Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Sanekpakpa ni Jɛ Nyɔŋmɔ Ŋɔɔ!

 NIKASEMƆ 5

Mɛni Ji Nyɔŋmɔ Yiŋtoo Kɛha Shikpɔŋ Lɛ?

Mɛni Ji Nyɔŋmɔ Yiŋtoo Kɛha Shikpɔŋ Lɛ?

1. Mɛni hewɔ Nyɔŋmɔ bɔ shikpɔŋ lɛ?

Yehowa bɔ shikpɔŋ lɛ eha adesai. Eji wɔshĩa. No hewɔ lɛ, abɔɔɔ Adam kɛ Hawa ni ji klɛŋklɛŋ nuu kɛ yoo lɛ koni amɛwo shwiei yɛ ŋwɛi—no mli lɛ Nyɔŋmɔ ebɔ bɔfoi yɛ ŋwɛi momo. (Hiob 38:4, 7) Yɛ no najiaŋ lɛ, Nyɔŋmɔ kɛ klɛŋklɛŋ nuu lɛ wo paradeiso fɛfɛo ko ni atsɛɔ lɛ Eden trom lɛ mli. (1 Mose 2:15-17) Yehowa kɛɛ lɛ akɛ ekɛ eshwiei ni ebaawo wɔsɛɛ lɛ baahi shikpɔŋ lɛ nɔ kɛya naanɔ.Kanemɔ Lala 37:29; 115:16.

Shishijee lɛ, Eden trom lɛ pɛ ji paradeiso. Akɛɛ klɛŋklɛŋ nuu kɛ yoo lɛ akɛ amɛfɔ ni amɛyi shikpɔŋ lɛ nɔ obɔ. Beni yi aaawula shi lɛ, amɛbaalɛɛ paradeiso lɛ mli kɛkpele shikpɔŋ muu lɛ fɛɛ nɔ. (1 Mose 1:28) Afiteŋ shikpɔŋ lɛ kɔkɔɔkɔ. Ebaakã he efee adesai ashĩa kɛya naanɔ.Kanemɔ Lala 104:5.

2. Mɛni hewɔ shikpɔŋ lɛ jeee paradeiso bianɛ?

Adam kɛ Hawa gbo Nyɔŋmɔ nɔ toi, no hewɔ lɛ Yehowa jie amɛ yɛ trom lɛ mli. Paradeiso lɛ fite, ni adesa ko nyɛko aha shikpɔŋ lɛ atsɔ paradeiso ekoŋŋ. Biblia lɛ kɛɛ akɛ: ‘Aŋɔ shikpɔŋ lɛ awo mɔ fɔŋ lɛ dɛŋ.’—Hiob 9:24.Kanemɔ 1 Mose 3:23, 24.

Ani Yehowa baatsu eyiŋ ni eto kɛha adesai lɛ he nii? Hɛɛ! Lɛ ji ofe. Enine nyɛŋ anyɛ shi kɔkɔɔkɔ. (Yesaia 45:18) Ebaaku sɛɛ eha adesai ahi shi yɛ bɔ ni eto eyiŋ lɛ naa.Kanemɔ Lala 37:11, 34.

3. Mɛɛ gbɛ nɔ Paradeiso baatsɔ aba ekoŋŋ?

Shikpɔŋ lɛ baatsɔ Paradeiso ekoŋŋ beni Yesu yeɔ nɔ akɛ Maŋtsɛ ní Nyɔŋmɔ ehala lɛ lɛ. Yesu baanyiɛ Nyɔŋmɔ bɔfoi lɛ ahiɛ ni amɛbaakpata mɛi fɛɛ ni teɔ shi amɛwoɔ Nyɔŋmɔ  lɛ ahiɛ yɛ ta ko ni atsɛɔ lɛ Harmagedon lɛ mli. Kɛkɛ lɛ, Yesu baawo Satan tsuŋ afii 1,000. Nyɔŋmɔ webii lɛ baaje hiɛkpatamɔ lɛ mli, ejaakɛ Yesu baatsɔɔ amɛ gbɛ ni ebaabu amɛhe. Amɛbaaná naanɔ wala yɛ Paradeiso mli yɛ shikpɔŋ lɛ nɔ.Kanemɔ Kpojiemɔ 20:1-3; 21:3, 4.

4. Mɛɛ be piŋmɔ sɛɛ baafo?

Mɛɛ be Nyɔŋmɔ baafo efɔŋfeemɔ sɛɛ yɛ shikpɔŋ lɛ nɔ? Yesu kɛ “okadi” ko ni baatsɔɔ akɛ naagbee lɛ ebɛŋkɛ lɛ ha. Nibii ni yaa nɔ yɛ je lɛŋ amrɔ nɛɛ kɛ adesa shihilɛ miiwo oshara mli, ni etsɔɔ akɛ wɔyɛ “je nɛŋ naagbee” be lɛ mli.Kanemɔ Mateo 24:3, 7-14, 21, 22.

Yesu baajɛ ŋwɛi eye shikpɔŋ lɛ nɔ afii 1,000, ni yɛ nakai be lɛ mli lɛ ebaaha piŋmɔi fɛɛ asɛɛ afo. (Yesaia 9:5, 6; 11:9) Kɛfata nii ni Yesu baatsu akɛ Maŋtsɛ lɛ he lɛ, ebaasɔmɔ akɛ Osɔfonukpa, ni ebaatsumɔ mɛi ni sumɔɔ Nyɔŋmɔ lɛ ahe eshai lɛ. No hewɔ lɛ, Nyɔŋmɔ baatsɔ Yesu nɔ ejie hela, gbɔlɛ, kɛ gbele.Kanemɔ Yesaia 25:8; 33:24.

5. Namɛi baahi Paradeiso ni baaba wɔsɛɛ lɛ mli?

Kɛ́ otee Maŋtsɛyeli Asa lɛ nɔ lɛ, obaana mɛi ni sumɔɔ Nyɔŋmɔ ni miisumɔ ni amɛkase bɔ ni amɛbaafee amɛsa ehiɛ

Mɛi ni boɔ Nyɔŋmɔ toi lɛ baahi Paradeiso. (1 Yohane 2:17) Yesu tsu esɛɛnyiɛlɔi lɛ koni amɛyatao heshibalɔi ní amɛtsɔɔ amɛ bɔ ni amɛaafee amɛsa Nyɔŋmɔ hiɛ. Ŋmɛnɛ lɛ, Yehowa miisaa mɛi akpekpei abɔ koni amɛhi Paradeiso mli yɛ shikpɔŋ lɛ nɔ wɔsɛɛ. (Zefania 2:3) Mɛi kaseɔ bɔ ni amɛaafee amɛtsɔmɔ wumɛi kpakpai, tsɛmɛi kpakpai, ŋamɛi kpakpai, kɛ nyɛmɛi kpakpai, yɛ Yehowa Odasefoi a-Maŋtsɛyeli Asai lɛ anɔ. Gbekɛbii kɛ amɛfɔlɔi fɛɛ feɔ ekome kɛjáa Nyɔŋmɔ ni amɛkaseɔ bɔ ni amɛaafee amɛná sanekpakpa lɛ he sɛɛ.Kanemɔ Mika 4:1-4.

 

Ekrokromɛi Hu Nɛ

Mɛni Ji Nyɔŋmɔ Yiŋtoo Kɛhã Shikpɔŋ Lɛ?

Ani Nyɔŋmɔ yiŋtoo akɛ ebaahã shikpɔŋ lɛ atsɔ paradeiso lɛ baaba mli lɛɛlɛŋ? Kɛ́ nakai lɛ, mɛɛ be?