Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Sanekpakpa ni Jɛ Nyɔŋmɔ Ŋɔɔ!

 NIKASEMƆ 7

Mɛni Ji Nyɔŋmɔ Maŋtsɛyeli Lɛ?

Mɛni Ji Nyɔŋmɔ Maŋtsɛyeli Lɛ?

1. Mɛni ji Nyɔŋmɔ Maŋtsɛyeli lɛ?

Mɛni haa Yesu feɔ Maŋtsɛ ni sa jogbaŋŋ?—MARKO 1:40-42.

Nyɔŋmɔ Maŋtsɛyeli lɛ ji nɔyeli ko ni baaye nɔ kɛjɛ ŋwɛi. Ebaaye nɔyelii krokomɛi fɛɛ najiaŋ ni ebaaha afee Nyɔŋmɔ suɔmɔnaa nii yɛ ŋwɛi kɛ shikpɔŋ lɛ nɔ. Sane ni kɔɔ Nyɔŋmɔ Maŋtsɛyeli lɛ he lɛ ji sanekpakpa. Etsɛŋ, Nyɔŋmɔ Maŋtsɛyeli lɛ baaha adesai aná nɔyeli kpakpa ní amɛtaoɔ lɛ. Ebaafee mɛi fɛɛ ni yɔɔ shikpɔŋ lɛ nɔ lɛ ekome.Kanemɔ Daniel 2:44; Mateo 6:9, 10; 24:14.

Maŋtsɛyeli fɛɛ maŋtsɛyeli kɛ enɔ maŋtsɛ. Yehowa hala e-Bi, Yesu Kristo akɛ E-Maŋtsɛyeli lɛ nɔ Maŋtsɛ.Kanemɔ Kpojiemɔ 11:15.

2. Mɛni hewɔ Yesu ji Maŋtsɛ ni sa jogbaŋŋ lɛ?

Nyɔŋmɔ Bi lɛ ji Maŋtsɛ ni sa jogbaŋŋ ejaakɛ emli hi, ni efeɔ shiŋŋ yɛ nɔ ni ja he. (Yohane 1:14) Agbɛnɛ hu, eyɛ hewalɛ bɔ ni ekɛaaye ebua mɛi, ejaakɛ ebaajɛ ŋwɛi eye shikpɔŋ lɛ nɔ. Beni atee lɛ shi lɛ, ekwɔ kɛtee ŋwɛi ni eyata Yehowa ninejurɔ nɔ emɛ. (Hebribii 10:12, 13) Sɛɛ mli lɛ, Nyɔŋmɔ ha lɛ hegbɛ ni ebɔi nɔyeli.Kanemɔ Daniel 7:13, 14.

3. Namɛi baafata Yesu he kɛye nɔ?

Kuu ko ni atsɛɔ amɛ “mɛi krɔŋkrɔŋi lɛ” baafata Yesu he kɛye nɔ yɛ ŋwɛi. (Daniel 7:27) Yesu bɔfoi anɔkwafoi lɛ ji nakai mɛi krɔŋkrɔŋi lɛ ateŋ klɛŋklɛŋbii ni ahala. Yehowa etee nɔ ehala hii kɛ yei anɔkwafoi akɛ krɔŋkrɔŋbii kɛbashi bianɛ. Atéɔ amɛ shi kɛ mumɔ gbɔmɔtso taakɛ atee Yesu shi lɛ.Kanemɔ Yohane 14:1-3; 1 Korintobii 15:42-44.

 Mɛi enyiɛ yaa ŋwɛi? Yesu tsɛ amɛ “asafoku bibioo.” (Luka 12:32) Beni yi aaawula shi lɛ, amɛyibɔ baafee 144,000. Amɛbaafata Yesu he kɛye shikpɔŋ lɛ nɔ.Kanemɔ Kpojiemɔ 14:1.

