Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 9

Te Ooofee Tɛŋŋ Okase Nii Jogbaŋŋ Dani Oya Asafoŋ Kpeei Lɛ?

Te Ooofee Tɛŋŋ Okase Nii Jogbaŋŋ Dani Oya Asafoŋ Kpeei Lɛ?

Cambodia

Ukraine

Kɛ́ Yehowa Odasefonyo ko kɛ bo miikase Biblia lɛ, ekolɛ omiaa ohiɛ akɛ obaakwɛ wolo ni nyɛkaseɔ lɛ mli kɛtsɔ hiɛ dani eba. Kɛ́ obaaná asafoŋ kpeei lɛ ahe sɛɛ kɛmɔ shi lɛ, ehi jogbaŋŋ akɛ ofee nakai nɔŋŋ dani oya. Kɛ́ oto gbɛjianɔ akɛ daa otsi lɛ obaakase nii dani oya lɛ, obaaná he sɛɛ waa.

Taomɔ be kɛ he ni obaakase nii lɛ yɛ. Mɛɛ be onyɛɔ okaseɔ nii jogbaŋŋ? Leebi mra dani obaaje onitsumɔ shishi loo gbɛkɛ beni gbekɛbii lɛ ewɔ? Kɛ́ onyɛɛɛ okɛ bei pii akase nii po lɛ, kwɛmɔ akɛ be enyiɛ obaanyɛ okɛkase nii, ni omia ohiɛ akɛ ohaŋ nɔ ko agbala ojwɛŋmɔ. Taomɔ he ko ni yɔɔ dioo, ni ogbe redio, TV, kɛ mobail foŋ koni nɔ ko akagbala ojwɛŋmɔ. Kɛ́ osɔle dani oje nikasemɔ lɛ shishi lɛ, ebaaye ebua bo ni ojie ojwɛŋmɔ kɛjɛ nibii ni gbaa onaa yɛ shihilɛ mli lɛ anɔ, koni onyɛ okɛ ojwɛŋmɔ ama Nyɔŋmɔ Wiemɔ lɛ nɔ.—Filipibii 4:6, 7.

Folɔmɔ otii lɛ ashishi, ni osaa ohe akɛ obaaha saji ahetoo. Dani obaaje nikasemɔ lɛ shishi lɛ, taomɔ oti titri ni yɔɔ nikasemɔ lɛ mli. Susumɔ saneyitso lɛ he, kwɛmɔ bɔ ni saneyitsei bibii lɛ kɔɔ saneyitso lɛ diɛŋtsɛ he, susumɔ mfonirii kɛ sanebimɔi ni akɛtiɔ otii ni yɔɔ nikasemɔ lɛ mli lɛ ahe. Agbɛnɛ, kanemɔ kukuji lɛ amli, ni otao sanebimɔi lɛ ahetoi. Kanemɔ ŋmalɛi ni atsɛ yisɛɛ lɛ, ni okwɛ bɔ ni amɛkɔɔ nikasemɔ lɛ he. (Bɔfoi lɛ Asaji 17:11) Kɛ́ ona sanebimɔ lɛ hetoo lɛ, kadimɔ loo folɔmɔ wiemɔi fioo komɛi ni yɔɔ kuku lɛ mli lɛ ashishi ni baaha okai hetoo lɛ. Kɛ́ otee asafoŋ kpeei lɛ, obaanyɛ owo onine nɔ ni oha hetoo kuku yɛ bo diɛŋtsɛ owiemɔ mli.

Kɛ́ osusu nibii srɔtoi ni akaseɔ daa otsi yɛ asafoŋ kpeei lɛ ashishi lɛ he jogbaŋŋ lɛ, obaaná nibii hei ofata ‘ojwetri’ ni ji Biblia mli nilee ni oyɔɔ lɛ he.—Mateo 13:51, 52.

  • Mɛɛ gbɛjianɔ obaato kɛkase nii dani oya asafoŋ kpeei daa otsi?

  • Te ooofee tɛŋŋ okase nii koni oha saji ahetoo yɛ asafoŋ kpeei ashishi lɛ?

Ekrokromɛi Hu Nɛ

Mɛni Yaa nɔ yɛ Yehowa Odasefoi Akpeei Ashishi?

Kanemɔ koni ona bɔ ni amɛfeɔ amɛkpeei lɛ amɛhaa.