Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Sanekpakpa ni Jɛ Nyɔŋmɔ Ŋɔɔ!

 NIKASEMƆ 12

Te Ooofee Tɛŋŋ Otsi Obɛŋkɛ Nyɔŋmɔ?

Te Ooofee Tɛŋŋ Otsi Obɛŋkɛ Nyɔŋmɔ?

1. Ani Nyɔŋmɔ boɔ sɔlemɔi fɛɛ toi?

Nyɔŋmɔ fɔ̃ɔ maji fɛɛ amli bii nine ni amɛtsi amɛbɛŋkɛ lɛ yɛ sɔlemɔ mli. (Lala 65:3) Kɛlɛ, jeee sɔlemɔi fɛɛ toi eboɔ. Akɛ nɔkwɛmɔnɔ lɛ, abaanyɛ atsimɔ nuu ni feɔ eŋa niseniianii lɛ sɔlemɔi agbɛ. (1 Petro 3:7) Agbɛnɛ hu, beni Israelbii lɛ tee nɔ amɛfee nibii fɔji lɛ, Nyɔŋmɔ booo amɛsɔlemɔi lɛ atoi. Eyɛ faŋŋ akɛ, esaaa akɛ wɔbuɔ sɔlemɔ akɛ hegbɛ ko kɛkɛ. Ni kɛlɛ, Nyɔŋmɔ baabo mɛi ni efee esha ni yɔɔ hiɛdɔɔ lɛ po asɔlemɔi atoi kɛ́ amɛtsake amɛtsui.Kanemɔ Yesaia 1:15; 55:7.

2. Te esa akɛ wɔsɔle wɔha tɛŋŋ?

Wɔtsɔɔ sɔlemɔ nɔ wɔjáa Nyɔŋmɔ, ni no hewɔ lɛ esa akɛ wɔsɔle wɔha wɔ-Bɔlɔ ni ji Yehowa lɛ pɛ. (Mateo 4:10; 6:9) Kɛfata he lɛ, akɛni wɔyeee emuu hewɔ lɛ, esa akɛ wɔsɔle kɛtsɔ Yesu gbɛ́i lɛ nɔ ejaakɛ egbo yɛ wɔhe eshai lɛ ahewɔ. (Yohane 14:6) Yehowa sumɔɔɔ ni wɔkase sɔlemɔi wɔwo wɔyitsoŋ ni wɔti mli loo wɔkane kɛjɛ woji amli kɛ́ wɔmiisɔle. Eesumɔ ni wɔsɔle kɛjɛ wɔtsuiŋ.Kanemɔ Mateo 6:7; Filipibii 4:6, 7.

Wɔ-Bɔlɔ lɛ baanyɛ anu sɔlemɔ ni wɔsɔleɔ yɛ wɔtsuiŋ lɛ po. (1 Samuel 1:12, 13) Ekɛɔ wɔ akɛ be fɛɛ be lɛ wɔsɔle—tamɔ beni wɔte shi kɛ beni wɔyaawɔ, beni wɔyaaye nii, kɛ beni wɔkɛ naagbai miikpe.Kanemɔ Lala 55:23; Mateo 15:36.

3. Mɛni hewɔ Kristofoi kpeɔ kutuu?

Ebɛ mlɛo akɛ wɔɔtsi wɔbɛŋkɛ Nyɔŋmɔ, ejaakɛ wɔyɛ mɛi ni bɛ Nyɔŋmɔ mli hemɔkɛyeli ateŋ, ni amɛyeɔ shi ni ewo akɛ  ebaaha toiŋjɔlɛ aba shikpɔŋ lɛ nɔ lɛ he fɛo. (2 Timoteo 3:1, 4; 2 Petro 3:3, 13) No hewɔ lɛ, ehe miihia ni wɔkɛ wɔnanemɛi Kristofoi lɛ akpe ni wɔwowoo wɔhe hewalɛ.Kanemɔ Hebribii 10:24, 25.

Mɛi ni sumɔɔ Nyɔŋmɔ ni wɔkɛaabɔ lɛ baaye abua wɔ ni wɔtsi wɔbɛŋkɛ Nyɔŋmɔ. Yehowa Odasefoi asafoŋ kpeei ni oooya lɛ baaha mɛi krokomɛi awo bo hewalɛ koni ohemɔkɛyeli lɛ mli awa.Kanemɔ Romabii 1:11, 12.

4. Te ooofee tɛŋŋ otsi obɛŋkɛ Nyɔŋmɔ?

Obaanyɛ otsi obɛŋkɛ Yehowa kɛtsɔ nibii ni okase yɛ e-Wiemɔ lɛ mli lɛ anɔ ni ooojwɛŋ lɛ nɔ. Jwɛŋmɔ enitsumɔi, eŋaawoi, kɛ eshiwoi lɛ anɔ. Sɔlemɔ kɛ niianɔjwɛŋmɔ haa wɔnáa tsuiŋ hiɛsɔɔ wɔhaa Nyɔŋmɔ suɔmɔ kɛ enilee lɛ.Kanemɔ Yoshua 1:8; Lala 1:1-3.

Ja okɛ ohiɛ fɔ̃ɔ Nyɔŋmɔ nɔ, ni tsɔɔ akɛ oyɛ emli hemɔkɛyeli dani obaanyɛ obɛŋkɛ lɛ. Shi hemɔkɛyeli tamɔ nɔ ko ni wala yɔɔ mli ni esa akɛ alɛ lɛ. Esa akɛ ojwɛŋ yiŋtoi ahewɔ ni oheɔ nibii komɛi oyeɔ lɛ nɔ daa koni okɛlɛ ohemɔkɛyeli lɛ.Kanemɔ Mateo 4:4; Hebribii 11:1, 6.

5. Kɛ́ otsi obɛŋkɛ Nyɔŋmɔ lɛ, mɛɛ sɛɛ obaaná?

Yehowa kwɛɔ mɛi ni sumɔɔ lɛ lɛ. Ebaanyɛ ebu amɛhe kɛjɛ nɔ fɛɛ nɔ ni baanyɛ afite amɛhemɔkɛyeli, ni baaha amɛnaanɔ wala he hiɛnɔkamɔ lɛ aŋmɛɛ amɛ lɛ he. (Lala 91:1, 2, 7-10) Ebɔɔ wɔ kɔkɔ ni wɔtsi wɔhe kɛjɛ shihilɛ gbɛi ni haŋ wɔná miishɛɛ kɛ gbɔmɔtsoŋ hewalɛ kpakpa lɛ ahe. Yehowa tsɔɔ wɔ shihilɛ gbɛ ni hi fe fɛɛ.Kanemɔ Lala 73:27, 28; Yakobo 4:4, 8.

 

Ekrokromɛi Hu Nɛ

Mɛni Hewɔ Esa akɛ Okase Biblia Lɛ?

Biblia lɛ miiye miibua mɛi akpekpei komɛi ni yɔɔ jeŋ fɛɛ lɛ kɛmiiná shihilɛ mli sanebimɔi titrii lɛ ahetoo. Ani obaasumɔ ni ofata mɛi nɛɛ ahe?

Tsi Obɛŋkɛ Nyɔŋmɔ yɛ Sɔlemɔ Mli

Kɛ́ osɔle lɛ, ani Nyɔŋmɔ boɔ toi? Esa akɛ ole nɔ ni Biblia lɛ tsɔɔ yɛ sɔlemɔ he, koni onyɛ ohã nakai sanebimɔ lɛ hetoo.