4. Mɛni ba beni Yesu bɔi nɔyeli lɛ?

Nyɔŋmɔ Maŋtsɛyeli lɛ bɔi nɔyeli yɛ afi 1914. * Nɔ̃ klɛŋklɛŋ ni Yesu fee akɛ Maŋtsɛ ji, eshwie Satan kɛ edaimonioi lɛ kɛjɛ ŋwɛi. Satan mli wo la waa, ni ebɔi nibii gbohii feemɔ yɛ shikpɔŋ lɛ nɔ fɛɛ. (Kpojiemɔ 12:7-10, 12) Kɛjɛ nakai beaŋ kɛbaa nɛɛ, adesai anaagbai amli ewo wu naakpa. Tai, hɔji, tsɛŋemɔ helai, kɛ shikpɔŋhosomɔi fata “okadi” ni tsɔɔ akɛ etsɛŋ ni Maŋtsɛyeli lɛ baaye shikpɔŋ muu lɛ fɛɛ nɔ lɛ he.Kanemɔ Luka 21:7, 10, 11, 31.

5. Mɛni Nyɔŋmɔ Maŋtsɛyeli lɛ tsuɔ?

Amrɔ nɛɛ po lɛ, Nyɔŋmɔ Maŋtsɛyeli lɛ miiha aashiɛ yɛ jeŋ fɛɛ, ni no miiha aafee gbɔmɛi asafo babaoo ko ni jɛ jeŋmaji fɛɛ amli lɛ ekome. Heshibalɔi akpekpei abɔ miitsɔmɔ Yesu nɔyeli lɛ shishibii. Nyɔŋmɔ Maŋtsɛyeli lɛ baabu amɛhe beni ekpataa nibii agbɛjianɔtoo fɔŋ nɛɛ hiɛ yɛ shikpɔŋ lɛ nɔ lɛ. No hewɔ lɛ, esa akɛ mɛi fɛɛ ni miitao aná Nyɔŋmɔ Maŋtsɛyeli lɛ he sɛɛ lɛ atsɔmɔ Yesu nɔyeli lɛ shishibii ni amɛbo lɛ toi.Kanemɔ Kpojiemɔ 7:9, 14, 16, 17.

Maŋtsɛyeli lɛ baatsu Nyɔŋmɔ yiŋ ni eto kɛha adesai lɛ he nii yɛ afii 1,000 ko mli. Shikpɔŋ lɛ fɛɛ baatsɔ paradeiso. Yɛ naagbee lɛ, Yesu baaŋɔ Maŋtsɛyeli lɛ eha e-Tsɛ lɛ. (1 Korintobii 15:24-26) Ani ole mɔ ko ni obaasumɔ ni ogba lɛ Nyɔŋmɔ Maŋtsɛyeli lɛ he sane?Kanemɔ Lala 37:10, 11, 29.

 

^ kk. 6 Kɛ́ ootao ole bɔ ni Biblia lɛ gba afi 1914 lɛ efɔ̃ shi lɛ he sane babaoo lɛ, kwɛmɔ Mɛni Biblia lɛ Tsɔɔ Diɛŋtsɛ? wolo lɛ baafa 215-218 lɛ.

Ekrokromɛi Hu Nɛ

Ani “Naagbee Gbii lɛ” Amli Wɔyɔɔ Lɛ?

Kanemɔ koni ona bɔ ni mɛi anifeemɔi kɛ amɛjeŋba maa nɔ mi akɛ wɔyɛ “naagbee gbii lɛ” ni Biblia lɛ gba fɔ̃ shi lɛ mli.

Te Yehowa Odasefoi Eto Amɛshiɛmɔ Nitsumɔ lɛ He Gbɛjianɔ Amɛha Tɛŋŋ?

Wɔnyiɛɔ okadi ni Yesu to efɔ̃ shi be ni eyɔɔ shikpɔŋ lɛ nɔ lɛ sɛɛ. Mɛni ji gbɛi ni wɔtsɔɔ nɔ wɔshiɛɔ lɛ ekomɛi?