Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kasemɔ Nii Kɛjɛ Tsɔɔlɔ Kpele Lɛ Ŋɔɔ

 YITSO 12

Yesu Tsɔɔ Wɔ Sɔlemɔ

Yesu Tsɔɔ Wɔ Sɔlemɔ

ANI okɛ Yehowa Nyɔŋmɔ wieɔ?— Eesumɔ ni okɛ lɛ awie. Kɛji akɛ okɛ Nyɔŋmɔ miiwie lɛ, atsɛɔ enɛ akɛ sɔlemɔ. Yesu kɛ e-Tsɛ ni yɔɔ ŋwɛi lɛ wie shii abɔ. Yɛ bei komɛi amli lɛ esumɔɔ ni ekome too ehi he ko beni ekɛ Nyɔŋmɔ wieɔ. Be ko lɛ Biblia lɛ kɛɛ, “Ekwɔ gɔŋ lɛ, ekome too, ní eyasɔle. Shi beni je na lɛ, ekome too eyɔɔ jɛi.”—Mateo 14:23.

Nɛgbɛ obaanyɛ oya ni okome too oyasɔle yɛ jɛmɛ oha Yehowa?— Ekolɛ okome too obaanyɛ okɛ Yehowa awie dani owɔ gbɛkɛ. Yesu kɛɛ: “Kɛ́ oosɔle lɛ, botemɔ opia mli, ni oŋa oshinaa lɛ, ni osɔle oha otsɛ yɛ teemɔ mli.” (Mateo 6:6) Ani osɔleɔ ohaa Yehowa daa gbɛkɛ dani owɔɔ?— Esa akɛ ofee nakai.

Yesu sɔle be ni ekome too eyɔɔ . . . kɛ beni ekɛ mɛi krokomɛi yɔɔ

Yesu hu sɔleɔ beni mɛi krokomɛi yɔɔ emasɛi. Beni Yesu naanyo Lazaro gbo lɛ, ekɛ mɛi krokomɛi  sɔle yɛ he ni ayafu Lazaro yɛ lɛ. (Yohane 11:41, 42) Ni Yesu hu sɔleɔ kɛ́ ekɛ ekaselɔi lɛ miifee kpeei. Ani oyaa kpeei ni asɔleɔ yɛ jɛmɛ lɛ ashishi?— Mɔ ko ni eda fɔɔ sɔlemɔ yɛ jɛmɛ. Bó nɔ ni ekɛɔ lɛ toi jogbaŋŋ, ejaakɛ ekɛ Nyɔŋmɔ miiwie yɛ onajiaŋ. Kɛkɛ lɛ obaanyɛ okɛɛ “Amen” beni sɔlemɔ lɛ eba naagbee. Ani onuɔ “Amen” ni okɛɔ yɛ sɔlemɔ lɛ naagbee lɛ shishi?— Etsɔɔ akɛ osumɔɔ sɔlemɔ lɛ. Etsɔɔ akɛ okɛ enɛ kpãa gbee, ni ákɛ oosumɔ ni bo hu efee osɔlemɔ.

Mɛni hewɔ esa akɛ obo toi jogbaŋŋ kɛji akɛ aasɔle yɛ kpeei ashishi lɛ?

Yesu hu sɔleɔ kɛ́ ebaaye nii. Edaa Yehowa shi yɛ niyenii ni ebaaye lɛ hewɔ. Ani osɔleɔ be fɛɛ be dani oyeɔ nii?— Ehi akɛ wɔbaada Yehowa shi yɛ niyenii ni wɔná lɛ hewɔ dani wɔje shishi wɔye. Mɔ kroko baanyɛ asɔle beni nyɛyeɔ nii kutuu lɛ. Shi kɛ́ okome too oyeɔ nii hu? Aloo kɛji akɛ okɛ mɛi ni edaaa Yehowa shi lɛ miiye nii hu?— No lɛ ehe baahia ni okome osɔle.

Ani esa akɛ osɔle waa be fɛɛ be? Aloo Yehowa baanyɛ anu kɛji akɛ okome osɔle diŋŋ?— Wɔbaanyɛ wɔle hetoo lɛ kɛtsɔ nɔ ni ba Nehemia nɔ lɛ nɔ. Eji Yehowa jálɔ ni tsu nii yɛ Persia Maŋtsɛ Artashasta maŋtsɛwe lɛ. Gbi ko lɛ Nehemia fee enii mɔbɔmɔbɔ ejaakɛ enu akɛ Yerusalem, ni ji emaŋbii lɛ amaŋtiase lɛ gbogboi lɛ ekumɔ eshwie shi.

