Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

‘Nyɛhia Nyɔŋmɔ Suɔmɔ Lɛ Mli’

Wolo ni jɛ Gbɛtsɔɔmɔ Kuu lɛ dɛŋ

Wolo ni jɛ Gbɛtsɔɔmɔ Kuu lɛ dɛŋ

Naanyo Kpakpa ni Sumɔɔ Yehowa:

Yesu kɛɛ akɛ: “Nyɛaale anɔkwale lɛ, ni anɔkwale lɛ aaaha nyɛye nyɛhe.” (Yohane 8:32) Wiemɔi nɛɛ woɔ mɔ hewalɛ waa! Hɛɛ, abaanyɛ ale anɔkwale lɛ yɛ “naagbee gbii” ní jaraa ni amale eyi mli obɔ nɛɛ mli po. (2 Timoteo 3:1) Ani okaiɔ be ni oná ole Nyɔŋmɔ Wiemɔ lɛ mli anɔkwale lɛ klɛŋklɛŋ kwraa lɛ? Ŋwanejee ko bɛ he akɛ eha oná miishɛɛ diɛŋtsɛ!

Eyɛ mli akɛ ehe miihia ni wɔná anɔkwale lɛ he nilee ni ja ní wɔgba he sane wɔtsɔɔ mɛi krokomɛi daa moŋ, shi esa akɛ wɔha wɔjeŋba hu kɛ anɔkwale lɛ akpã gbee. Bɔni afee ni wɔnyɛ wɔfee enɛ lɛ, ehe miihia ni wɔhi Nyɔŋmɔ suɔmɔ lɛ mli. Mɛni enɛ tsɔɔ? Wiemɔi ni Yesu wie gbɛkɛ ni enɔ jetsɛremɔ lɛ agbe lɛ lɛ haa sanebimɔ nɛɛ hetoo. Ekɛɛ ebɔfoi anɔkwafoi lɛ akɛ: “Kɛji nyɛye mikitai lɛ anɔ lɛ, nyɛaahi misuɔmɔ lɛ mli; taakɛ bɔ ni mi hu miye mitsɛ kitai lɛ anɔ ni mihiɔ esuɔmɔ lɛ mli lɛ.”—Yohane 15:10.

Kadimɔ akɛ Yesu hi Nyɔŋmɔ suɔmɔ lɛ mli kɛtsɔ e-Tsɛ lɛ kitai lɛ anɔ ni eye lɛ nɔ. Wɔ hu esa akɛ wɔfee nakai ŋmɛnɛ. Kɛ́ wɔhi shi yɛ anɔkwale lɛ naa daa gbi lɛ, no baaha wɔhi Nyɔŋmɔ suɔmɔ lɛ mli. Yɛ nakai gbɛkɛ lɛ nɔŋŋ mli lɛ, Yesu kɛɛ akɛ: “Kɛji nyɛle nii nɛɛ ni nyɛye nɔ lɛ, ajɔɔ nyɛ.”—Yohane 13:17.

Wɔyɛ hiɛnɔkamɔ diɛŋtsɛ akɛ wolo nɛɛ baaye abua bo ní oya nɔ ohi shi yɛ anɔkwale lɛ naa ní no aha ohi ‘Nyɔŋmɔ suɔmɔ lɛ mli, koni oná naanɔ wala.’—Yuda 21.

Yehowa Odasefoi a-Nɔyeli Kuu