Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Te Onaa Wɔsɛɛ Ohaa Tɛŋŋ?

Te Onaa Wɔsɛɛ Ohaa Tɛŋŋ?

Ani wɔjeŋ nɛɛ shihilɛ lɛ . . .

  • baahi shi nɛkɛ nɔŋŋ?

  • mli baawo wu?

  • baahi?

 NƆ NI BIBLIA LƐ KƐƆ

“Nyɔŋmɔ aaatsumɔ amɛhiɛaŋ yaafonui fɛɛ, ni gbele bɛ dɔŋŋ, ni ŋkɔmɔyeli ko kɛ bolɔmɔ ko kɛ nɔnaa ko hu bɛ dɔŋŋ; ejaakɛ tsutsu nii lɛ eho etee.”Kpojiemɔ 21:4, Ga Biblia.

NƆ NI NO BAANYƐ ATSƆƆ KƐHA BO

Nitsumɔ kpakpa ni haa mɔ tsui nyɔɔ emli.—Yesaia 65:21-23.

Hela loo amanehulu ko kwraa ehiŋ shi dɔŋŋ.—Yesaia 25:8; 33:24.

Akɛ wekumɛi kɛ nanemɛi baahi shi yɛ miishɛɛ mli daa.—Lala 37:11, 29.

 ANI WƆBAANYƐ WƆHE NƆ NI BIBLIA LƐ KƐƆ LƐ WƆYE LƐƐLƐŊ?

Hɛɛ, kɛ́ hooo lɛ yɛ yiŋtoi enyɔ ahewɔ:

  • Nyɔŋmɔ yɛ nyɛmɔ ni ekɛaaha eshiwoo lɛ aba mli. Yehowa Nyɔŋmɔ pɛ atsɛɔ lɛ “Ofe” yɛ Biblia lɛ mli, ejaakɛ husu bɛ ehewalɛ lɛ he. (Kpojiemɔ 15:3) No hewɔ lɛ, eyɛ nyɛmɔ ni ekɛaaha eshiwoo aba mli ni etsake wɔje lɛ ni eha ehi. Taakɛ Biblia lɛ kɛɔ lɛ, “Nyɔŋmɔ gbɛfaŋ lɛ aaanyɛ nii fɛɛ afee.”—Mateo 19:26.

  • Nyɔŋmɔ yɛ shwelɛ akɛ eha eshiwoo lɛ aba mli. Akɛ nɔkwɛmɔnɔ lɛ, Yehowa ‘miishwe’ ni ekɛ mɛi ni egboi lɛ aku sɛɛ aba wala mli ekoŋŋ.—Hiob 14:14, 15.

    Biblia lɛ hu tsɔɔ akɛ Yesu ni ji Nyɔŋmɔ Bi lɛ, tsa helatsɛmɛi. Mɛni hewɔ efee nakai? Ejaakɛ eesumɔ. (Marko 1:40, 41) Yesu jie bɔ ni e-Tsɛ lɛ yɔɔ lɛ kpo kɛmɔ shi kɛtsɔ shwelɛ ni eyɔɔ akɛ ebaaye ebua mɛi ni ehia amɛ lɛ nɔ.Yohane 5:19.

    No hewɔ lɛ, wɔbaanyɛ wɔná nɔmimaa akɛ Yehowa kɛ Yesu fɛɛ miisumɔ ni amɛye amɛbua wɔ ni wɔná wɔsɛɛ shihilɛ ni yɔɔ miishɛɛ!—Lala 72:12-14; 145:16; 2 Petro 3:9.

 SANEBIMƆ KO NI ESA AKƐ OSUSU HE

Mɛɛ gbɛ nɔ Nyɔŋmɔ baatsɔ eha wɔjeŋ nɛɛ shihilɛ ahi?

Biblia lɛ haa nakai sanebimɔ lɛ hetoo yɛ MATEO 6:9, 10DANIEL 2:44.

Ekrokromɛi Hu Nɛ

Mɛni Ji Nyɔŋmɔ Yiŋtoo Kɛha Shikpɔŋ Lɛ?

Biblia lɛ tsɔɔ nɔ hewɔ ni Nyɔŋmɔ bɔ shikpɔŋ lɛ, be ni nɔnaa baaba naagbee, kɛ nɔ ni baaba shikpɔŋ lɛ kɛ mɛi ni yɔɔ nɔ lɛ anɔ.

Mɛni Ji Nyɔŋmɔ Maŋtsɛyeli Lɛ?

Namɔ ji Nyɔŋmɔ Maŋtsɛyeli lɛ nɔ Maŋtsɛ, ni mɛni Maŋtsɛyeli lɛ baatsu?