Mɛɛ be obaanyɛ osɔle diŋŋ, taakɛ Nehemia fee lɛ?

 Beni maŋtsɛ lɛ bi Nehemia nɔ hewɔ ni efee ehiɛ mɔbɔmɔbɔ lɛ, klɛŋklɛŋ lɛ Nehemia sɔle diŋŋ. Kɛkɛ ni Nehemia kɛɛ maŋtsɛ lɛ nɔ hewɔ ni eyeɔ awerɛho lɛ, ni ebi lɛ akɛ ani ebaanyɛ eya Yerusalem koni eyasaa etswa gbogboi lɛ lo. Mɛni ba?—

Hɛɛ, Nyɔŋmɔ ha Nehemia sɔlemɔ lɛ hetoo. Maŋtsɛ lɛ kɛɛ lɛ akɛ ebaanyɛ eya! Maŋtsɛ lɛ po ha Nehemia tsei babaoo koni ekɛtsu nii ni ekɛtswa gbogboi lɛ. No hewɔ lɛ, Nyɔŋmɔ baanyɛ aha wɔsɔlemɔi ahetoo lɛɛlɛŋ, kɛji akɛ wɔsɔle diŋŋ po.—Nehemia 1:2, 3; 2:4-8.

Agbɛnɛ susumɔ enɛ he okwɛ. Ani esa akɛ oma oyi shi beni osɔleɔ lɛ? Ani esa akɛ okula shi yɛ onakutsei anaa? Te osusuɔ tɛŋŋ?— Bei komɛi lɛ Yesu kulaa shi ni esɔleɔ. Yɛ bei krokomɛi amli hu lɛ edamɔɔ shi. Ni yɛ bei komɛi amli hu lɛ  ewóɔ eyitso nɔ kɛyaa ŋwɛi beni esɔleɔ, taakɛ efee beni esɔle eha Lazaro lɛ.

No hewɔ lɛ, mɛni enɛ tsɔɔ?— Hɛɛ, enɛ tsɔɔ akɛ, shihilɛ ni oyɔɔ mli lɛ jeee nɔ ni he hiaa. Yɛ bei komɛi amli lɛ ehi akɛ oooma oyitso shi ni oŋa ohiŋmɛi. Yɛ bei krokomɛi amli hu lɛ ekolɛ obaasumɔ ni okula shi yɛ onakutsei anaa, taakɛ Yesu fee lɛ. Shi, kaimɔ akɛ, wɔbaanyɛ wɔsɔle wɔha Nyɔŋmɔ be fɛɛ be yɛ jetsɛremɔ mli loo gbɛkɛ, ni ebaabo wɔ toi. Nɔ titri ni he hiaa yɛ sɔlemɔ he ji akɛ, wɔheɔ wɔyeɔ diɛŋtsɛ akɛ Yehowa miibo toi. Ani oheɔ oyeɔ akɛ Yehowa nuɔ osɔlemɔi lɛ?—

Mɛni obaanyɛ owie he otsɔɔ Nyɔŋmɔ yɛ sɔlemɔ mli?

Mɛni esa akɛ wɔkɛɛ yɛ wɔsɔlemɔi ni wɔsɔleɔ wɔhaa Yehowa lɛ mli?— Kɛɛmɔ mi: Kɛ́ oosɔle lɛ, mɛni okɛɔ Nyɔŋmɔ?— Yehowa haa wɔ nibii kpakpai pii, ni esa jogbaŋŋ akɛ wɔda lɛ shi yɛ nomɛi ahewɔ, aloo jeee nakai?— Wɔbaanyɛ wɔda lɛ shi yɛ niyenii ni wɔyeɔ lɛ hewɔ. Shi ani oda lɛ shi pɛŋ yɛ atatuiaŋ ni feɔ bluu, kɛ tsei kɛ amɛnɔ baaŋmɔŋ, kɛ fɔfɔii fɛfɛji lɛ ahewɔ?— Lɛ efee nomɛi hu.

