Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Bo Nyɔŋmɔ Toi Koni Ohi Shi Kɛya Naanɔ

 Fà1

Mɛɛ Gbɛ nɔ Wɔtsɔɔ Wɔboɔ Nyɔŋmɔ Toi?

Mɛɛ Gbɛ nɔ Wɔtsɔɔ Wɔboɔ Nyɔŋmɔ Toi?

Nyɔŋmɔ kɛ wɔ wieɔ kɛtsɔɔ Biblia lɛ nɔ. 2 Timoteo 3:16

Anɔkwa Nyɔŋmɔ lɛ kɛ gbɛtsɔɔmɔ ha mɛi ni amɛŋmala esusumɔi amɛwo wolo kome ko ni yɔɔ krɔŋŋ mli. Nakai wolo lɛ ji Biblia lɛ. Ehiɛ shɛɛ sane ko ni he hiaa ní Nyɔŋmɔ miisumɔ akɛ ole.

Nyɔŋmɔ le nɔ ni hi fe fɛɛ kɛha wɔ, ni lɛ ji nilee fɛɛ Jɛɛhe. Kɛ́ obo lɛ toi lɛ, obaatsɔ nilelɔ diɛŋtsɛ. —Abɛi 1:5.

Nyɔŋmɔ miisumɔ ni mɔ fɛɛ mɔ kwraa ni yɔɔ shikpɔŋ lɛ nɔ lɛ akane Biblia lɛ. Amrɔ nɛɛ eyɛ wiemɔi babaoo amli.

Kɛ́ oosumɔ akɛ obo Nyɔŋmɔ toi lɛ, no lɛ esa akɛ okane Biblia lɛ koni onu shishi.

 Gbɔmɛi ni yɔɔ he fɛɛ he lɛ miibo toi. Mateo 28:19

Yehowa Odasefoi baanyɛ amɛye amɛbua bo koni onu Biblia lɛ shishi.

Amɛtsɔɔ anɔkwale ni kɔɔ Nyɔŋmɔ he lɛ yɛ shikpɔŋ lɛ nɔ he fɛɛ he.

Awooo nyɔmɔ ko kɛha nitsɔɔmɔ nɛɛ. Obaanyɛ okase Nyɔŋmɔ he nii hu yɛ Yehowa Odasefoi a-Maŋtsɛyeli Asa ni yɔɔ he ni oyɔɔ lɛ.