Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Mɛni ji Nyɔŋmɔ Maŋtsɛyeli Lɛ?

Mɛni ji Nyɔŋmɔ Maŋtsɛyeli Lɛ?

Ani obaakɛɛ eji . . .

  • nɔ ko ni yɔɔ otsuiŋ?

  • mfonirifeemɔŋ wiemɔ?

  • nɔyeli ko ni yɔɔ ŋwɛi?

 NƆ NI BIBLIA LƐ KƐƆ

“Nyɔŋmɔ ní yɔɔ ŋwɛi lɛ aaatee maŋtsɛyeli ko shi ama shi ni efiteŋ dɔŋŋ kɛaatee naanɔ.”—Daniel 2:44, Ga Biblia.

‘Afɔ́ binuu ahã wɔ; ni elumɔyeli loo enɔyeli lɛ aaakã ekɔŋ nɔ.’Yesaia 9:6.

BƆ NI OBAANYƐ ONÁ HE SƐƐ

  • Nɔyeli ni yeɔ jalɛsane ni obaanyɛ oná he sɛɛ.Yesaia 48:17, 18.

  • Yɛ jeŋ hee ni baaba lɛ mli lɛ, obaaná gbɔmɔtsoŋ hewalɛ kpakpa kɛ miishɛɛ.Kpojiemɔ 21:3, 4.

 ANI WƆBAANYƐ WƆHE NƆ NI BIBLIA LƐ KƐƆ LƐ WƆYE LƐƐLƐŊ?

Hɛɛ, kɛ́ hooo lɛ yɛ yiŋtoi enyɔ ahewɔ:

  • Yesu tsɔɔ nɔ ni Nyɔŋmɔ Maŋtsɛyeli lɛ baatsu. Yesu tsɔɔ esɛɛnyiɛlɔi lɛ ni amɛsɔle koni Nyɔŋmɔ Maŋtsɛyeli lɛ aba ni afee Nyɔŋmɔ suɔmɔnaa nii yɛ shikpɔŋ lɛ nɔ. (Mateo 6:9, 10) Yesu fee bɔ ni abaafee ahã sɔlemɔ nɛɛ hetoo lɛ he nɔkwɛmɔnɔ.

    Be ni Yesu yɔɔ shikpɔŋ lɛ nɔ lɛ, elɛ mɛi ni hɔmɔ yeɔ amɛ lɛ, etsa helatsɛmɛi, ni etee gbohii ashi! (Mateo 15:29-38; Yohane 11:38-44) Yesu ni ji mɔ ni baaye Nyɔŋmɔ Maŋtsɛyeli lɛ nɔ wɔsɛɛ lɛ fee nɔ ni nakai Maŋtsɛyeli lɛ baafee ehã eshishi bii lɛ he nɔkwɛmɔnɔ fioo ko.—Kpojiemɔ 11:15.

  • Nibii ni yaa nɔ yɛ je lɛ mli lɛ tsɔɔ akɛ etsɛŋ ni Nyɔŋmɔ Maŋtsɛyeli lɛ baaba. Yesu gba akɛ kɛ́ eshwɛ fioo ni Maŋtsɛyeli lɛ kɛ toiŋjɔlɛ baaba shikpɔŋ lɛ nɔ lɛ, tai, hɔ̃ji, kɛ shikpɔŋ hosomɔi baaba je lɛŋ.Mateo 24:3, 7.

    Ŋmɛnɛ lɛ, wɔmiina nibii nɛɛ fɛɛ. No hewɔ lɛ, wɔbaanyɛ wɔná nɔmimaa akɛ etsɛŋ ni Nyɔŋmɔ Maŋtsɛyeli lɛ kɛ naagbai nɛɛ fɛɛ baaba naagbee.

 KƐHÃ HESUSUMƆ

Te shihilɛ baatamɔ ahã tɛŋŋ be ni Nyɔŋmɔ Maŋtsɛyeli lɛ yeɔ nɔ lɛ?

Biblia lɛ hãa nakai sanebimɔ lɛ hetoo yɛ LALA 37:29YESAIA 65:21-23.

Ekrokromɛi Hu Nɛ

Shikpɔŋ nɔ Toiŋjɔlɛ—Te Ebaafee Tɛŋŋ Eba?

Kanemɔ koni ona bɔ ni Nyɔŋmɔ ewo shi akɛ ebaatsɔ e-Maŋtsɛyeli lɛ nɔ ekɛ jeŋ fɛɛ toiŋjɔlɛ aba.

Mɛni Ji Nyɔŋmɔ Yiŋtoo Kɛha Shikpɔŋ Lɛ?

Biblia lɛ tsɔɔ nɔ hewɔ ni Nyɔŋmɔ bɔ shikpɔŋ lɛ, be ni nɔnaa baaba naagbee, kɛ nɔ ni baaba shikpɔŋ lɛ kɛ mɛi ni yɔɔ nɔ lɛ anɔ.