Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Nyɔŋmɔ Maŋtsɛyeli lɛ Ebɔi Nɔyeli

Abɛkugbɛ:Nibii ni akɛjɛ Switzerland kɛyaye abua wɔnyɛmimɛi ni yɔɔ Germany, afi 1946; ejurɔgbɛ: Aama Maŋtsɛyeli Asa lɛ ekoŋŋ yɛ Japan, be ni tsunami efite nibii yɛ afi 2011 lɛ

 Fà6

Maŋtsɛyeli lɛ Sɛɛfimɔ—Tsũi ni Amamɔɔ Kɛhã Nyɔŋmɔjamɔ kɛ Mɛi ni Oshãra Enina Amɛ lɛ Ayelikɛbuamɔ

Maŋtsɛyeli lɛ Sɛɛfimɔ—Tsũi ni Amamɔɔ Kɛhã Nyɔŋmɔjamɔ kɛ Mɛi ni Oshãra Enina Amɛ lɛ Ayelikɛbuamɔ

 OBOTE nyɛ-Maŋtsɛyeli Asa lɛ mli ni ona akɛ jɛmɛ etsake diɛŋtsɛ. Oshwɛɛɛ tsũ nɛɛ he kwraa. Ekolɛ, okaiɔ miishɛɛ nibii komɛi ni tee nɔ afii komɛi ni eho nɛ be ni oyeɔ obuaa kɛmaa tsũ nɛɛ. Shi yɛ gbɛ ko nɔ lɛ, etamɔ nɔ ni amrɔ nɛɛ onya Asa lɛ he kwraa fe tsutsu lɛ, ejaakɛ Maŋtsɛyeli Asa lɛ ebatsɔ he ni akɛ nibii ni akɛyeɔ abuaa mɛi ni oshãra efite amɛnibii lɛ toɔ, ni akɛbaatsu enɛ he nii kɛyashi be ko. Nyɛsɛɛ nɛɛ, be ni nugbɔ wulu ko ni nɛ waa lɛ hã nyɛkpokpaa lɛ nɔ fɛɛ yi kɛ nu, ni efite nibii babaoo lɛ, oya nɔŋŋ kɛkɛ ni Nitsumɔhe Nine Ajinafoi Akuu lɛ to gbɛjianɔ koni mɛi ni oshãra lɛ enina amɛ lɛ aná niyenii, hehaanɔ, nu ni mli tse, kɛ yelikɛbuamɔ krokomɛi ni he hiaa amɛ lɛ. Ato nibii ni mɛi ejɛ amɛsuɔmɔ mli amɛkɛba koni akɛye abua lɛ jogbaŋŋ. Nyɛmimɛi ni oshãra enina amɛ lɛ baa jɛmɛ, ni amɛnine shɛɔ nibii ni amɛtaoɔ lɛ anɔ, ni miishɛɛ sɔŋŋ ni amɛnáa lɛ hãa amɛteaŋ mɛi pii ahiŋmɛiaŋ kpalaa nu.

Yesu wie akɛ nɔ titri ni baakadi ewebii lɛ ji suɔmɔ ni amɛbaaná amɛhã amɛhe. (Yoh. 13:34, 35) Yɛ fã nɛɛ mli lɛ, wɔbaasusu bɔ ni Yehowa Odasefoi jieɔ Kristofoi asuɔmɔ kpo yɛ tsũi ni amɛmamɔɔ kɛ yelikɛbuamɔi ni amɛkɛhãa mɛi ni oshãra enina amɛ lɛ ahe. Suɔmɔ ni tamɔ nɛkɛ ni wɔjieɔ lɛ kpo lɛ fɛɛ maa nɔ aduatsɔ akɛ wɔyɛ Yesu Maŋtsɛyeli nɔyeli lɛ shishi lɛɛlɛŋ.

YƐ FÃ NƐƐ MLI

YITSO 18

Bɔ ni Afeɔ Anáa Shika Kɛfiɔ Maŋtsɛyeli Nitsumɔi Asɛɛ

Nɛgbɛ anáa shika lɛ kɛjɛɔ? Mɛni akɛtsuɔ?

YITSO 19

Tsumaa Nitsumɔ ni Woɔ Yehowa Hiɛ Nyam

Jamɔhei lɛ woɔ Nyɔŋmɔ hiɛ nyam, shi nɔ ko yɛ ni ehiɛ sɔɔ kwraa fe no.

YITSO 20

Yelikɛbuamɔ Nitsumɔ lɛ Woɔ Yehowa Hiɛ Nyam

Te wɔfeɔ tɛŋŋ wɔleɔ akɛ yelikɛbuamɔ nitsumɔ lɛ fata sɔɔmɔ krɔŋŋ ni wɔkɛhaa Yehowa lɛ he lɛ?