Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Mi-Wolo ni Gbaa Biblia Mli Saji

Biblia Mli Sane 14: Nyɔŋmɔ Ka Abraham Hemɔkɛyeli Ekwɛ

Biblia Mli Sane 14: Nyɔŋmɔ Ka Abraham Hemɔkɛyeli Ekwɛ

ANI oona nɔ ni Abraham feɔ yɛ biɛ lɛ? Ehiɛ kakla, ni etamɔ nɔ ni ebaagbe ebi lɛ. Mɛni hewɔ kwraa esa akɛ efee nakai? Klɛŋklɛŋ lɛ, nyɛhaa wɔkwɛa bɔ ni fee ni Abraham kɛ Sara fɔ amɛbinuu lɛ.

Abraham kɛ Isak yaashã afɔle

Kaimɔ akɛ, Nyɔŋmɔ wo amɛ shi akɛ amɛbaafɔ binuu. Shi etamɔ nɔ ni enyɛŋ eba mli, ejaakɛ Abraham kɛ Sara egbɔ tsɔ̃. Shi, Abraham hé eye akɛ Nyɔŋmɔ baanyɛ afee nɔ ko ni anyɛŋ afee. No hewɔ lɛ mɛni ba?

Afi muu ho yɛ Nyɔŋmɔ shiwoo lɛ sɛɛ. Kɛkɛ ni beni Abraham eye afii 100 ni Sara hu eye afii 90 lɛ, amɛfɔ binuu ni awo lɛ gbɛi akɛ Isak. Nyɔŋmɔ eye eshiwoo lɛ nɔ!

Shi beni Isak da saŋŋ lɛ, Yehowa ka Abraham hemɔkɛyeli ekwɛ. Etsɛ lɛ akɛ: ‘Abraham!’ Ni Abraham here nɔ akɛ: ‘Naa mi!’ Kɛkɛ ni Nyɔŋmɔ kɛɛ: ‘Ŋɔɔ obinuu lɛ, obi koome Isak, ni oya gɔŋ ni matsɔɔ bo lɛ nɔ. Gbee obi lɛ yɛ jɛmɛ ni okɛ lɛ ashã afɔle.’

Nakai wiemɔi lɛ ha Abraham werɛ ho ehe, ejaakɛ Abraham sumɔɔ ebinuu lɛ jogbaŋŋ. Ni kaimɔ akɛ, Nyɔŋmɔ ewo shi akɛ Abraham bii lɛ baahi Kanaan shikpɔŋ lɛ nɔ. Shi te baafee tɛŋŋ ni enɛ baaba mli kɛji Isak egbo lɛ? Abraham nuuu shishi, shi kɛlɛ ebo Nyɔŋmɔ toi.

Beni amɛshɛ gɔŋ lɛ nɔ lɛ, Abraham fimɔ Isak ni ekɛ lɛ fɔ afɔleshãa latɛ ni ema lɛ nɔ. Kɛkɛ ni ejie kakla lɛ koni ekɛgbe ebi lɛ. Shi amrɔ nɔŋŋ pɛ kɛkɛ ni Nyɔŋmɔ bɔfo tsɛ lɛ: ‘Abraham, Abraham!’ Ni Abraham here nɔ akɛ: ‘Naa mi!’

Nyɔŋmɔ kɛɛ lɛ akɛ: ‘Kaafee gbekɛ lɛ efɔŋ ko. Kpaako miná mile akɛ oheɔ mi oyeɔ, ejaakɛ okamaaa mi obinuu, ni ji obi kome too lɛ.’

Mɛɛ hemɔkɛyeli kpeteŋkpele Abraham yɔɔ yɛ Nyɔŋmɔ mli nɛkɛ! Ehe eye akɛ nɔ ko nɔ ko bɛ ni Yehowa nyɛŋ afee, ni ákɛ, Yehowa baanyɛ atee Isak shi kɛjɛ gbohii ateŋ po. Shi jeee Nyɔŋmɔ suɔmɔnaa nii diɛŋtsɛ ji ni Abraham agbe Isak. No hewɔ lɛ, Nyɔŋmɔ ha too ko ka jwɛi komɛi ni yɔɔ jɛmɛ lɛ mli, ni ekɛɛ Abraham ni ekɛ too lɛ moŋ ashã afɔle shi jeee ebi lɛ.

1 Mose 21:1-7; 22:1-18.



Sanebimɔi

  • Mɛɛ shiwoo Nyɔŋmɔ kɛha Abraham, ni Nyɔŋmɔ ye eshiwoo lɛ nɔ yɛ mɛɛ gbɛ nɔ?
  • Taakɛ atsɔɔ yɛ mfoniri lɛ mli lɛ, mɛɛ gbɛ Nyɔŋmɔ tsɔ nɔ eka Abraham hemɔkɛyeli lɛ?
  • Eyɛ mli akɛ Abraham nuuu yiŋtoo hewɔ ni Nyɔŋmɔ kɛ famɔ haa lɛ lɛ shishi moŋ, shi mɛni efee?
  • Mɛni ba be ni Abraham kɔ kakla koni egbe ebi lɛ?
  • Te hemɔkɛyeli ni Abraham ná yɛ Nyɔŋmɔ mli lɛ mli wa ha tɛŋŋ?
  • Mɛni Nyɔŋmɔ kɛha Abraham koni ekɛsha afɔle lɛ, ni yɛ mɛɛ gbɛ nɔ?

Sanebimɔi ni fata he

  • Kanemɔ 1 Mose 21:1-7.

    Mɛni hewɔ Abraham fo ebi lɛ ketia yɛ gbi ni ji kpaanyɔ lɛ nɔ lɛ? (1 Mose 17:10-12; 21:4)

  • Kanemɔ 1 Mose 22:1-18.

    Isak ba ehe shi eha etsɛ Abraham yɛ mɛɛ gbɛ nɔ, ni enɛ feɔ wɔsɛɛ be mli nifeemɔ ko ni he hiaa waa lɛ he mfoniri yɛ mɛɛ gbɛ nɔ? (1 Mose 22:7-9; 1 Kor. 5:7; Fil. 2:8, 9)

Ekrokromɛi Hu Nɛ

Abraham—‘Mɛi Fɛɛ ni Yɔɔ Hemɔkɛyeli lɛ Atsɛ’

Mɛni Abraham fee kɛtsɔɔ akɛ eyɛ hemɔkɛyeli? Mɛɛ gbɛi anɔ obaasumɔ ni okase Abraham hemɔkɛyeli lɛ?