Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Sanekpakpa ni Jɛ Nyɔŋmɔ Ŋɔɔ!

 NIKASEMƆ 15

Mɛni Hewɔ Esaaa akɛ Okpaa?

Mɛni Hewɔ Esaaa akɛ Okpaa?

1. Mɛɛ sɛɛ obaaná kɛ́ otee nɔ okase Biblia lɛ?

Ŋwanejee ko bɛ he akɛ, Biblia mli shishijee tsɔɔmɔi ni wɔsusu he nɛɛ eha osumɔ Yehowa waa. Esa akɛ oya nɔ ofee nibii ni baaha suɔmɔ nɛɛ mli awa. (1 Petro 2:2) Ja otee nɔ otsi obɛŋkɛ Nyɔŋmɔ kɛtsɔ e-Wiemɔ lɛ kasemɔ nɔ dani obaaná naanɔ wala.Kanemɔ Yohane 17:3; Yuda 21.

Be mli ni Nyɔŋmɔ he nilee ni oyɔɔ lɛ faa lɛ, ohemɔkɛyeli lɛ mli baawa waa. Hemɔkɛyeli baaha osa Nyɔŋmɔ hiɛ. (Hebribii 11:1, 6) Ebaatsirɛ bo ni otsake otsui ní ofee tsakemɔi ní obaaná he sɛɛ yɛ oshihilɛ mli.Kanemɔ Bɔfoi lɛ Asaji 3:19.

2. Mɛni baaha mɛi aná Nyɔŋmɔ he nilee ni oná lɛ he sɛɛ?

Obaanyɛ oná okɛ Yehowa teŋ wekukpaa krɛdɛɛ ko mli ŋɔɔmɔ

Ekã shi faŋŋ akɛ, obaasumɔ ni ogba mɛi nɔ ni okase lɛ—wɔ fɛɛ wɔsumɔɔ ni wɔkɛɛ mɛi sanekpakpa. Beni oyaa nɔ okaseɔ Biblia lɛ, obaakase bɔ ni okɛ Biblia lɛ baatsu nii kɛgbála hemɔkɛyeli ni oyɔɔ yɛ Yehowa kɛ sanekpakpa lɛ mli lɛ mli.Kanemɔ Romabii 10:13-15.

Mɛi pii gbaa amɛnanemɛi loo amɛwekumɛi sanekpakpa lɛ, ni amɛkɛ no jeɔ shishi. Okɛ hiɛshikamɔ atsu nii. Kaakɛɛ amɛ akɛ amɛjamɔ lɛ ejaaa, moŋ lɛ kɛɛmɔ amɛ nibii ni Nyɔŋmɔ ewo shi akɛ ebaafee lɛ. Kaimɔ hu akɛ bei pii lɛ mɛi náa bɔ ni ofeɔ onii yɛ mlihilɛ mli lɛ he miishɛɛ fe nɔ ni owieɔ.Kanemɔ 2 Timoteo 2:24, 25.

3. Mɛɛ wekukpaa baanyɛ akã okɛ Nyɔŋmɔ teŋ?

Nyɔŋmɔ Wiemɔ lɛ ni oookase lɛ baaha oda yɛ mumɔŋ. No sɛɛ lɛ, wekukpaa krɛdɛɛ ko baabakã okɛ Yehowa teŋ. Obaanyɛ obatsɔ enɔ̃, ni ebaabu bo eshi eweku lɛ mli bii anɔ.Kanemɔ 2 Korintobii 6:18.

 4. Te ooofee tɛŋŋ oya hiɛ?

Kɛ́ otee nɔ okase Nyɔŋmɔ Wiemɔ lɛ, no baanyɛ aha oya hiɛ yɛ mumɔŋ. (Hebribii 5:13, 14) Kɛɛmɔ Yehowa Odasefonyo ko koni ekɛ wolo ni ji Mɛni Biblia lɛ Tsɔɔ Diɛŋtsɛ? lɛ atsu nii ni ekɛ bo akase Biblia lɛ. Kɛ́ otee nɔ okase Nyɔŋmɔ Wiemɔ lɛ waa lɛ, obaaye omanye yɛ wala gbɛ ni onyiɛ nɔ lɛ mli.Kanemɔ Lala 1:1-3; 73:27, 28.

Sanekpakpa lɛ jɛ Yehowa, miishɛɛ Nyɔŋmɔ lɛ ŋɔɔ. Kɛ́ okɛ ewebii lɛ bɔ gbagbalii lɛ, no baanyɛ aha otsi obɛŋkɛ lɛ kpaakpa. (Hebribii 10:24, 25) Kɛ́ otee nɔ omia ohiɛ kɛfee nibii ni saa Yehowa hiɛ lɛ, no tsɔɔ akɛ ootao omɔ anɔkwa wala lɛ—naanɔ wala mli. Lɛɛlɛŋ, Nyɔŋmɔ ni oootsi obɛŋkɛ lɛ lɛ ji nɔ ni hi fe fɛɛ ni obaanyɛ ofee.Kanemɔ 1 Timoteo 1:11; 6:19.

 

Ekrokromɛi Hu Nɛ

Mɛni Yaa Nɔ yɛ Maŋtsɛyeli Asa lɛ Nɔ?

Bo diɛŋtsɛ kwɛmɔ Asa lɛ mli koni ona nɔ ni yaa nɔ yɛ jɛmɛ.

Mɛni Hewɔ Esa akɛ Okase Biblia Lɛ?

Biblia lɛ miiye miibua mɛi akpekpei komɛi ni yɔɔ jeŋ fɛɛ lɛ kɛmiiná shihilɛ mli sanebimɔi titrii lɛ ahetoo. Ani obaasumɔ ni ofata mɛi nɛɛ ahe?

Tsi Obɛŋkɛ Nyɔŋmɔ yɛ Sɔlemɔ Mli

Kɛ́ osɔle lɛ, ani Nyɔŋmɔ boɔ toi? Esa akɛ ole nɔ ni Biblia lɛ tsɔɔ yɛ sɔlemɔ he, koni onyɛ ohã nakai sanebimɔ lɛ hetoo.