Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Sanekpakpa ni Jɛ Nyɔŋmɔ Ŋɔɔ!

 NIKASEMƆ 13

Mɛni Ji Sanekpakpa ni Kɔɔ Jamɔ He?

Mɛni Ji Sanekpakpa ni Kɔɔ Jamɔ He?

1. Ani jamɔi fɛɛ hi?

Mɛi ni hiɛ tsui kpakpa yɛ jamɔi fɛɛ amli. Eji sanekpakpa akɛ Nyɔŋmɔ naa mɛi nɛɛ, ni esusuɔ amɛhe. Shi dɔlɛ sane ji akɛ, jamɔ mli bii feɔ nibii fɔji. (2 Korintobii 4:3, 4; 11:13-15) Atswaa adafi akɛ jamɔi komɛi po kɛ amɛhe woɔ awuiyeli kɛ weku shishibulemɔ mli, amɛwuɔ ta, ni amɛfeɔ gbekɛbii niseniianii. Kwɛ bɔ ni enɛ haoɔ mɛi ni heɔ Nyɔŋmɔ nɔ amɛyeɔ diɛŋtsɛ lɛ!Kanemɔ Mateo 24:3-5, 11, 12.

Anɔkwa jamɔ woɔ Nyɔŋmɔ hiɛ nyam, shi apasa jamɔ feɔ nibii ni esaaa ehiɛ. Amɛtsɔɔ tsɔɔmɔi ni bɛ Biblia lɛ mli, ni ekomɛi ji apasa tsɔɔmɔi ni kɔɔ Nyɔŋmɔ kɛ gbohii lɛ ahe. Shi Yehowa miisumɔ ni mɛi ale anɔkwale ni kɔɔ ehe lɛ.Kanemɔ Ezekiel 18:4; 1 Timoteo 2:3-5.

2. Mɛni ji sanekpakpa ni kɔɔ jamɔ he lɛ?

Miishɛɛ sane ji akɛ, Nyɔŋmɔ naa jamɔi ni kɛɔ akɛ amɛsumɔɔ lɛ shi yɛ anɔkwale mli lɛ amɛsumɔɔ Satan je lɛ moŋ lɛ. (Yakobo 4:4) Nyɔŋmɔ Wiemɔ lɛ tsɛɔ apasa jamɔi fɛɛ akɛ “Babilon Kpeteŋkpele.” Babilon ji blema maŋ ni apasa jamɔ je shishi yɛ mli, yɛ Noa Nu Afua lɛ sɛɛ. Etsɛŋ, Nyɔŋmɔ baakpata jamɔi ni lakaa mɛi, ní amɛwaa mɛi ayi lɛ ahiɛ trukaa.Kanemɔ Kpojiemɔ 17:1, 2, 5, 16, 17; 18:8.

Sanekpakpa babaoo yɛ lolo. Yehowa hiɛ kpako mɛi ni hiɛ tsui kpakpa ni yɔɔ apasa jamɔi srɔtoi fɛɛ amli yɛ jeŋ fɛɛ lɛ anɔ. Eetsɔɔ mɛi nɛɛ anɔkwale lɛ, ni ekɛmiifee amɛ ekome.Kanemɔ Mika 4:2, 5.

 3. Mɛni esa akɛ mɛi ni hiɛ tsui kpakpa lɛ afee?

Anɔkwa jamɔ miifee mɛi ekome

Yehowa susuɔ mɛi ni sumɔɔ anɔkwale kɛ ekpakpa lɛ ahe. Ekɛɔ amɛ akɛ amɛshi apasa jamɔ mli. Mɛi ni sumɔɔ Nyɔŋmɔ lɛ miisumɔ ni amɛfee tsakemɔi koni amɛsa ehiɛ.Kanemɔ Kpojiemɔ 18:4.

Beni mɛi ni hiɛ tsui kpakpa lɛ nu sanekpakpa lɛ yɛ bɔfoi lɛ anaa yɛ klɛŋklɛŋ afii 100 lɛ mli lɛ, amɛkpɛlɛ nɔ kɛ miishɛɛ. Amɛha Yehowa tsɔɔ amɛ shihilɛ gbɛ hee, ni ji shihilɛ gbɛ ni haa mɔ náa miishɛɛ kɛ hiɛnɔkamɔ. Amɛkpɛlɛ sanekpakpa lɛ nɔ kɛtsɔ Yehowa ni amɛkɛye klɛŋklɛŋ gbɛhe yɛ amɛshihilɛ mli lɛ nɔ, ni amɛkɛfee nɔkwɛmɔnɔ kpakpa amɛha wɔ ŋmɛnɛ.Kanemɔ 1 Tesalonikabii 1:8, 9; 2:13.

Yehowa hereɔ mɛi ni shiɔ apasa jamɔ mli lɛ kɛbaa ejálɔi lɛ ateŋ. Kɛ́ ohere mlihilɛ mli ni Yehowa jɛɔ efɔ̃ɔ bo nine lɛ nɔ lɛ, obaatsɔ enaanyo, obaafata Yehowa jálɔi krokomɛi ni sumɔɔ amɛhe lɛ ahe, ni obaaná naanɔ wala.Kanemɔ Marko 10:29, 30; 2 Korintobii 6:17, 18.

4. Mɛɛ gbɛ nɔ Nyɔŋmɔ baatsɔ eha miishɛɛ akpele jeŋ fɛɛ?

Apasa jamɔ hiɛ ni abaakpata lɛ ji sanekpakpa. Ebaaha yiwalɛ sɛɛ afo yɛ jeŋ fɛɛ. Apasa jamɔ ko ehiŋ shi dɔŋŋ ni baalaka mɛi, ní ekɛ mligbalamɔ aba adesai ateŋ. Mɛi fɛɛ ni baahi wala mli lɛ baafee ekome kɛjá anɔkwa Nyɔŋmɔ kome pɛ lɛ.Kanemɔ Kpojiemɔ 18:20, 21; 21:3, 4.

 

Ekrokromɛi Hu Nɛ

Mɛni Biblia lɛ Tsɔɔ Diɛŋtsɛ?

Jamɔ ni Nyɔŋmɔ kpɛlɛɔ nɔ

Kanemɔ koni ole nibii ekpaa ni akɛkadiɔ anɔkwa jalɔi.

Mɛni Biblia lɛ Tsɔɔ Diɛŋtsɛ?

Fĩ Anɔkwa Jamɔ Sɛɛ

Mɛɛ naagbai obaanyɛ okɛkpe be ni ogbaa mɛi krokomɛi ohemɔkɛyeli lɛ he sane? Mɛɛ gbɛ nɔ obaatsɔ ofee nakai ní owoŋ amɛmli la?