Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Ani Gbohii lɛ Baanyɛ Ahi Shi Ekoŋŋ Lɛɛlɛŋ?

Ani Gbohii lɛ Baanyɛ Ahi Shi Ekoŋŋ Lɛɛlɛŋ?

Ani obaakɛɛ . . .

  • hɛɛ?

  • dabi?

  • ekolɛ?

 NƆ NI BIBLIA LƐ KƐƆ

“Gbohiiashitee baaba.”Bɔfoi lɛ Asaji 24:15, Ga Biblia.

NƆ NI NO BAANYƐ ATSƆƆ KƐHA BO

Miishɛjemɔ kɛ́ osuɔlɔ ko gbo.—2 Korintobii 1:3, 4.

Heyeli kɛmiijɛ gbeyei ni asheɔ akɛ abaagbo lɛ he.—Hebribii 2:15.

Hiɛnɔkamɔ ni yɔɔ diɛŋtsɛ akɛ okɛ osuɔlɔi ni egboi lɛ baahi shi ekoŋŋ.—Yohane 5:28, 29.

 ANI WƆBAANYƐ WƆHE NƆ NI BIBLIA LƐ KƐƆ LƐ WƆYE LƐƐLƐŊ?

Hɛɛ, yɛ yiŋtoi etɛ hewɔ:

  • Nyɔŋmɔ ji mɔ ni Bɔ wala. Biblia lɛ tsɛɔ Yehowa Nyɔŋmɔ akɛ “wala nubu.” (Lala 36:10; Bɔfoi lɛ Asaji 17:24, 25) Eyɛ faŋŋ akɛ Mɔ ni ha bɔɔ nii fɛɛ wala lɛ yɛ nyɛmɔ ni ekɛaaha mɔ ko ni egbo lɛ aba wala mli ekoŋŋ.

  • Nyɔŋmɔ etee adesai ashi yɛ bei ni eho lɛ amli. Biblia lɛ wieɔ mɛi kpaanyɔ—gbekɛbii, onukpai, hii, kɛ yei—ni atee amɛshi kɛba wala mli yɛ shikpɔŋ nɔ lɛ ahe. Amɛteŋ mɛi komɛi gboi etsɛɛɛ ni atee amɛ shi, shi mɔ kome ye gbii ejwɛ yɛ gbonyobu mli dani atee lɛ shi!—Yohane 11:39-44.

  • Nyɔŋmɔ miishwe ni efee ekoŋŋ. Yehowa nyɛɔ gbele; ebuɔ lɛ akɛ eji henyɛlɔ. (1 Korintobii 15:26) ‘Eeshwe’ ni eye nakai henyɛlɔ lɛ nɔ, ni ebaatsɔ gbohiiashitee lɛ nɔ ejie gbele yɛ shihilɛ mli. Eeshwe ni ekɛ mɛi ni yɔɔ ekaimɔ mli lɛ aba wala mli, ní ena amɛ akɛ amɛmiihi shi yɛ shikpɔŋ lɛ nɔ ekoŋŋ.—Hiob 14:14, 15.

 SANEBIMƆ KO NI ESA AKƐ OSUSU HE

Mɛni hewɔ wɔgbɔlɔɔ ni wɔgboiɔ?

Biblia lɛ haa nakai sanebimɔ lɛ hetoo yɛ 1 MOSE 3:17-19ROMABII 5:12.

Ekrokromɛi Hu Nɛ

Mɛɛ Hiɛnɔkamɔ Yɔɔ Kɛha Gbohii Lɛ?

Mɛni baa kɛ́ wɔgboi? Ani wɔbaanyɛ wɔna wɔsuɔlɔi ni egboi lɛ ekoŋŋ?