɛlɔi gbɛfalɔi ni amɛsara asafoi ni hi shi yɛ mra be mli lɛ. Mɛni hewɔ? Amɛnyɛmimɛi Kristofoi lɛ ahilɛkɛhamɔ kã amɛtsui nɔ waa. Paulo kɛɛ akɛ eesumɔ ni ‘eku esɛɛ ni eyasara nyɛmimɛi lɛ’ ni ekwɛ bɔ ni amɛyɔɔ. Eesumɔ ni efã gbɛ shitoi ohai abɔ koni eya ni eyawo amɛ hewalɛ. (Bɔfoi lɛ Asaji 15:36) Nakai nɔŋŋ wɔnɔkwɛlɔi gbɛfalɔi ni yɔɔ ŋmɛnɛ lɛ hu shweɔ ni amɛfee.

Amɛbaa koni amɛbawo wɔ hewalɛ. Kpokpaa nɔkwɛlɔ fɛɛ kpokpaa nɔkwɛlɔ saraa asafoi aaafee 20, ni eyeɔ otsi yɛ amɛteŋ eko fɛɛ eko ŋɔɔ, ni efeɔ enɛ shii enyɔ daa afi. Wɔbaanyɛ wɔná nyɛmimɛi hii nɛɛ kɛ amɛŋamɛi, kɛ́ amɛbote gbalashihilɛ mli lɛ, aniiashikpamɔi lɛ ahe sɛɛ waa. Amɛbɔɔ mɔdɛŋ waa akɛ amɛbaale onukpai kɛ gbekɛbii fɛɛ, ni amɛyɛ he miishɛɛ akɛ amɛaafata wɔhe kɛya shiɛmɔ loo kɛyafee Biblia mli nikasemɔi. Nɔkwɛlɔi nɛɛ kɛ asafoŋ onukpai lɛ yasaraa asafoŋbii lɛ, agbɛnɛ hu, amɛhaa wiemɔi yɛ asafoŋ kpeei kɛ kpeei wuji ashishi ni amɛkɛwoɔ wɔ hewalɛ.—Bɔfoi lɛ Asaji 15:35.

Amɛsusuɔ mɔ fɛɛ mɔ he. Bɔ ni asafoi lɛ jaa Nyɔŋmɔ amɛhaa lɛ ji nɔ titri ni kã kpokpaa nɔkwɛlɔi lɛ atsui nɔ waa. Amɛkɛ asafoŋ onukpai lɛ kɛ asafoŋ sɔɔlɔi lɛ kpeɔ ni amɛkwɛɔ bɔ ni asafo lɛ yaa ehiɛ, ni amɛwoɔ amɛ ŋaa yɛ bɔ ni amɛaafee amɛtsu amɛsɔ̃i ahe nii jogbaŋŋ lɛ he. Amɛyeɔ amɛbuaa gbɛgbalɔi lɛ koni amɛnyɛ amɛtsu shiɛmɔ nitsumɔ lɛ jogbaŋŋ, ni amɛyɛ he miishɛɛ akɛ amɛaale mɛi hei ni kɛ asafo lɛ bɔɔ lɛ, ni amɛle bɔ ni amɛyaa hiɛ amɛhaa. Nyɛmimɛi hii nɛɛ ateŋ mɔ fɛɛ mɔ kɛ ehe haa akɛ ‘wɔnaanyo nitsulɔ.’ (2 Korintobii 8:23) Esa akɛ wɔkase amɛhemɔkɛyeli lɛ kɛ bɔ ni amɛkɛ amɛhe eha kɛjaa Nyɔŋmɔ lɛ.—Hebribii 13:7.

  • Mɛni hewɔ kpokpaa nɔkwɛlɔi saraa asafoi lɛ?

  • Te ooofee tɛŋŋ oná amɛsaramɔ lɛ he sɛɛ lɛ?

Ekrokromɛi Hu Nɛ

Mɛni Hewɔ Yehowa Odasefoi yaa Kpeei Wuji?

Daa afi lɛ, wɔbuaa wɔhe naa kutuu kɛha nifeemɔi etɛ ni he hiaa waa. Te obaafee tɛŋŋ oná henaabuamɔi nɛɛ ahe sɛɛ?

Te Yehowa Odasefoi Eto Amɛshiɛmɔ Nitsumɔ lɛ He Gbɛjianɔ Amɛha Tɛŋŋ?

Wɔnyiɛɔ okadi ni Yesu to efɔ̃ shi be ni eyɔɔ shikpɔŋ lɛ nɔ lɛ sɛɛ. Mɛni ji gbɛi ni wɔtsɔɔ nɔ wɔshiɛɔ lɛ ekomɛi?