Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Nyɔŋmɔ Maŋtsɛyeli lɛ Ebɔi Nɔyeli

Abɛkugbɛ: Gbɛgbalɔ ko ni miishiɛ yɛ Korea, afi 1931; ejurɔgbɛ: Aashiɛ yɛ mumui awiemɔ mli yɛ Korea ŋmɛnɛ

 Fà2

Maŋtsɛyeli Shiɛmɔ—Agbɛ Sanekpakpa lɛ Ashwã Je Lɛŋ Fɛɛ

Maŋtsɛyeli Shiɛmɔ—Agbɛ Sanekpakpa lɛ Ashwã Je Lɛŋ Fɛɛ

 GBI ko ni oyaaa nitsumɔ lɛ, oto gbɛjianɔ akɛ obaaya shiɛmɔ. Onu he akɛ etɔ bo, no hewɔ lɛ oshashao shi fioo. Oná kulɛ obaajɔɔ ohe jogbaŋŋ nakai leebi lɛ! Shi osɔle yɛ he, ni okpɛ mli akɛ obaaya shiɛmɔ. Okɛ nyɛmiyoo onukpa ko ni kɛ afii saŋŋ esɔmɔ lɛ tsu nii yɛ shiɛmɔ nitsumɔ lɛ mli, ni bɔ ni ekɛ shifimɔ kɛ mlihilɛ esɔmɔ lɛ ta otsuiŋ waa. Be ni nyɛshiɛɔ anɔkwale lɛ yɛ shĩa kɛ shĩa lɛ, okai akɛ onyɛmimɛi Kristofoi krokomɛi ni yɔɔ je lɛŋ fɛɛ lɛ hu kɛ woji kɛ nibii krokomɛi lɛ nɔŋŋ miijaje sane nɛɛ nɔŋŋ, ni amɛ fɛɛ amɛnáa tsɔsemɔ kome too lɛ nɔŋŋ mli gbɛfaŋnɔ. Be ni oshɛɔ shĩa lɛ, onu he akɛ ohe ewa bo naakpa. Omii shɛ ohe waa akɛ otaaa shĩa!

Amrɔ nɛɛ, Kristofoi ashiɛmɔ nitsumɔ lɛ ji Nyɔŋmɔ Maŋtsɛyeli lɛ nitsumɔ titri. Yesu gba fɔ̃ shi akɛ, yɛ naagbee gbii nɛɛ amli lɛ, abaashiɛ kɛkpele je lɛŋ fɛɛ. (Mat. 24:14) Te egbalɛ nɛɛ eba mli ehã tɛŋŋ? Wɔbaasusu shiɛlɔi lɛ, gbɛi ni amɛtsɔɔ nɔ amɛshiɛɔ, kɛ nibii ni amɛkɛtsu nii ni eye ebua mɛi akpekpei komɛi yɛ je lɛŋ fɛɛ, ni amɛbayɔse akɛ Nyɔŋmɔ Maŋtsɛyeli lɛ ji nɔ ko ni yɔɔ diɛŋtsɛ lɛ ahe yɛ fã nɛɛ mli!

YƐ FÃ NƐƐ MLI

YITSO 6

Mɛi ni Shiɛɔ—Shiɛlɔi Jɛ Amɛsuɔmɔŋ Amɛkɛ Amɛhe Hã

Mɛni hewɔ Yesu ná nɔmimaa akɛ ebaaná mɛi babaoo ajɛ amɛsuɔmɔŋ amɛshiɛ yɛ naagbee gbii lɛ amli lɛ? Mɛni obaanyɛ ofee kɛtsɔɔ akɛ ootao Maŋtsɛyeli lɛ tsutsu?

YITSO 7

Gbɛi Anɔ ni Atsɔɔ Ashiɛɔ—Atsɔ Gbɛi Srɔtoi Anɔ Koni Nine Ashɛ Mɛi Anɔ

Kanemɔ koni ole ŋaa gbɛi heei ni Nyɔŋmɔ webii lɛ kɛtsu nii kɛshiɛ sane akpakpa lɛ amɛhã mɛi babaoo bɔ ni amɛbaanyɛ dani naagbee lɛ aba.

YITSO 8

Nibii ni Afee Koni Akɛshiɛ—Woji kɛ Nibii ni Afee Kɛha Jeŋ Muu Fɛɛ Nitsumɔ Lɛ

Mɛɛ gbɛ nɔ wɔ-wiemɔ shishitsɔɔmɔ nitsumɔ lɛ maa nɔ mi akɛ Yesu fi wɔ sɛɛ? Mɛɛ anɔkwalei ni kɔɔ woji kɛ nibii ni wɔfeɔ lɛ ahe lɛ hãa onaa akɛ Maŋtsɛyeli lɛ ji nɔ ko ni yɔɔ diɛŋtsɛ?

YITSO 9

Nɔ ni Ejɛ Shiɛmɔ Nitsumɔ lɛ Mli Kɛba—‘Ŋmɔji lɛ Egba Futaa Kɛhã Kpamɔ’

Yesu tsɔɔ ekaselɔi lɛ nibii enyɔ komɛi ni he hiaa waa yɛ mumɔŋ nikpamɔ lɛ he. Te nibii nɛɛ saa wɔhe ŋmɛnɛ ehãa tɛŋŋ?