Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 3

Te Fee Tɛŋŋ ni Biblia mli Anɔkwalei lɛ Bafee Faŋŋ Ekoŋŋ Lɛ?

Te Fee Tɛŋŋ ni Biblia mli Anɔkwalei lɛ Bafee Faŋŋ Ekoŋŋ Lɛ?

Biblia Kaselɔi, 1870 afii lɛ amli

Buu-Mɔɔ lɛ ni akala klɛŋklɛŋ kwraa yɛ afi 1879

Bɔ ni Buu-Mɔɔ lɛ yɔɔ ŋmɛnɛ

Biblia lɛ gba akɛ yɛ Kristo gbele sɛɛ lɛ, amale tsɔɔlɔi baate shi yɛ mra be mli Kristofoi lɛ ateŋ ni amɛbaafutu Biblia mli anɔkwale tsɔɔmɔi lɛ. (Bɔfoi lɛ Asaji 20:29, 30) Beni be shwie mli lɛ nakai pɛpɛɛpɛ eba lɛ. Amɛkɛ wɔŋjamɔŋ susumɔi bafutu Yesu tsɔɔmɔi lɛ, ni enɛ kɛ amale Kristojamɔ ba. (2 Timoteo 4:3, 4) Ŋmɛnɛ lɛ, te wɔɔfee tɛŋŋ wɔná nɔmimaa akɛ wɔnuɔ nɔ ni Biblia lɛ tsɔɔ diɛŋtsɛ lɛ shishi yɛ gbɛ ni ja nɔ lɛ?

Be ni Yehowa kɛbaajie anɔkwale lɛ kpo lɛ bashɛ. Egba akɛ yɛ ‘naagbee be lɛ mli lɛ, anɔkwa nilee aaafá.’ (Daniel 12:4) Afi 1870 lɛ, kuu bibioo ko ni miitao anɔkwale lɛ yɔse akɛ nibii babaoo ni sɔlemɔi lɛ tsɔɔ lɛ damɔɔɔ Ŋmalɛ lɛ nɔ. No hewɔ lɛ, amɛje shishi amɛtao nɔ ni Biblia lɛ tsɔɔ diɛŋtsɛ lɛ mli, ni Yehowa ye ebua amɛ ni amɛnu ŋmalɛi lɛ ashishi jogbaŋŋ.

Hii anɔkwafoi komɛi kase Biblia lɛ jogbaŋŋ. Mɛi ni tsɔ wɔhiɛ, ni ji Biblia Kaselɔi ni yɔɔ ekãa nɛɛ, tsɔ gbɛ ko nɔ amɛkase Biblia lɛ, ni wɔkɛ nakai gbɛ lɛ nɔŋŋ miitsu nii ŋmɛnɛ. Amɛsusu Biblia mli saji lɛ ahe ekomekomei. Kɛ́ amɛkɛ Biblia mli sane ko ni shishinumɔ wa kpe lɛ, amɛtaoɔ ŋmalɛi krokomɛi ni gbálaa mli. Kɛ́ amɛná shishinumɔ ni ja ni kɛ Ŋmalɛ lɛ kpãa gbee lɛ, amɛŋmalaa amɛshwieɔ shi. No hewɔ lɛ, kɛtsɔ Biblia lɛ ni amɛkɛtsu nii kɛtao anɔkwalei ni yɔɔ Biblia lɛ mli lɛ nɔ lɛ, amɛbana anɔkwalei lɛ ekoŋŋ. Anɔkwalei ni amɛna lɛ kɔɔ Nyɔŋmɔ gbɛ́i lɛ kɛ e-Maŋtsɛyeli lɛ, eyiŋtoo kɛha adesai kɛ shikpɔŋ lɛ, shihilɛ ni gbohii lɛ yɔɔ mli lɛ, kɛ gbohiiashitee he hiɛnɔkamɔ lɛ he. Amɛniiamlitaomɔ lɛ ha amɛye amɛhe kɛjɛ apasa hemɔkɛyelii kɛ nifeemɔi ni kɛ Biblia lɛ kpãaa gbee lɛ ahe.—Yohane 8:31, 32.

Beni shɛɔ afi 1879 lɛ, Biblia Kaselɔi lɛ yɔse akɛ be eshɛ ni esa akɛ amɛha mɛi ale anɔkwalei nɛɛ. No hewɔ lɛ, yɛ nakai afi lɛ mli lɛ amɛbɔi Buu-Mɔɔ Eetswa Yehowa Maŋtsɛyeli He Adafi lɛ kalamɔ, ni wɔtee nɔ wɔkala aahu kɛbashi ŋmɛnɛ. Amrɔ nɛɛ, wɔkɛ Biblia mli anɔkwalei miiha mɛi yɛ maji ni fa fe 240 nɔ yɛ wiemɔi ni fa fe 750 mli. Anɔkwa nilee fako yɛ shikpɔŋ lɛ nɔ nɛkɛ pɛŋ!

  • Yɛ Kristo gbele sɛɛ lɛ, mɛni ba Biblia mli anɔkwalei lɛ anɔ?

  • Mɛni ye ebua wɔ ni wɔnyɛ wɔna anɔkwale ni yɔɔ Nyɔŋmɔ Wiemɔ lɛ mli lɛ ekoŋŋ?