Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Mɛni Ji nɔ Titri ni kɛ Miishɛɛ Baa Weku Shihilɛ Mli?

Mɛni Ji nɔ Titri ni kɛ Miishɛɛ Baa Weku Shihilɛ Mli?

Ani osusuɔ akɛ no ji . . .

  • suɔmɔ?

  • shika?

  • nɔ kroko?

 NƆ NI BIBLIA LƐ KƐƆ

“Ajɔɔ mɛi ni nuɔ Nyɔŋmɔ wiemɔ lɛ ni amɛyeɔ nɔ lɛ!”—Luka 11:28, Ga Biblia.

NƆ NI NO BAANYƐ ATSƆƆ KƐHA BO

Bɔ ni aaafee aná suɔmɔ krɔŋŋ.—Efesobii 5:28, 29.

Bɔ ni aaafee aná bulɛ ni mli kwɔ.—Efesobii 5:33.

Bɔ ni aaafee aná shweshweeshwe shihilɛ diɛŋtsɛ.—Marko 10:6-9.

 ANI WƆBAANYƐ WƆHE NƆ NI BIBLIA LƐ KƐƆ LƐ WƆYE LƐƐLƐŊ?

Hɛɛ, kɛ́ hooo lɛ yɛ yiŋtoi enyɔ ahewɔ:

  • Nyɔŋmɔ ji Mɔ ni to weku shihilɛ shishi. Biblia lɛ kɛɔ akɛ ‘Yehowa Nyɔŋmɔ ji wekui fɛɛ atsɛ.’ (Efesobii 3:14, 15) Kɛ́ wɔɔwie he yɛ gbɛ kroko nɔ lɛ, wekui yɛ shihilɛ mli ejaakɛ Yehowa ji mɔ ni to shishi. Mɛni hewɔ enɛ he hiaa waa lɛ?

    Susumɔ he okwɛ: Kɛ́ oye niyenii ko ni eŋɔɔ onáa waa ni ootao ole nibii ni akɛhoo lɛ, namɔ obaabi? Ekã shi faŋŋ akɛ obaabi mɔ ni hoo lɛ.

    Nakai nɔŋŋ kɛ́ obaale nibii ni haa miishɛɛ baa weku shihilɛ mli lɛ, ebaahi jogbaŋŋ akɛ obaabi Yehowa ni ji Mɔ ni to weku shishi lɛ.—1 Mose 2:18-24.

  • Nyɔŋmɔ susuɔ nyɛhe. Nilee yɛ mli akɛ wekui aaatao Yehowa ŋaawoo ní etsɔɔ e-Wiemɔ lɛ nɔ ekɛhaa lɛ sɛɛ gbɛ. Mɛni hewɔ? “Ejaakɛ lɛ ejwɛŋɔ nyɛnɔ.” (1 Petro 5:6, 7) Nyɛhilɛ-kɛhamɔ kã Yehowa tsui nɔ waa—ni eŋaawoo he yɛ sɛɛnamɔ kɛha nyɛ be fɛɛ be!—Abɛi 3:5, 6; Yesaia 48:17, 18.

 SANEBIMƆ KO NI ESA AKƐ OSUSU HE

Te ooofee tɛŋŋ otsɔ wu, ŋa, loo fɔlɔ kpakpa?

Biblia lɛ haa nakai sanebimɔ lɛ hetoo yɛ EFESOBII 5:1, 2KOLOSEBII 3:18-21.

Ekrokromɛi Hu Nɛ

Oweku lɛ Baanyɛ Aná Miishɛɛ

Kɛ́ okɛ Biblia mli shishitoo mlai tsu nii lɛ, miishɛɛ baahi ogbãla lɛ mli.