Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 8

Mɛni Hewɔ Wɔsaa Wɔhe Jogbaŋŋ Kɛyaa Wɔsafoŋ Kpeei Lɛ?

Mɛni Hewɔ Wɔsaa Wɔhe Jogbaŋŋ Kɛyaa Wɔsafoŋ Kpeei Lɛ?

Iceland

Mexico

Guinea-Bissau

Philippines

Ani okadi yɛ mfonirii ni yɔɔ wolo nɛɛ mli lɛ amli akɛ Yehowa Odasefoi saa amɛhe jogbaŋŋ kɛ́ amɛmiiya asafoŋ kpeei? Mɛni hewɔ wɔsaa wɔhe jogbaŋŋ nakai lɛ?

Koni wɔkɛtsɔɔ bulɛ ni wɔyɔɔ kɛha wɔ-Nyɔŋmɔ lɛ. Eji anɔkwale akɛ Nyɔŋmɔ kwɛɛɛ bɔ ni wɔji yɛ kponɔgbɛ. (1 Samuel 16:7) Shi, kɛ́ wɔbabua wɔhe naa koni wɔja lɛ lɛ, wɔshwelɛ ji ni wɔjie bulɛ kpo wɔtsɔɔ lɛ kɛ wɔnyɛmimɛi krokomɛi ni eba asafoŋ kpeei lɛ. Kɛ́ wɔmiiya kojolɔ ko hiɛ yɛ saneyelihe lɛ, ekã shi faŋŋ akɛ wɔbaasaa wɔhe jogbaŋŋ yɛ bulɛ ni wɔyɔɔ kɛha hegbɛ ni eyɔɔ lɛ hewɔ. Nakai nɔŋŋ bɔ ni wɔsaa wɔhe kɛyaa asafoŋ kpeei lɛ tsɔɔ bulɛ ni mli kwɔ ni wɔyɔɔ kɛha Yehowa Nyɔŋmɔ, ni ji ‘shikpɔŋ fɛɛ nɔ Kojolɔ lɛ’ kɛ he ni wɔjaa lɛ yɛ lɛ.—1 Mose 18:25.

Koni ana jeŋba he mla ni wɔhiɔ shi yɛ naa. Biblia lɛ woɔ Kristofoi hewalɛ ni amɛkɛ “hiɛ ni gboɔ nɔ̃ kɛ jwɛŋmɔ ni sa awula amɛhe.” (1 Timoteo 2:9, 10) “Hiɛ ni gboɔ nɔ̃” ni wɔkɛaasaa wɔhe lɛ tsɔɔ akɛ wɔwoŋ atade ni baagbala mɛi ajwɛŋmɔ kɛba wɔnɔ, ebaatee mɛi abɔlɛnamɔ henumɔi ashi, loo ebaatɛŋ wɔgbɔmɔtso lɛ. Agbɛnɛ hu, “jwɛŋmɔ ni sa” ni wɔɔná lɛ baaye abua wɔ ni wɔwo atadei ni yɔɔ fɛo ni bɛ basabasa loo haŋtsii. Fɛɛ sɛɛ lɛ, shishitoo mla nɛɛ etsɔɔɔ akɛ esa akɛ mɔ fɛɛ mɔ awo atade henɔ kome. Kɛ́ wɔgbɛko wɔdaaŋ po lɛ, wɔhesaamɔ ni sa ni yɔɔ fɛo lɛ ‘wulaa wɔyiwalaherelɔ lɛ tsɔɔmɔ lɛ’ ni ‘ewoɔ Nyɔŋmɔ hiɛ nyam.’ (Tito 2:10; 1 Petro 2:12) Kɛ́ wɔsaa wɔhe jogbaŋŋ kɛtee asafoŋ kpeei lɛ, esaa bɔ ni mɛi buɔ jamɔ ni wɔkɛhaa Yehowa lɛ he.

Kɛ́ obɛ atade ni sa ni obaawo kɛba wɔ-Maŋtsɛyeli Asa lɛ nɔ po lɛ, obaanyɛ oba aahu. Ehe ehiaaa ni wɔwo atade ni jara wa loo nɔ ni eba nɔ dani efee nɔ ni sa, ni he tse, ni yɔɔ hiŋmɛi nɔ.

  • Mɛni hewɔ ehe hiaa ni wɔsaa wɔhe jogbaŋŋ kɛ́ wɔyaaja Nyɔŋmɔ lɛ?

  • Mɛɛ shishitoo mlai kudɔɔ wɔ yɛ wɔhesaamɔ mli?