Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Mi-Wolo ni Gbaa Biblia Mli Saji

Mi-Wolo Ni Gbaa Biblia Mli Saji

Mi-Wolo Ni Gbaa Biblia Mli Saji
Yesu ni kɛ gbekɛbii miiwie

WOLO nɛɛ mli saji lɛ ji anɔkwale. Ajie kɛjɛ wolo ni fe fɛɛ yɛ je lɛŋ, ni ji Biblia lɛ mli. Saji lɛ gbaa bo jeŋ yinɔsane kɛjɛ be mli ni Nyɔŋmɔ je shishi ebɔi nibɔɔ aahu kɛbashi wɔ ŋmɛnɛŋmɛnɛ gbii nɛɛ amli. Saji lɛ gbaa nɔ ni Nyɔŋmɔ ewo shi akɛ ebaafee yɛ wɔsɛɛ be mli lɛ po.

Wolo nɛɛ haa oleɔ nɔ ni yɔɔ Biblia lɛ mli lɛ diɛŋtsɛ. Egbaa Biblia mli gbɔmɛi kɛ nibii ni amɛfee lɛ ahe saji. Etsɔɔ naanɔ wala he hiɛnɔkamɔ kpakpa ni kɔɔ paradeiso shikpɔŋ ni Nyɔŋmɔ kɛha gbɔmɛi lɛ hu mli.

Saji srɔtoi 116 yɔɔ wolo lɛ mli. Afee amɛ kui kpaanyɔ. Fã fɛɛ fã klɛŋklɛŋ baafa lɛ gbaa nɔ ni anaa yɛ nakai fã lɛ mli lɛ he sane yɛ gbɛ kuku nɔ. Ato saji lɛ anaa yɛ bɔ ni amɛba yɛ yinɔsane mli lɛ naa. Enɛ yeɔ ebuaa bo ni oleɔ be mli ni nibii lɛ ba yɛ yinɔsane mli.

Agbaa saji lɛ yɛ wiemɔi ni yɔɔ mlɛo mli. Nyɛ ni ji gbekɛbii bibii lɛ ateŋ mɛi pii baanyɛ akane. Nyɛ ni ji fɔlɔi lɛ baayoo akɛ nyɛbii bibii lɛ baasumɔ ni nyɛkane saji lɛ nyɛtsɔɔ amɛ shii abɔ. Nyɛbaana akɛ nibii ni gbekɛbii kɛ onukpai fɛɛ nyaa he yɔɔ wolo nɛɛ mli.

Aŋmala Biblia mli ŋmalɛi yɛ saji lɛ eko fɛɛ eko naagbee. Aawo bo hewalɛ ni okane Biblia mli ŋmalɛ ni saji nɛɛ jɛ mli lɛ.

Aŋmala Biblia mli ŋmalɛi ni akɛtsu nii yɛ wolo nɛɛ mli lɛ yɛ gbɛ kroko nɔ. Akɛwo wiemɔi ni yɔɔ mlɛo ni gbekɛbii baanyɛ anu shishi lɛ mli. Ŋmalɛi ni yɔɔ saji lɛ anaagbee lɛ tsɔɔ he ni eyɔɔ yɛ Biblia lɛ mli.