Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Te Onaa Biblia lɛ Ohaa Tɛŋŋ?

Te Onaa Biblia lɛ Ohaa Tɛŋŋ?

Ani obaakɛɛ eji . . .

  • wolo ni gbɔmɛi anilee yɔɔ mli?

  • wolo ni adesãi kɛ blemasaji yɔɔ mli?

  • Nyɔŋmɔ Wiemɔ?

 NƆ NI BIBLIA LƐ KƐƆ

‘Ŋmalɛ fɛɛ ŋmalɛ lɛ ejɛ Nyɔŋmɔ Mumɔ lɛ mli.’2 Timoteo 3:16, Ga Biblia.

NƆ NI NO BAANYƐ ATSƆƆ KƐHA BO

Hetoi ni haa mɔ tsui nyɔɔ emli kɛha shihilɛ mli sanebimɔi ni he hiaa waa.—Abɛi 2:1-5.

Gbɛtsɔɔmɔ ni amuɔ afɔ̃ɔ nɔ ni kɔɔ wɔdaa gbi shihilɛ he.—Lala 119:105.

Hiɛnɔkamɔ diɛŋtsɛ kɛha wɔsɛɛ.—Romabii 15:4.

 ANI WƆBAANYƐ WƆHE NƆ NI BIBLIA LƐ KƐƆ LƐ WƆYE LƐƐLƐŊ?

Hɛɛ, kɛ́ hooo lɛ yɛ yiŋtoi etɛ ahewɔ:

  • Bɔ ni ekɛ ehe kpãa gbee lɛ yɛ naakpɛɛ. Mɛi srɔtoi aaashɛ 40 kɛ nɔ ni fe afii 1,600 ŋma Biblia lɛ. Amɛteŋ mɛi babaoo kɛ amɛhe ekpeee. Fɛɛ sɛɛ lɛ, Biblia muu lɛ fɛɛ kɛ ehe kpãa gbee, kɛ saneyitso titri kome!

  • Yinɔsane ni ja. Bei pii lɛ, je lɛŋ yinɔsaneŋmalɔi tsimɔɔ amɛmaji anɔ kunim ni aye lɛ anɔ. Nɔ ni tamɔɔɔ nakai lɛ, mɛi ni ŋma Biblia lɛ jɛ anɔkwayeli mli amɛŋmala amɛ diɛŋtsɛ amɛtɔmɔi kɛ amɛmaji lɛ ashigbeemɔi amɛshwie shi.—2 Kronika 36:15, 16; Lala 51:3-6.

  • Gbalɛ ni anyɛɔ akɛ he fɔ̃ɔ nɔ. Biblia lɛ gba blema Babilon maŋtiase lɛ hiɛkpatamɔ lɛ he sane efɔ̃ shi nɔ ni fe afii 200 dani eba mli. (Yesaia 13:17-22) Jeee gbɛ ni abaatsɔ nɔ akpata Babilon hiɛ lɛ pɛ etsɔɔ, shi etsɔɔ mɔ ni baakpata ehiɛ lɛ po gbɛ́i! —Yesaia 45:1-3.

    Biblia mli gbalɛi krokomɛi babaoo hu ba mli fitsofitso. Shi ani jeee enɛ ji nɔ ni wɔkpaa gbɛ yɛ Nyɔŋmɔ Wiemɔ lɛ he?—2 Petro 1:21.

 SANEBIMƆ KO NI ESA AKƐ OSUSU HE

Mɛɛ gbɛ nɔ Nyɔŋmɔ Wiemɔ lɛ baanyɛ aha oshihilɛ ahi?

Biblia lɛ haa nakai sanebimɔ lɛ hetoo yɛ YESAIA 48:17, 182 TIMOTEO 3:16, 17.

Ekrokromɛi Hu Nɛ

Ani Sanekpakpa lɛ Jɛ Nyɔŋmɔ Ŋɔɔ Lɛɛlɛŋ?

Te wɔbaafee tɛŋŋ wɔná nɔmimaa akɛ Biblia lɛ mli sane lɛ ji anɔkwale lɛɛlɛŋ?