Be ko lɛ Yesu kaselɔi lɛ bi ni etsɔɔ amɛ bɔ ni asɔleɔ. No hewɔ lɛ, Tsɔɔlɔ Kpele lɛ fee nakai, ni etsɔɔ amɛ nibii ni he hiaa titri ni esa akɛ amɛsɔle amɛbi. Ani ole nɔ ni nɛkɛ nibii nɛɛ ji?— Kɔ́ o-Biblia lɛ ni ogbele Mateo yitso 6. Wɔnaa nɔ ni mɛi pii tsɛɔ lɛ Wɔ-Tsɛ ni Yɔɔ Ŋwɛi loo  Nuŋtsɔ lɛ Sɔlemɔ lɛ kɛjɛ kuku 9 kɛyashi 13 lɛ. Ha ni wɔ fɛɛ wɔkane.

Wɔkaseɔ yɛ biɛ akɛ Yesu kɛɛ wɔ akɛ wɔsɔle yɛ Nyɔŋmɔ gbɛi lɛ he. Ekɛɛ wɔsɔle koni Nyɔŋmɔ gbɛi lɛ he atse, loo abu lɛ akɛ nɔ̃ krɔŋkrɔŋ. Mɛni ji Nyɔŋmɔ gbɛi?— Hɛɛ, no ji Yehowa, ni esa akɛ wɔsumɔ nakai gbɛi lɛ.

Nɔ ni ji enyɔ lɛ, Yesu tsɔɔ wɔ akɛ wɔsɔle koni Nyɔŋmɔ Maŋtsɛyeli lɛ aba. Nɛkɛ Maŋtsɛyeli nɛɛ he hiaa ejaakɛ ekɛ toiŋjɔlɛ baaba shikpɔŋ nɔ, ni ebaafee lɛ paradeiso.

Nɔ ni ji etɛ lɛ, Tsɔɔlɔ Kpele lɛ kɛɛ esa akɛ asɔle koni afee Nyɔŋmɔ suɔmɔnaa nii yɛ shikpɔŋ nɔ tamɔ bɔ ni afeɔ yɛ ŋwɛi lɛ. Kɛji akɛ wɔsɔle wɔbi enɛ lɛ, no lɛ esa akɛ wɔfee nɔ ni Nyɔŋmɔ sumɔɔ ni wɔfee.

No sɛɛ lɛ, Yesu tsɔɔ wɔ akɛ wɔsɔle yɛ niyenii ni he hiaa wɔ kɛha gbi lɛ he. Ekɛɛ hu akɛ esa akɛ wɔkpa Nyɔŋmɔ fai beni wɔfee nibii ni ejaaa lɛ. Ni esa akɛ wɔbi ni Nyɔŋmɔ kɛke wɔ. Shi dani eeefee nakai lɛ, esa akɛ wɔkɛ efɔŋ ni mɛi krokomɛi efee wɔ lɛ ake amɛ. Ani eyɛ mlɛo akɛ ooofee nakai?—

Naagbee lɛ, Yesu kɛɛ akɛ, esa akɛ wɔsɔle koni Yehowa Nyɔŋmɔ abu wɔhe kɛjɛ mɔ fɔŋ, Satan Abonsam dɛŋ. No hewɔ lɛ, enɛɛmɛi fɛɛ ji nibii kpakpai ni esa akɛ wɔsɔle kɛha Nyɔŋmɔ yɛ he.

Esa akɛ wɔhe wɔye akɛ Yehowa nuɔ wɔsɔlemɔi lɛ. Kɛfata bi ni wɔbiɔ lɛ koni eye ebua wɔ lɛ he lɛ, esa akɛ wɔya nɔ wɔda lɛ shi. Kɛji akɛ nɔ ni wɔwieɔ yɛ sɔlemɔ mli lɛ ji anɔkwale, ni wɔbi lɛ nibii ni ja lɛ, enáa miishɛɛ. Ni ekɛ nibii nɛɛ baaha wɔ. Ani oheɔ enɛ oyeɔ?—

Anaa ŋaawoi kpakpai babaoo ni kɔɔ sɔlemɔ he lɛ yɛ Romabii 12:12; 1 Petro 3:12; kɛ 1 Yohane 5:14.