Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Saji 10 ni Oblahii kɛ Oblayei Biɔ lɛ Ahetoo

 SANEBIMƆ 10

Ani Biblia lɛ Baanyɛ Aye Abua Mi?

Ani Biblia lɛ Baanyɛ Aye Abua Mi?

NƆ HEWƆ NI EHE HIAA

Biblia lɛ kɛɔ akɛ, “Ŋmalɛ lɛ fɛɛ jɛ Nyɔŋmɔ mumɔ lɛŋ.” (2 Timoteo 3:16) Kɛ́ eji anɔkwale lɛ, belɛ Biblia lɛ baanyɛ atsɔɔ bo gbɛ ni sa.

MƐNI OBAAFEE?

Feemɔ shihilɛ nɛɛ he mfoniri okwɛ: David miidraivi lɔle, ni eyashɛ he ko ni eleee jɛmɛ. Okadii ni yɔɔ gbɛjegbɛi lɛ ahe lɛ, kɛ bɔ ni jɛmɛ shikamɔ yɔɔ lɛ hã ena akɛ jeee he ni eyaa lɛ enyiɛ lɛ. David yɔse akɛ elaaje. Eeenyɛ efee akɛ, akɛni etsɔ gbɛ kroko nɔ lɛ hewɔ.

Bo ji David kulɛ, mɛni obaafee?

SUSUMƆ HE JOGBAŊŊ DÃ!

Obaanyɛ ofee nibii nɛɛ ateŋ ekome:

  1. A. Bi mɔ ko ni etsɔɔ bo gbɛ.

  2. B. Kwɛmɔ map, loo GPS nɔ.

  3. D. Kã he odraivi akɛ aleenɔ obaana gbɛ lo.

Ekã shi faŋŋ akɛ, yɛ nibii etɛ nɛɛ ateŋ lɛ, ebaawa akɛ nɔ ni ji etɛ lɛ (D) baaye omanye.

Klɛŋklɛŋ nɔ lɛ (A) hi moŋ, shi nɔ ni ji enyɔ lɛ (B) hi kwraa fe no. Ejaakɛ, bɔ fɛɛ bɔ ni fee lɛ, yɛ gbɛfãa lɛ mli lɛ, map loo GPS lɛ baahi ohe koni eye ebua bo ni ona gbɛ ni ja.

Biblia lɛ baanyɛ aye abua bo yɛ nakai gbɛ nɔŋŋ nɔ!

Wolo ni ahe fe woji fɛɛ nɛɛ baanyɛ

  • aye abua bo ni okpee shihilɛ mli naagbai anaa

  • aye abua bo ni ole mɔ ni oji jogbaŋŋ koni onyɛ otsɔ gbɔmɔ kpakpa

  • atsɔɔ bo bɔ ni obaafee ni oná shihilɛ ni nɔ bɛ

 SHIHILƐ MLI SANEBIMƆI NI HE HIAA WAA LƐ AHETOO

Kɛ́ afɔ wɔ ni wɔle wiemɔ nɔŋŋ lɛ, wɔbiɔ saji.

  • Mɛni hewɔ atatu lɛ yɔɔ bluu lɛ?

  • Mɛni akɛfee ŋulamii lɛ?

Be ni wɔdaraa lɛ, wɔbiɔ saji ni kɔɔ nibii ni yaa nɔ yɛ shihilɛ mli lɛ ahe.

Ni kɛ́ sanebimɔi nɛɛ ahetoo lɛ yɛ Biblia lɛ mli jeeŋmɔ beebe hu?

Mɛi babaoo kɛɔ akɛ Biblia lɛ mli eyi tɔ kɛ saji ni afo atã, amɛkɛɔ hu akɛ ebe eho, loo eshishinumɔ wa kwraa tsɔ. Shi ani naagba lɛ jɛ Biblia lɛ, aloo ejɛ nɔ ni mɛi enu yɛ Biblia lɛ he? Ani eeenyɛ eba akɛ alaka amɛ?

Akɛ nɔkwɛmɔnɔ lɛ, mɛi komɛi susuɔ akɛ Biblia lɛ tsɔɔ akɛ Nyɔŋmɔ ji mɔ ni kudɔɔ je lɛ. Shi te aaafee tɛŋŋ ni enɛ aba lɛ nakai? Je lɛ mli eyi obɔ kɛ basabasafeemɔ! Piŋmɔ kɛ nɔnaa, hela kɛ gbele, ohia kɛ oshara yɛ he fɛɛ he. Ani Nyɔŋmɔ ni yɔɔ suɔmɔ lɛ baafee enɛ?

Ani obaasumɔ ni ole hetoo lɛ? Nɔ ni Biblia lɛ kɛɔ yɛ mɔ tuuntu ni kudɔɔ je lɛ he lɛ baahã onaa akpɛ ohe!

Ekolɛ oyɔse akɛ ŋaawoi ni yɔɔ wolo nɛɛ mli lɛ jɛ Biblia lɛ mli. Yehowa Odasefoi yɛ hekɛnɔfɔɔ kwraa akɛ abaanyɛ akɛ he afɔ̃ Biblia lɛ nɔ kɛhã gbɛtsɔɔmɔ. Nɔ hewɔ lɛ ji akɛ ejɛ “Nyɔŋmɔ mumɔ lɛŋ, ni ehe yɛ sɛɛnamɔ kɛhã nitsɔɔmɔ, kɛhã mɔkunemɔ, kɛhã nibii ajajemɔ.” (2 Timoteo 3:16, 17) Eji osɔ̃ akɛ opɛi wolo ni etsɛ waa, kɛ̃lɛ emli wiemɔi lɛ be hoko nɛɛ mli!

Ekrokromɛi Hu Nɛ

Mɛni Hewɔ Esa akɛ Okase Biblia Lɛ?

Ani okɛɛ pɛŋ akɛ, ‘mibɛ deka’ aloo ‘misumɔɔɔ ni maje ekasemɔ shishi’?

Mɛni Yaa Nɔ yɛ Biblia Nikasemɔ Feemɔ Mli?

Ale Yehowa Odasefoi yɛ je lɛŋ fɛɛ akɛ amɛkɛ mɛi kaseɔ Biblia lɛ ní amɛheee shika. Kwɛmɔ bɔ ni afeɔ lɛ ahãa.