Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Mɛni Wɔbaanyɛ Wɔkase Kɛjɛ Biblia lɛ Mli?

Mɛɛ Shihilɛ Nyɔŋmɔ Sumɔɔ ni Wɔná?

Mɛɛ Shihilɛ Nyɔŋmɔ Sumɔɔ ni Wɔná?

ŊMƐNƐ lɛ, ojotswaa, tawuu, kɛ awuiyeli eyi je lɛŋ fɛɛ. Nibii ni wɔkaneɔ yɛ adafitswaa woji amli, nibii ni wɔnaa yɛ TV nɔ, kɛ nibii ni wɔnuɔ yɛ redio nɔ lɛ tsɔɔ nakai. Bo diɛŋtsɛ hu oyɛ onaagbai. Ekolɛ hela ko miigba onaa, aloo mɔ ko ni osumɔɔ esane waa lɛ egbo.

Bi ohe akɛ:

  • Ani nɛkɛ ji bɔ ni Nyɔŋmɔ sumɔɔ ni mi kɛ miweku lɛ shihilɛ afee?

  • Mɛni baanyɛ aye abua mi ni makpee minaagbai lɛ anaa?

  • Ani be ko baaba ni wɔbaaná toiŋjɔlɛ yɛ shikpɔŋ nɛɛ nɔ?

Biblia lɛ hãa sanebimɔi nɛɛ fɛɛ hetoo.

 BIBLIA LƐ HÃA WƆLEƆ AKƐ, NYƆŊMƆ BAAFEE NIBII KPAKPAI PII YƐ SHIKPƆŊ LƐ NƆ.

  • Mɔ ko he ko waŋ ehe dɔŋŋ, wɔgbɔlɔŋ dɔŋŋ, ni wɔgboiŋ dɔŋŋ.Kpojiemɔ 21:4

  • Obubuafoi baatumɔ tamɔ adowa.Yesaia 35:6

  • “Abaagbele shwilafoi ahiŋmɛii.”Yesaia 35:5

  •  Abaatee gbohii ashi.Yohane 5:28, 29

  • Hela mɔŋ mɔ ko dɔŋŋ.Yesaia 33:24

  • Mɔ fɛɛ mɔ baaye nii etɔ.Lala 72:16

 BƆ NI OBAAFEE ONÁ SAJI NI YƆƆ BIBLIA LƐ MLI LƐ AHE SƐƐ

Ekolɛ, obaasusu akɛ nibii ni wɔwie he yɛ baafai ni tsɔ hiɛ lɛ amli lɛ nyɛŋ aba mli kɔkɔɔkɔ. Shi Nyɔŋmɔ ewo shi akɛ, etsɛŋ kwraa, ebaatsu nibii nɛɛ ahe nii yɛ shikpɔŋ lɛ nɔ, ni Biblia lɛ hãa wɔleɔ gbɛ ni ebaatsɔ nɔ efee nakai.

Shi kɛfata he lɛ, Biblia lɛ tsɔɔ wɔ nibii ni kɛ́ wɔfee lɛ, ebaahã wɔná miishɛɛ bianɛ. Mɛni ji nibii komɛi ni gbaa onaa? Ani eji shika sane, weku sane, hela ko, loo osuɔlɔ ko ni egbo? Ekɔɔɔ he eko nɔ ni eji lɛ, Biblia lɛ baanyɛ aye abua bo ni onyɛ okpee naa. Ehãa sanebimɔi ni nyiɛ sɛɛ nɛɛ ahetoo, bɔ ni afee ni wɔkaye wɔtsui tsɔ.

 Obɔi wolo nɛɛ kanemɔ, ni no kɛkɛ po tsɔɔ akɛ, oosumɔ ni okase nii kɛjɛ Biblia lɛ mli. Wolo nɛɛ baaye abua bo. Emli kukuji lɛ eko fɛɛ eko hiɛ sanebimɔi, ni enɛ baaye abua bo ni onu Biblia lɛ shishi jogbaŋŋ. Mɛi akpekpei abɔ náa miishɛɛ waa kɛ́ Yehowa Odasefoi kɛ amɛ miikase Biblia lɛ. Wɔle akɛ bo hu obaaná he miishɛɛ. Yaa nɔ okase Biblia lɛ, ni Nyɔŋmɔ baajɔɔ bo!

Ekrokromɛi Hu Nɛ

Mɛni Hewɔ Esa akɛ Okase Biblia Lɛ?

Biblia lɛ miiye miibua mɛi akpekpei komɛi ni yɔɔ jeŋ fɛɛ lɛ kɛmiiná shihilɛ mli sanebimɔi titrii lɛ ahetoo. Ani obaasumɔ ni ofata mɛi nɛɛ ahe?

Mɛni Yaa Nɔ yɛ Biblia Nikasemɔ Feemɔ Mli?

Ale Yehowa Odasefoi yɛ je lɛŋ fɛɛ akɛ amɛkɛ mɛi kaseɔ Biblia lɛ ní amɛheee shika. Kwɛmɔ bɔ ni afeɔ lɛ ahãa.