Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Sanekpakpa ni Jɛ Nyɔŋmɔ Ŋɔɔ!

 NIKASEMƆ 10

Te Ooofee Tɛŋŋ Ona Anɔkwa Jamɔ Lɛ?

Te Ooofee Tɛŋŋ Ona Anɔkwa Jamɔ Lɛ?

1. Ani anɔkwa jamɔ kome pɛ yɔɔ?

“Nyɛhiɛ ahia nyɛhe nɔ yɛ osato gbalɔi lɛ ahe.”—MATEO 7:15.

Yesu tsɔɔ esɛɛnyiɛlɔi lɛ jamɔ kome pɛ, no ji anɔkwa jamɔ lɛ. Etamɔ gbɛ, ni ekɛ mɔ yaa naanɔ wala mli. Yesu kɛɛ akɛ: “Mɛi fioo ji mɛi ni naa” nakai gbɛ lɛ. (Mateo 7:14) Jamɔ pɛ ni Nyɔŋmɔ kpɛlɛɔ nɔ ji nɔ ni damɔ enɔkwa Wiemɔ lɛ nɔ. Anɔkwa jálɔi fɛɛ hiɛ hemɔkɛyeli kome.Kanemɔ Yohane 4:23, 24; 14:6; Efesobii 4:4, 5.

2. Mɛni Yesu wie yɛ amale Kristofoi ahe?

“Amɛkɛɛ akɛ amɛle Nyɔŋmɔ, shi amɛkɛ amɛnitsumɔi kwaa lɛ.”—TITO 1:16.

Yesu bɔ kɔkɔ akɛ amale gbalɔi baato amale Kristojamɔ shishi. Amɛfeɔ amɛnii oookɛɛ anɔkwa jálɔi. Amɛsɔlemɔŋbii lɛ tsɛɔ amɛhe Kristofoi. Shi obaanyɛ ona mɛi tuuntu ni amɛji. Yɛ mɛɛ gbɛ nɔ? Anɔkwa jamɔ pɛ mli anaa anɔkwa Kristofoi ni haa akɛ amɛsui kɛ amɛnifeemɔi yɔseɔ amɛ.Kanemɔ Mateo 7:13-23.

3. Te ooofee tɛŋŋ ona anɔkwa jálɔi lɛ?

Naa nibii enumɔ ni haa ayɔseɔ amɛ:

  • Anɔkwa jálɔi buɔ Biblia lɛ akɛ eji Nyɔŋmɔ Wiemɔ. Amɛbɔɔ mɔdɛŋ akɛ amɛhi shi yɛ emli shishitoo mlai lɛ anaa. No hewɔ lɛ, srɔtofeemɔ yɛ anɔkwa jamɔ kɛ jamɔ ni damɔ adesai asusumɔi anɔ lɛ teŋ. (Mateo 15:7-9) Anɔkwa jálɔi hiɔ shi yɛ nibii ni amɛshiɛɔ lɛ naa.Kanemɔ Yohane 17:17; 2 Timoteo 3:16, 17.

  •   Yesu sɛɛnyiɛlɔi anɔkwafoi lɛ woɔ Nyɔŋmɔ gbɛ́i ni ji Yehowa lɛ hiɛ nyam. Yesu ha mɛi le Nyɔŋmɔ gbɛ́i lɛ, ni ekɛwo gbɛ́i lɛ hiɛ nyam. Eye ebua mɛi ni amɛle Nyɔŋmɔ, ni etsɔɔ amɛ ní amɛsɔle koni atsé Nyɔŋmɔ gbɛ́i lɛ he. (Mateo 6:9) Mɛɛ jamɔ haa mɛi leɔ Nyɔŋmɔ gbɛ́i lɛ yɛ he ni oyɔɔ lɛ?Kanemɔ Yohane 17:26; Romabii 10:13, 14.

  • Anɔkwa Kristofoi shiɛɔ Nyɔŋmɔ Maŋtsɛyeli lɛ. Nyɔŋmɔ tsu Yesu koni ebashiɛ Maŋtsɛyeli lɛ he sanekpakpa lɛ. Nyɔŋmɔ Maŋtsɛyeli lɛ ji nɔ̃ pɛ ni baatsu adesai anaagbai ahe nii. Yesu tee nɔ ewie he aahu kɛyashi egbo. (Luka 4:43; 8:1; 23:42, 43) Ekɛɛ akɛ esɛɛnyiɛlɔi lɛ baashiɛ Nyɔŋmɔ Maŋtsɛyeli lɛ. Kɛ́ mɔ ko ba ni ekɛ bo bawie Nyɔŋmɔ Maŋtsɛyeli lɛ he lɛ, mɛɛ jamɔ mli ekã shi faŋŋ akɛ eyɔɔ?Kanemɔ Mateo 24:14.

  • Yesu sɛɛnyiɛlɔi lɛ jɛɛɛ jeŋ fɔŋ nɛɛ mli. Obaanyɛ oyɔse amɛ ejaakɛ amɛkɛ amɛhe wooo maŋkwramɔŋ saji loo adesai ateŋ béi amli. (Yohane 17:16; 18:36) Agbɛnɛ hu, amɛkaseee je lɛŋ nifeemɔi kɛ sui gbohii lɛ.Kanemɔ Yakobo 4:4.

  • Anɔkwa Kristofoi sumɔɔ amɛhe waa. Nyɔŋmɔ Wiemɔ lɛ tsɔɔ amɛ akɛ amɛkɛ bulɛ aha mɛi ni jɛ maji srɔtoi fɛɛ anɔ. Bei pii lɛ, apasa jamɔi fiɔ tai asɛɛ, shi anɔkwa jálɔi efeee nakai. (Mika 4:1-3) Yɛ no najiaŋ lɛ, anɔkwa Kristofoi jɛɔ amɛsuɔmɔ mli amɛkɛ amɛbe kɛ amɛnibii tsuɔ nii kɛyeɔ amɛbuaa mɛi, ni amɛshɛjeɔ amɛ mii.Kanemɔ Yohane 13:34, 35; 1 Yohane 4:20.

4. Ani obaanyɛ oyɔse anɔkwa jamɔ lɛ?

Mɛɛ jamɔ haa etsɔɔmɔi fɛɛ damɔɔ Nyɔŋmɔ Wiemɔ lɛ nɔ, ekɛ bulɛ haa Nyɔŋmɔ gbɛ́i lɛ, ni etsɔɔ akɛ Nyɔŋmɔ Maŋtsɛyeli lɛ pɛ baatsu adesai anaagbai ahe nii? Mɛɛ jamɔ kuu sumɔɔ amɛhe ni amɛwuuu ta? Te osusuɔ tɛŋŋ?Kanemɔ 1 Yohane 3:10-12.

 

Ekrokromɛi Hu Nɛ

Jamɔ ni Nyɔŋmɔ kpɛlɛɔ nɔ

Kanemɔ koni ole nibii ekpaa ni akɛkadiɔ anɔkwa jalɔi.