Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Sanekpakpa ni Jɛ Nyɔŋmɔ Ŋɔɔ!

 NIKASEMƆ 6

Mɛɛ Hiɛnɔkamɔ Yɔɔ Kɛha Gbohii Lɛ?

Mɛɛ Hiɛnɔkamɔ Yɔɔ Kɛha Gbohii Lɛ?

1. Mɛni ji sanekpakpa ni kɔɔ gbohii lɛ ahe?

Beni Yesu yashɛ Betania ni bɛŋkɛ Yerusalem lɛ, no mli lɛ enaanyo Lazaro egbo gbii ejwɛ. Yesu kɛ Marta kɛ Maria, ni ji Lazaro nyɛmimɛi yei lɛ tee gbonyobu lɛ he. Etsɛɛɛ ni mɛi babaoo babua shi. Feemɔ miishɛɛ ni Marta kɛ Maria ná beni Yesu tée Lazaro shi kɛba wala mli lɛ he mfoniri okwɛ.Kanemɔ Yohane 11:21-24, 38-44.

No mli lɛ, Marta le sanekpakpa ni kɔɔ gbohii lɛ ahe lɛ momo. Ele akɛ Yehowa baatee gbohii lɛ ashi kɛba wala mli koni amɛbahi shikpɔŋ lɛ nɔ ekoŋŋ.Kanemɔ Hiob 14:14, 15.

2. Mɛɛ shihilɛ mli gbohii lɛ yɔɔ?

Nyɔŋmɔ kɛɛ Adam akɛ: “Sũ jio, ni sũ mli oooku osɛɛ kɛaatee!”—1 MOSE 3:19.

Akɛ shikpɔŋ sũ bɔ adesai. (1 Mose 2:7; 3:19) Wɔjeee mumɔi ni hiɛ heloo gbɔmɔtsei. Heloo kɛ lá ji wɔ, ni no hewɔ lɛ kɛ́ wɔgboi lɛ nɔ ko bɛ wɔmli ni yaa nɔ ehiɔ shi. Kɛ́ wɔgboi lɛ, wɔjwɛŋmɔ lɛ hu gboɔ, ni wɔyiŋtoi fɛɛ laajeɔ. Enɛ hewɔ lɛ, Lazaro ewieee gbo ni egbo lɛ he nɔ ko, ejaakɛ gbohii lɛ leee nɔ ko nɔ ko.Kanemɔ Lala 146:4; Jajelɔ 9:5, 6, 10.

Ani Nyɔŋmɔ piŋɔ mɛi yɛ la mli yɛ amɛgbele sɛɛ? Akɛni Biblia lɛ tsɔɔ akɛ gbohii lɛ leee nɔ ko nɔ ko hewɔ lɛ, eyɛ faŋŋ akɛ hɛl la lɛ ji amale tsɔɔmɔ ni gbeɔ Nyɔŋmɔ he guɔ. Akɛ aaapiŋ mɛi yɛ la mli lɛ ji nihiinii kɛha lɛ.Kanemɔ Yeremia 7:31.

 3. Ani gbohii lɛ baanyɛ amɛkɛ wɔ awie?

Gbohii lɛ nyɛɛɛ awie ni asaŋ amɛnuuu nii hu. (Lala 115:17) Shi bɔfoi lɛ ekomɛi ehiii, ni ekolɛ amɛkɛ mɛi baawie oookɛɛ amɛji mɛi ni egboi lɛ. (2 Petro 2:4) Yehowa guɔ mɔdɛŋ ni abɔɔ ákɛ akɛ gbohii lɛ aaawie lɛ.Kanemɔ 5 Mose 18:10, 11.

4. Namɛi ashi abaatee?

Mɛi akpekpei abɔ ni yɔɔ gbohiiabui lɛ amli lɛ baaba wala mli ekoŋŋ yɛ shikpɔŋ lɛ nɔ. Abaatee mɛi komɛi ni leee Nyɔŋmɔ ni amɛfee nibii fɔji lɛ po ashi.Kanemɔ Luka 23:43; Bɔfoi lɛ Asaji 24:15.

Mɛi ni abaatee amɛ shi lɛ baaná hegbɛ kɛkase Nyɔŋmɔ he anɔkwale lɛ ní amɛbo Yesu toi kɛtsɔɔ akɛ amɛheɔ enɔ amɛyeɔ. (Kpojiemɔ 20:11-13) Mɛi ni baaba wala mli ekoŋŋ ní baafee nibii kpakpai lɛ baahi shi kɛya naanɔ yɛ shikpɔŋ lɛ nɔ.Kanemɔ Yohane 5:28, 29.

5. Mɛni gbohiiashitee lɛ tsɔɔ wɔ yɛ Yehowa he?

Nyɔŋmɔ ha e-Bi lɛ bagbo eha wɔ, ni no baaha atee gbohii lɛ ashi. No hewɔ lɛ, gbohiiashitee lɛ tsɔɔ wɔ akɛ Yehowa yɛ suɔmɔ ni eji durolɔ. Kɛ́ atee gbohii lɛ ashi lɛ, namɔ obaasumɔ waa akɛ ona lɛ?Kanemɔ Yohane 3:16; Romabii 6:23.

 

Ekrokromɛi Hu Nɛ

Nɛgbɛ Gbohii lɛ Yɔɔ?

Kanemɔ koni ole nɔ ni Biblia lɛ kɛɔ yɛ he ni gbohii lɛ yɔɔ lɛ he, kɛ nɔ hewɔ ni adesai gboiɔ lɛ.

Hiɛnɔkamɔ Diɛŋtsɛ ni Yɔɔ Kɛhã Osuɔlɔi ni Egboi Lɛ

Ani osuɔlɔ ko egbo? Ani obaanyɛ ona amɛ ekoŋŋ? Kanemɔ koni ole nɔ ni Biblia lɛ tsɔɔ yɛ gbohiiashitee he.

Bɔ ni Mumɔŋ Bɔɔ Nii Náa Wɔnɔ Hewalɛ Amɛhãa

Biblia lɛ wieɔ ŋwɛibɔfoi kɛ daimonioi ahe. Ani mumɔŋ bɔɔ nii nɛɛ yɛ lɛɛlɛŋ? Ani amɛbaanyɛ amɛná onɔ hewalɛ?