Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Namɛi Feɔ Yehowa Suɔmɔnaa Nii Ŋmɛnɛ?

 NIKASEMƆ 15

Mɛɛ Gbɛ nɔ Asafoŋ Onukpai lɛ Sɔmɔɔ Asafo Lɛ?

Mɛɛ Gbɛ nɔ Asafoŋ Onukpai lɛ Sɔmɔɔ Asafo Lɛ?

Finland

Nitsɔɔmɔ

Saramɔ Nitsumɔ

Shiɛmɔ

Wɔbɛ osɔfoi akuu ko ni awoɔ amɛ nyɔmɔ yɛ wɔgbɛjianɔtoo lɛ mli. Yɛ no najiaŋ lɛ, aholeɔ nɔkwɛlɔi ni sa ‘koni amɛkwɛ Nyɔŋmɔ asafo lɛ’ nɔ taakɛ afee beni ato Kristofoi asafo lɛ shishi lɛ. (Bɔfoi lɛ Asaji 20:28) Asafoŋ onukpai nɛɛ ji hii ni wekukpaa kpakpa kã amɛ kɛ Yehowa teŋ, amɛtsɔɔ nii yɛ asafo lɛ mli ni amɛkwɛɔ nɔ, “jeee nɔnyɛ̃ɛ naa, shi moŋ yɛ suɔmɔ naa; asaŋ jeee sɛɛnamɔ ni yɔɔ hiɛgbele hewɔ, shi moŋ tsuijurɔ naa.” (1 Petro 5:1-3) Mɛni amɛtsuɔ kɛyeɔ amɛbuaa wɔ?

Amɛkwɛɔ wɔnɔ ni amɛbuɔ wɔhe. Asafoŋ onukpai lɛ kɛ gbɛtsɔɔmɔ haa asafo lɛ kɛjɛɔ Ŋmalɛ lɛ mli ni amɛyeɔ amɛbuaa asafoŋbii lɛ ni amɛhi Yehowa masɛi. Akɛni asafoŋ onukpai lɛ le akɛ Nyɔŋmɔ etuu nitsumɔ ni he hiaa nɛɛ ewo amɛdɛŋ hewɔ lɛ, amɛyeee ewebii lɛ anɔ, shi moŋ amɛyeɔ amɛbuaa wɔ ni wɔná miishɛɛ. (2 Korintobii 1:24) Asafoŋ onukpai lɛ bɔɔ mɔdɛŋ akɛ amɛbaale asafoŋbii lɛ ateŋ mɔ fɛɛ mɔ jogbaŋŋ, taakɛ tookwɛlɔ ko kwɛɔ etooi lɛ ateŋ eko fɛɛ eko jogbaŋŋ lɛ.—Abɛi 27:23.

Amɛtsɔɔ wɔ bɔ ni wɔɔfee wɔfee Nyɔŋmɔ suɔmɔnaa nii. Daa otsi lɛ, asafoŋ onukpai lɛ kwɛɔ asafoŋ kpeei ni wɔfeɔ lɛ anɔ ni amɛkɛwajeɔ wɔhemɔkɛyeli lɛ. (Bɔfoi lɛ Asaji 15:32) Hii ni kɛ amɛhe eha nɛɛ nyiɛɔ hiɛ hu yɛ shiɛmɔ nitsumɔ lɛ mli, amɛ kɛ wɔ yaa shiɛmɔ, ni amɛyeɔ amɛbuaa wɔ ni wɔhe asa yɛ shiɛmɔ nitsumɔ lɛ fãi srɔtoi lɛ fɛɛ amli.

Amɛwoɔ wɔteŋ mɔ fɛɛ mɔ hewalɛ. Bɔni afee ni asafoŋ onukpai lɛ aye abua wɔteŋ mɔ fɛɛ mɔ ni ewaje wekukpaa ni kã ekɛ Yehowa teŋ lɛ, amɛbaa ni amɛkɛ wɔ bawieɔ kɛjɛɔ Ŋmalɛ lɛ mli ni amɛshɛjeɔ wɔmii yɛ wɔshĩa loo yɛ Maŋtsɛyeli Asa lɛ nɔ.—Yakobo 5:14, 15.

Yɛ nii ni asafoŋ onukpai lɛ tsuɔ yɛ asafo lɛ mli lɛ fɛɛ sɛɛ lɛ, ehe miihia ni amɛteŋ mɛi babaoo kɛ amɛbe lɛ eko atsu amɛheloonaa nitsumɔ kɛ weku mli sɔ̃i ahe nii. Esa akɛ wɔjie bulɛ kpo wɔtsɔɔ nyɛmimɛi hii ni tsuɔ nii waa nɛɛ.—1 Tesalonikabii 5:12, 13.

  • Mɛni asafoŋ onukpai lɛ tsuɔ?

  • Mɛɛ gbɛi anɔ asafoŋ onukpai lɛ yeɔ amɛbuaa wɔteŋ mɔ fɛɛ mɔ?

Ekrokromɛi Hu Nɛ

Te Ato Yehowa Odasefoi Asafoi Lɛ Ahe Gbɛjianɔ Ahã Tɛŋŋ?

Kanemɔ koni ole bɔ ni astsɔɔ gbɛjianɔtoo nɛɛ akɛtsɔ gbɛtsɔɔmɔi hãa wɔ.

Baptisimɔ kɛ Wekukpãa ni Kã Okɛ Nyɔŋmɔ Teŋ

Mɛɛ nibii ehe hiaa ni Kristofonyo afee koni esa kɛhã baptisimɔ? Kanemɔ koni ole nɔ ni etsɔɔ kɛ bɔ ni esa akɛ afee lɛ ahã.