Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Nyɔŋmɔ Maŋtsɛyeli lɛ Ebɔi Nɔyeli

Ani ooshwe ní ona akɛ Maŋtsɛyeli shiwoi lɛ eba mli?

 Fà7

Maŋtsɛyeli lɛ Shiwoi—Abaafee Nibii Fɛɛ Ehee

Maŋtsɛyeli lɛ Shiwoi—Abaafee Nibii Fɛɛ Ehee

 OTSE apol agbo ko ni etsu yɛ tso lɛ nɔ. Ofũ eŋma lɛ dani okɛfata ekrokomɛi ni otse owo kɛntɛŋ mli lɛ ahe. Otsu nii ŋmɛlɛtswai saŋŋ, shi oonu he akɛ obaanyɛ otsu fioo kɛfata he lolo. Omami hu bɛŋkɛ tso lɛ eko he, ni emii eshɛ ehe kɛmiitsu nii, ekɛ weku mli bii krokomɛi kɛ enanemɛi ni eba amɛmiiye amɛbua lɛ kɛtse apol lɛ miigba sane. Kɛ́ okwɛ lɛ lɛ, onaa lɛ akɛ eji oblayoo—etamɔ bɔ ni onaa lɛ afii komɛi ni eho be ni oji gbekɛ lɛ. Oheee oyeee akɛ yoo nɛɛ nɔŋŋ tsɔ yoomo yɛ jeŋ ni eho jeeŋmɔ lɛ mli lɛ. Yɛ nakai je lɛ mli lɛ, ona be ni hela emɔ lɛ waa ni eehe egbo lɛ, ohiɛ enine mli kɛyashi egbo, ni be ni egbo lɛ ofo aahu yɛ gɔɔ mli. Shi amrɔ nɛɛ, naa lɛ kɛ mɛi krokomɛi babaoo, ehiɛ kã ni ená gbɔmɔtsoŋ hewalɛ ekoŋŋ!

Wɔle akɛ gbii tamɔ nɛkɛ baaba kɛ̃. Wɔle enɛ ejaakɛ Nyɔŋmɔ shiwoi fɛɛ baa mli. Yɛ fã nɛɛ mli lɛ, wɔbaasusu bɔ ni Maŋtsɛyeli lɛ shiwoi komɛi baaba mli ahã yɛ be ni kã wɔhiɛ nɛɛ mli koni ehã Harmagedon ta lɛ afɛ lɛ he. Kɛfata he lɛ, wɔbaasusu Maŋtsɛyeli shiwoi ni yɔɔ miishɛɛ ni baaba mli yɛ no sɛɛ lɛ ahe. Kwɛ bɔ ni wɔmii baashɛ wɔhe akɛ wɔbaana ni Nyɔŋmɔ Maŋtsɛyeli lɛ miiye shikpɔŋ muu lɛ fɛɛ nɔ, ni eefee nibii fɛɛ ehee!

YƐ FÃ NƐƐ MLI

YITSO 21

Nyɔŋmɔ Maŋtsɛyeli lɛ Baabule Ehenyɛlɔi lɛ Ashishi

Obaanyɛ osaa ohe oto bianɛ kɛha Harmagedon ta lɛ.

YITSO 22

Maŋtsɛyeli lɛ Ebɔi Nyɔŋmɔ Yiŋtoi Ahe Nitsumɔ yɛ Shikpɔŋ lɛ Nɔ

Te obaafee tɛŋŋ oná nɔmimaa akɛ Yehowa shiwoi lɛ baaba mli lɛɛlɛŋ?