Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 16

Mɛɛ Nitsumɔ Asafoŋ Sɔɔlɔi lɛ Tsuɔ?

Mɛɛ Nitsumɔ Asafoŋ Sɔɔlɔi lɛ Tsuɔ?

Myanmar

Asafoŋ kpee shishi nifeemɔ

Shiɛmɔyaa kuu

Maŋtsɛyeli Asa lɛ kuramɔ

Biblia lɛ wieɔ Kristofoi hii kui enyɔ ni tsuɔ asafo lɛ mli sɔ̃i ahe nii lɛ ahe—amɛji ‘nɔkwɛlɔi kɛ sɔɔlɔi.’ (Filipibii 1:1) Bei pii lɛ, ayɛ nyɛmimɛi hii nɛɛ babaoo ni miisɔmɔ yɛ asafo fɛɛ asafo mli. Mɛni asafoŋ sɔɔlɔi lɛ tsuɔ kɛyeɔ amɛbuaa wɔ?

Amɛwaa onukpai akuu lɛ. Asafoŋ sɔɔlɔi lɛ ateŋ mɛi komɛi ji oblahii, ni mɛi krokomɛi hu edara yɛ afii amli, amɛji hii ni wekukpaa kpakpa kã amɛ kɛ Yehowa teŋ, ni anyɛɔ amuɔ afɔ̃ɔ amɛnɔ, ni amɛ fɛɛ amɛkɛ hiɛdɔɔ tsuɔ amɛsɔ̃i lɛ ahe nii. Bei pii lɛ, amɛtsuɔ nitsumɔi ni he hiaa yɛ asafo lɛ mli kɛ Maŋtsɛyeli Asa lɛ nɔ. Enɛ yeɔ ebuaa asafoŋ onukpai lɛ ni amɛkɛ amɛjwɛŋmɔ maa nitsɔɔmɔ kɛ saramɔ nitsumɔ lɛ nɔ.

Amɛtsuɔ nitsumɔi ni sɛɛnamɔi yɔɔ he. Ahaa asafoŋ sɔɔlɔi lɛ ekomɛi kwɛɔ shitaramɔ nɔ koni amɛkpee mɛi ni baa asafoŋ kpeei lɛ. Amɛteŋ mɛi komɛi kwɛɔ tsɔji ni awieɔ awoɔ mli lɛ nɔ, mɛi komɛi kwɛɔ woji anɔ, mɛi komɛi kwɛɔ asafo lɛ shika he akɔntaabuu lɛ nɔ, ni mɛi komɛi hu kwɛɔ shikpɔŋkuku ni ajaraa ahaa asafoŋbii lɛ anɔ. Amɛwaa hu kɛkuraa Maŋtsɛyeli Asa lɛ. Asafoŋ onukpai lɛ baanyɛ aha amɛye amɛbua mɛi ni edara yɛ afii amli lɛ. Suɔmɔ mli ni asafoŋ sɔɔlɔi lɛ jɛɔ amɛtsuɔ nitsumɔ fɛɛ nitsumɔ ni akɛwoɔ amɛdɛŋ yɛ asafo lɛ mli lɛ haa asafoŋbii lɛ náa bulɛ amɛhaa amɛ waa.—1 Timoteo 3:13.

Amɛji Kristofoi hii ni feɔ nɔkwɛmɔnɔ kpakpa. Aholeɔ asafoŋ sɔɔlɔi yɛ Kristofoi asui kpakpai ni amɛjeɔ lɛ kpo lɛ hewɔ. Amɛwoɔ wɔhemɔkɛyeli lɛ mli hewalɛ kɛ́ amɛfee nifeemɔi yɛ asafoŋ kpeei ashishi. Nɔkwɛmɔnɔ kpakpa ni amɛfeɔ yɛ shiɛmɔ nitsumɔ lɛ mli lɛ kanyaa wɔ koni wɔkɛ hiɛdɔɔ ashiɛ. Akɛni amɛkɛ asafoŋ onukpai lɛ feɔ ekome hewɔ lɛ, amɛhaa miishɛɛ kɛ ekomefeemɔ hiɔ asafo lɛ mli. (Efesobii 4:16) Kɛ́ amɛshɛ taomɔ nii lɛ ahe yɛ be ko sɛɛ lɛ, amɛhu amɛbaanyɛ amɛsɔmɔ akɛ asafoŋ onukpai.

  • Namɛi ji asafoŋ sɔɔlɔi?

  • Mɛɛ gbɛ nɔ sɔɔlɔi yeɔ amɛbuaa koni nibii aya nɔ jogbaŋŋ yɛ asafo lɛ mli?

Ekrokromɛi Hu Nɛ

Te Ato Yehowa Odasefoi Asafoi Lɛ Ahe Gbɛjianɔ Ahã Tɛŋŋ?

Kanemɔ koni ole bɔ ni astsɔɔ gbɛjianɔtoo nɛɛ akɛtsɔ gbɛtsɔɔmɔi hãa wɔ.